hósdagur 13. oktober 2016síða 18

18 Føroyar eru blivnar meiri kendar í Póllandi gjøgnum krimiskaldsøgurnar hjá Ova Løgmansbø. Trupulleikin er bara, at eingin póllendingur, sum býr i Føroyum hevur møtt einum persóni, sum eitur Ove Løgmansbø. Ove Løgmansbø kemur eisini við nógvum skeivum upplýsingum um Føroyar í sínum krimiskaldsøgum HERI SIMONSEN N orðurlendskur krimi­ skald­skapur hev­ur gingið sína sig­urs­gongd í Póllandi seinnu árini. Serliga er tað norski rit­høv­und­ urin, Jo Nesbø, sum hevur nógvar lesarar. Nú er so ein pólsk­ur rit- høvundur komin undan kavi, sum hevur givið tvær krimiskaldsøgur út, sum báðar ganga fyri í Føroyum. Rithøvundurin nevnir seg Ove Løgmansbø, og hann sigur seg verða póllending av føroyskari ætt. Trupuleikin er bara, at eingin póllendingur, sum býr í Føroyum hevur møtt ella heilsað uppá Ova Løgmansbø. Póllendingar, sum búgva í Føroyum vistu einki um Ove Løgmansbø fyrrenn hann gav út fyrru krimiskaldsøgu sína, sum nevnist »Enklawa«. Men nógvir póllendingar hava keypt fyrru bókina hjá Ova Løgmansbø, og tað hevur leitt til, at hann stutt aftaná gav út aðru krimiskaldsøguna, sum eisini fer fram í Føroyum. Onnur bókin hjá Ova Løgmansbø eitur »Fongurin«. Eingin veit hvør maðurin er Sosialurin var á gátt hjá pólsku Kingu Eysturland, sum býr í Klaks- vík, sum er rættiliga ør­kymlað um krimiskaldskapin hjá Ova Løgmansbø: – Eingin kennir Ova Løgmansbø, ella veit hvør hann er, staðfestir Kinga Eysturland. Kinga greiðir víðari frá: – Í apríl í ár gav Ove Løgmansbø út bókina »Enklawa«. Tað er eitt lítið, rættiliga ókent forlag í syðra partinum av Póllandi, sum hevur givið bók­ina út. Og forlagið skrivaði í tíð­indaskrivum um bókina »En­ klawa«, at Ove Løgmansbø er hálv­ur póllendingur og hálvur før- oyingur. Og tað kom fram, at Ove Løgmansbø valdi heldur at geva út sín krimiskaldskap á pólskum enn á føroyskum, tí nógv fleiri fólk duga at lesa pólskt. »Enklawa« fer fram í Vestmanna Vestmanna er høvuðspallurin fyri bókina »Enklawa«. Um bókina sigur Kinga Eysturland: – Talan er um eina krimiskaldsøgu um eina kvinnu, sum eitur Paula Løkin, sum er dripin í Vestmanna. Líkið av Paulu Løkin verður funn­ið í einum vatni í fjøllunum oman fyri Vestmanna. Eingin veit hvat er farið fram, og fólk í Vestmanna eru ógvuliga skelkað um ræðuliga tilburðin. Danska løg­reglu­kvinnan, Katherine Elle­gaard verður send til Føroya, og til Vestmanna at uppklára hvør hevur dripið Paulu Løkin. Hon roynir at finna útav hvat er hent í málinum, og hon roynir at finna prógv ímóti teimum, sum eru undir illgruna at hava dripið Paulu Løkin. Høvuðspersónurin í bókini er Hallbjørn Olsen, sum í sínum yngri døgum var í danska herinum. Hann var við danska herinum, sum hevði støð í gamla Jugoslavia, tá borgarakríggj var har í 1990-árunum, og nú hevur Hallbjørn Olsen posttraumatiska strongd av tí, sum hann hevur upplivað í gamla Jugoslavia. Vest­manna gerst eitt »CSI«-stað, fortelur Kinga Eysturland, og flennir hjartaliga, og sipar til víðagitnu amerikonsku krimi­sjón- varpsrøðuna »CSI«. Skeivar kunningar og upplýsingar Tað, sum gevur Kingu Eysturland tann størsta illgrunan um, at KRIMI LØGIN PÓLSKUR KRIMISKALDSKAPUR ÚR FØROYUM Fyrra bókin hjá Ova Løgmansbø eitur "Enklawa"." Kinga Eysturland er skelkað um skeivu upplýsingarnar hjá Ova Løgmansbø í krimiskaldsøgum hansara, sum fara fram í Føroyum Ein duldarfull mynd av Ova Løgmansbø, sum roynir at goyma sín samleika SOSIALURIN 118 FRÍGGJADAGUR 14. OKTOBER 2016