hósdagur 20. oktober 2016síða 13

FRÍGGJADAGUR 21. OKTOBER 2016 SOSIALURIN 121 13 FYRIREIKA OS Í ÍSLANDI sostatt ikki fer at elva til heilsu­ skaðar her á landi. Meta um og ráðgeva Hann sigur, at hinvegin er eisini sannlíkt, at øska, sum sprænir úr gosinum verður tynt so mikið á veg til Føroya, at tað fer at elva til skaða. Men kortini vísti Eyðafjallajøkul okkum, at øska og bitlar kunn spjaða seg rættiliga víða, og ta ferðina fall øska eisini niður í Føroyum. Pál Weyhe sigur, at verður eitt stórt eldgos í Íslandi, og ættin liggur hendavegin, er sostatt ikki óhugsandi, at bitlar eru í luftini, sum eru so fínir, at teir verða hangandi í luftini, so at fólk anda teir í seg, og tað kann elva til heilsuskaða. Hann sigur, at skuldi øska rikið inn á okkum, og skuldi luftin verið full av bitlum frá henni, hugsar hann sær, at eitt tilmæli frá bólkinum kundi verið at heitt á fólk, sum ikki hava fyri neyðini at fara út, um at halda seg innandura og at lata øll vindeygu og allar hurðar aftur og samstundis at sløkkja allar luftskipanir. Og tilmælið til tey, sum noyðast av húsum til arbeiðis, kundi verið, at tey skulu ikki vera uttandura longri enn neyðugt, og at tey skulu skrúva varmaapparatið í bilinum fyri. Hinvegin heldur Pál Weye eisini, at tað er ikki serliga hugs­ andi, at tað fer so nógv øska at reka inn yvir okkum, at vatnið ikki verður drekkandi. Men skuldi tað hent, verð­ur tann metingin send myndug­ leikunum, sum so taka støðu í hvørjum einstøkum føri til, hvørji stig skulu takast. Pál Weyhe sigur, at eitt hugs­ að dømi kann vera, at øll verða biðin um at skrúva allar kranar frá við tí endamáli at tøma vatn­ goymslurnar, so at tær kunnu fyllast aftur. Ein annar, hugsandi møguleiki, kann vera at dúva upp á fløskuvatn, til vandin er av. Pál Weyhe sigur, at tað er ongin orsøk, til at mála støðuna óneyð­uga dramatiska. Endamálið við tilbúgvingarbólkinum er at savna upplýsingar sam­an um støðuna, og at geva myndug­ leikunum eina fjølbroytta, fak­ liga og sakliga meting. Og so verða tað myndug­leik­ arnir, hvør á sínum øki,, sum síðani taka støðu til, hvat skal gerast, men hvørji stig skulu takast, veldst um, ta ítøkilgu støðuna, vit tá eru í, sigur Pál Weyhe. Hesi fýra skulu leggja tilbúgvingina til rættis Tað eru fýra limir í tilbúgvingarbólkinum, ið skal kallast saman, alt fyri eitt eitt elgos tekur seg upp, sum er so ógvusligt, at øska ella gass rekur inn yvir Føroyar, og vandi kann vera fyri fólkaheilsu ella djóraheilsu her á landi, ella um kann fáa avleiðingar fyri onnur viðurskifti her á landi. Tað er Pál Weyhe, sum er formaður í nevndini. Hann umboðar Heilsumálaráðið. Birna Mørkøra, landsdjóralækni, er næstformaður, hon umboðar Vinnumálaráðið og Bárður Enni, stjóri á Heilsufrøðiligu Starvsstovuni, er varalimur hjá henni. Skrivari er Uni Árting, jarðfrøðingur, sum eisini umboðar Vinnumálaráðið og varalimur hjá honum er Lis Mortensen, sum eisini er jarðfrøðingur. Fjórði limurin í bólkinum er Maria Dam, evnafrøðingur og deildarleiðari á Umhvørvisstovuni og varalimur hjá henni er Rakul Mortensen, umhvørvisevnafrøðingur, sum eisini er á Umhvørvisstovuni. Tey bæði umboða Fiskimálaráðið. Katla er eitt stórt gosfjall, og fer hon at goysa, kann tað verða ógvusligt. Hinvegin er onki, sum bendir á, at tað verður beint nú, soleiðis sum nógvir miðlar annars hava spátt