hósdagur 20. oktober 2016síða 9

FRÍGGJADAGUR 21. OKTOBER 2016 SOSIALURIN 121 9 SÓLVIT E. NOLSØ Tað eru bert tvær fyritøkur at velja ímillum á føroyska fjar­ skiftis­mark­nað­inum: Vodafone og Føroya Tele. Seinastu umleið trý árini hava viðskiftafólkini merkt eina kapping millum partarnar, ið hevur havt eina ógvusliga prís­ lækking á haldunum við sær. Vit hava fingið hald við fríari talu og nógvum data íroknað. Vit hava ikki nógvar stórar fyri­ tøkur, sum kappast á føroyska mark­naðinum. Tí kunnu vit sum viðskiftafólk sjálvandi fegnast um, at kappingin millum Føroya Tele og Vodafone hevur menning av haldum við sær. Hinvegin hevur tað eisini verið ein liður í, at ávís ómaksgjøld, sum fyritøkurnar fyrr tóku á seg sjálvar, nú verða løgd á kundan. Gjaldið er fyri tænastu frá øðrum veitara Føroya Tele hevur ómaksgjald á bæði sjálvvirkandi gjaldsskipan og á rokningum, sum verða sendar heim til kundan. Tað vil siga, at bæði sjálvvirkandi og manuellar rokningar hava eitt ómaksgjald á. Fleiri hava víst á sína ónøgd hesum viðvíkjandi. Gjaldið fyri at hava eina fasta gjaldsskipan er kr. 9.75 pr. rokning. Um ein ikki hevur eina fasta gjaldsavtalu, er kostnaðurin kr. 39 pr. rokning, ið verður send heim til tín. John Syderbø frá Føroya Tele sigur, at hetta eitt ómaksgjaldið er lagt á kundan, tí tað er ein tænasta, ið kundin brúkar beinleiðis frá øðrum veitara. - Ómaksgjaldið er ein tæn­asta, sum kundin betalir fyri frá einum øðrum veitara enn okk­ um. Tað er ikki nakað, sum vit gera. Í hesum førinum er tað Elek­tron, sum tekur pengar av konto hjá kundanum og flytir hana inn á konto hjá okkum, sigur John Syd­ er­bø, marknaðar- og produkt­stjóri hjá Føroya Tele. Fyrr hevur Føroya Tele tikið hesa upphæddir á seg, men í sam­ band við eitt skiftið frá einum donskum veitara til føroysku loysn­ina, valdi Føroya Tele at leggja gjaldið fyri gjaldsskipanina á kundan. Gjalda fyri at gjalda Avgjøldini á rokningar kann tykast eitt sindur løgin. Við skipanini mugu viðskiftafólkini gjalda eitt ómaksgjald fyri at kunna gjalda rokningina. - Tað kann hugsast, at fólk halda tað, men hetta er ein tendensur, sum tú sær nógva aðrastaðni. Tað er ikki bara Føroya Tele, sum ger tað. Vit gera tað fyri at málrætta og sjónliggera tær útreiðslurnar, sum hetta hevur fyri okkara fólk og tær uppgávurnar, sum vit gera innanhýsis í samband við hetta her, sigur John Syderbø. John Syderbø sigur, at Føroya Tele eisini mennir ein annan leist, ið er bíligari enn tann, sum fyritøkan hevur nú. Á Ver hald­ inum hjá Føroya Tele kann ein skrá­seta sítt gjaldskort beinleiðis og har verður ein lægri kostnaður á flytingum. Vodafone eisini avgjøld á flytingum Eins og Føroya Tele, hevur Voda­ fone eisini avgjøld á flytingum, ið eru tilmeldaðar eina gjaldsskipan. Sambært heimasíðu felagsins, kostar tað kr. 7.50 pr. mánað, um tú er tilmeldaður gjaldsskipan á tænastunum Betalingsservice ella Leverandørservice. Hinvegin er tað ókeypis um tú er tilmeldaður eini sjálvvirkandi kortgjalding. - Vit umsótu gjaldið sjálvir fyrr, men hava valt at leggja gjaldið á kundan. Hinvegin vildu vit eisini hava eitt alternativ og tað gjørdu vit við at hava skipanina við gjalds­ kortinum, har gjaldsskipanin er ókeypis, sigur Suni Justinussen, sølu­stjóri á Vodafone. Rembingar á marknaðinum kravt tillagingar Suni Justinussen sigur, at tað er eingin loyna, at telemarknaðurin hevur havt eina sera aktiva kapping og tað hevur havt stórar broytingar við sær. Tí mátti mann hyggja eitt sindur nærri uppá ymsar samansetingar í teimum tæn­astum, sum fyritøkan bjóðaði, mill­um annað hesari. John Syderbø sigur eisini, at stóru broytingarnar á tele­mark­ naðinum hava sett ferð á hesa broyt­ingina í tænastuni. Tá so Føroya Tele valdi at gera eina umlegging í hesi gjaldsstænastuni frá Nets til Elektron, bleiv avgjørt at leggja henda kostnað á kundan. - Vit hava í nógv ár tikið henda kost­naðin á okkum, men vit høv­du nú møguleikan gera eina um­legg­ ing, sigur John Syderbø, sum tó ikki hevur tøl á hvussu nógv hetta hev­ ur kosta Føroya Tele. AVGJØLD Á ROKNINGUM: – VIT GJALDA FYRI AT GJALDA TEMA: Avgjøld