hósdagur 20. oktober 2016síða 10

FRÍGGJADAGUR 21. OKTOBER 2016 SOSIALURIN 121 10 TEMA: Avgjøld SÓLVIT E. NOLSØ Atlantic Airways hevur leingi verið einasta flogfelagið, ið føroying­ar hava havt. Mærsk Air gavst í 2004 og eftirfylgjandi hevur Atlantic verið einsamalt, burtursæð frá einum hálvum ári, tá FaroeJet var til. Tískil hava vit ikki nógv at velja í um vit skulu av landinum. Vil tú flúgva, so er tað Atlantsflog, sum er einsamallur veitari. Í øllum førum í eitt hálvt ár ella so afturat, inntil SAS kemur á marknaðin. Millum brúkarar hevur leingi verið kjak um prísin á flog­ferða­ seðlunum. Tað eru nógv, sum halda hann verða í dýrara lagi og fleiri finnast at avgjøldunum, ið verða løgd afturat og harvið dýrka ferðaseðilin. Jóhanna á Bergi er stjóri á Atlantic Airways. Hon skil­ ir atfinningarnar og vil gera nakað við tær, men samstundis sigur hon, at tað er ikki teirra felag, ið ásetur øll avgjøldini. Áðrenn eg tosaði við Jóhonnu, hevði eg bílagt eina ferð úr Før­oy­ um til Danmarkar, t/r. Dømi var, at eg fór úr Føroyum ein mikudag og kom aftur úr Danmark mánadagin eftir. Túrurin hevði kostað mær kr. 3.563. Á bíleggingini sæst, at prís­ urin er deildur í fleiri partar: - Grundprísur: kr. 3.104 - Avgjøld: kr. 409 - Avgreiðslugjald: kr. 50 - Tað, sum eitur avgjøld, fer alt til aðrar partar enn okkum. Kr. 165 fer til Vága Floghavn, kr. 179 fer til Kastrup Lufthavn og kr. 65 fer til landskassan í ferðaavgjaldi, sigur Jóhanna á Bergi. Vilja gjarna avtaka fleiri gjøld Tær kr. 50, sum Atlantsflog tek­ur inn frá okkum, ið bíleggja ferða­ seðlar á heimasíðu felagsins, vil Jóhanna á Bergi við tíðini sleppa av við. - Vit eru í ferð við at hyggja uppá øll hasi gjøld­ini. Oljuavgjaldið bleiv koyrt uppí prísin á ferðaseðlinum og avgreiðslugjaldið á kr. 50 er stutt síðan koyrt niður frá kr. 70. Vit arbeiða fyri at koyra tað enn longur niður og vónandi við tíðini sleppa av við tað, sigur Jóhanna á Bergi. Landskassin tikið avgjald í nógv ár Í eini 30 ár hevur landskassin eis­ ini tikið avgjøld frá brúkarum á ferðaseðlum. Upprunaliga bleiv tað ásett sum ein fyribils loysn, ið við tíðini skuldi avtakast, men tað kom ongantíð so langt. Millum annað kom eitt oljugjald á og eitt ferða­avgjald. Sum fyrr sagt, so er oljugjaldið nú ein partur av prís­ inum á ferðaseðlinum, men ferða­ avgjaldið liggur enn á. Landskassin tekur kr. 65 fyri hvønn ferðandi, sum fer úr Før­ oy­um. Landskassin fær árliga mill­um 8-10 mió. burturúr hesum av­gjaldið. Poul Michelsen umsitur økið sum landsstýrismaður. Sum ting­maður fyri Framsókn legði hann í 2015 fram eitt uppskot um at avtaka ferðaavgjaldið á flog­ ferða­seðlum fyri at fáa prísin nið­ ur. Sum landsstýrismaður hevur hann enn ikki tikið stig til at fáa av­gjaldið burtur. Tað hevur ikki eydnast okkum at fáa fatur í Poul Michelsen áðr­ enn blaðið fór til prentingar. SÓLVIT E. NOLSØ Tað hava nógv feløg á føroyska marknaðin eisini tikið til sín og geva viðskiftafólki ábyrgd at skipa síni egnu viðurskiftir. Tað er lættari fyri fyritøkurnar, ger tað lættari hjá viðskiftafólkum t.d. at bíleggja vøruna og eitt lið verður tikið úr bíleggingarketuni. Sjálvandi skuldi tað eisini havt við sær, at vøran bleiv bíligari. Kund­in avgeiðir jú seg sjálvan, so at siga. Ofta umvegis eina heimasíðu. Tað er tó ikki ein so stór sjálv­ fylgja. Hinvegin kemur tað meir enn so fyri, at tú sum viðskifta­fólk rindar fyri at avgreiða teg sjálvan ella, sum í einum dømi vit brúka í dag, so rindar tú fyri at gjalda tína rokning. Avgjøld ella ómaksgjøld verða í nógvum førum brúkt av fyritøkum. Eitt ómaksgjald er eitt gjald, sum fyritøkur taka fyri at hava eina tænastu. Tað kann tó ofta tykast løgið, at ómaksgjøld oftast verða løgd lagdar á tænastur, sum vit sum viðskiftafólk handfara sjálvi. Vit hava dømi í blaðnum í dag, har hugt verður at nøkrum fyri­ tøkum. Vit hava tosa við umboð frá telefyritøkum. Báðar fyri­tøkurnar taka pening, fyri at við­skiftafólk stovna gjaldsavtal­ur. Tað vil siga, at í summum førum gjalda vit fyri at gjalda rokningina. Vit tosa eisini stjóran á Atlan­ tic Airways, Jóhonnu á Bergi og við stjóran á Posta, Joel undir Leitinum. Atlantic Airways tekur avgreiðslugjald frá teimum, ið bíleggja flogferðaseðlar á netinum. Hóast eitt umsitingarlið verður lopið um og tann ferðandi sjálvur bíleggur, so verður ein kostnaður tikin fyri tað. Posta tekur eisini gjøld fyri at handfara pakkar, ið vit hava bílagt. Joel undir Leitinum førir fram, at í avgreiðslugjøld verða løgd á fyri at dekka tær íløgur, sum er neyðugar í t.d. skipanir og starvsfólk. Eisini hava vit gjørt eitt yvir­lit yvir onnur avgjøld, ið viðskifta­fólk rinda í bankunum og í nýggja flog­ felagnum á føroyarutuni, SAS. solvit@sosialurin.fo At avgreiða okkara egnu viðurskiftir er nakað, ið vit øll miða eftir. At kunna hava eina yvirorðnaða stýring og yvirlit yvir tað, ið mann fæst við er gott JÓHANNA Á BERGI: ARBEIÐA FYRI AT MINKA AVGJØLDINI VIT RINDA FYRI AT AVGREIÐA OKKARA EGNU VIÐURSKIFTIR