hósdagur 27. oktober 2016síða 10

FRÍGGJADAGUR 28. OKTOBER 2016 SOSIALURIN 124 10 TEMA: Keyp á netinum SÓLVIT E. NOLSØ Jørgen Niclasen var fíggjar­mála­ ráð­harri í fjør, tá Handils­vinnu­ felagið heitti á Fìggjarmálaráðið um at gera broytingar í lógini, so tað ikki var gjørligt at keypa vørur á netinum og innflyta tað toll- og avgjaldsfrítt, um upphæddin tilsamans var undir kr. 300. – Eg fekk áheitanir frá Handils­ vinnu­felagnum um at avtaka markið á 300 krónur og frá Posta um at seta markið upp á 2500 krónur. Tað, sum er trupulleikin við hasum 300 krónunum, tað er, at um tú avtekur tað og tú kemur við pakka, sum kostar 100 krónur og tú skal brúka galdandi reglar, so skal tú ikki bara betala 25% í mvg, so skal tú betalar gatt-toll, 30 krónur til TAKS, 40 krónur til Posta, t.v.s at kostnaðurin fyri pakkan fleirfaldast áðrenn tú fær hann. Tí segði eg við TAKS, at tey máttu finna ein smidligari máta at gera tað uppá. T.d. at gera eina skipan, har pakkar rindaðu 25% í toll, uttan mun til upphæddina. Tað segði TAKS ikki verða gjørlig, tí tað fór at rigga illa umsitingarliga, sigur Jørgen Niclasen. Jørgen Niclasen sigur, at tað er lítil ivi í, at markið á kr. 300 er kappingaravlagandi. Hinvegin ber illa til at áleggja fólkið, ið keypa ein pakka fyri eini kr. 100, eina rúgvu av gjøldum. Jørgen Niclasen sigur, at ítøkliga roynd hann at fáa eina skipan, har øll blivu javnsett og rindaðu hasar 25% toll á allar pakkar. Taks ivaðist nógv í tí umsitingarliga partinum av ætlanini og arbeiðið endaði við at draga út og tá valstríðið byrjaði, kom málið ikki víðari og tí komu vit ikki á mál við tí, sigur Jørgen Nicalsen, fyrrverandi landsstýrismaður í fíggjarmálum. VIT KOMU IKKI TIL EINA LOYSN Á MÁLINUM SÓLVIT E. NOLSØ Tað hevur fyrr verið frammi, at Posta ynskja markið á kr. 300 sett upp til kr. 2500, ið er loyvda upp­ hæddin, ið tú kann hava við tær í land, tá tú ferðast annahvørt við Norrönu ella Atlantic Airways. Tá Sosialurin í fjør viðgjørdi evnið, var ført fram, at Posta hevði framsett hetta ynski til Fíggjarmálaráðið, tí tey mettu hendan ójavnan at verða ein vansa fyri Posta. Stjórin í Posta, Joel undir Leitin­ um, sigur, at Posta hevur onga almenna støðu til málið. Tey hava ikki viðgjørt málið og vilja tí ikki gera fleiri viðmerkingar. Í ársfrágreiðingini frá 2013 stendur annars, at »markið á kr. 300 pr. sending, íroknað flutning, er ein forðing fyri at keypa uttanlands á netinum. Hetta markið átti at verið hækkað, í minsta lagið upp til kr. 2500 pr. sending, fyri veruliga at givið føroyingum møguleika at keypa úr øllum heiminum«. POSTA YNSKIR MARKIÐ Á KR. 300 UPP SÓLVIT E. NOLSØ E in skal ikki leita í langa tíð, fyri at finna eitt gott tilboð uppá vørur á netinum. Hartil er tað rættuliga ómakaleyst at finna vøruna, sum tú skal hava og fáa hana skjótt og væl avgreidda til hurðina heima hjá tær sjálvum. Um bíleggur hana úr USA ella Kina ger næstan ikki mun. Veitingartíðin er ofta ógvuliga lagalig og prísurin hartil lágur. Tað eru nógv, ið taka av hesum tilboði og hjá nógvum er tað fyrsta staðið tey kanna, um okkurt er til taks, ið skal útvegast. Poul Laust Christiansen eigur og rekur fyritøkuna Ctrl Sp/f, ið er ein KT-fyritøka. Hann keypir nógv á netinum. Nógv av tí hann keypir eru lutir, ið honum tørvar í samband við arbeiði, men barnaklæðir og annað verður eisini keypt á netinum. Fyrr var ov dýrt at keypa á netinum At hava eitt minstamark á kr. 300 áðrenn ein skal rinda toll og avgjøld er gott, sigur Poul Laust Christiansen. Áðrenn nakað mark var ásett, gjørdist tað ofta ov dýrt til at loysa seg at keypa á netinum. – Tá markið fór frá 0 uppá 300 var tað ein góð broyting. Eg keypi og smáar og bíligar lutir, ið kosta millum 50 og 100 krónur. Um eg til dømis keypti okkurt fyri 100 krónur, komu so nógv avgjøld og avgreiðslugjøld á, at tað reella gjaldið, tá alt var talt uppi, var langt omanfyri 100%. Tað gjørdist tað ógvuliga besverligt, sigur Poul Laust Christiansen. Minstamark fyri hvat loysir seg Poul Laust Christiansen sigur, at eftir hansara metan er markið á kr. 300, eitt minstamark fyri hvat loysir seg at arbeiða við umsitingarliga hjá myndugleikunum. Um hvør einasti pakki skal kannast, uttan mun til upphædd og líknandi, so er tað øgiliga skjótt at arbeiði ikki loysir seg meir. – Landið fær ikki nógv burturúr eini lítlari upphædd. Tað fer bara alt til umsiting. Eg trúgvi hatta markið skal síggjast sum ein bagatelgrensa fyri nær landið fær so lítið burturúr tí, at tað ikki loysir seg meira, sigur Poul Laust Christiansen. Poul Laust Christiansen sigur, at fyri tað mesta, so fella hansara keyp innanfyri kr. 300 markið á pakkum. Tað kemst av tí, at hansara keypsmynstur er smáir og bíligir lutir. Tískil er tað ikki so viðkomandi fyri hann, at argumentera fyri at hækka markið upp til kr. 2500, hóast hann kundi sæð fyrimunirnar við at hækkað markið hjá Posta upp til markið, ið Smyril Line og Atlantic Airways arbeiða við. – Tað kundi verið fantastiskt fyri brúkarin við einum hægri marki og ein góð kapping til føroysku handlarnar, men eg rokni við at nógv hevði blivið keypt í Føroyum alíkvæl, tí m.a. fraktin kemur afturat, sum dýrkar keypið. Eg vænti tey flestu høvdu framvegis keypt tær dýru og stóru vørurnar í Føroyum. Harumframt hevði tað nokk kostað landskassanum ov nógv um markið bleiv hækkað so nógv, sigur Poul Laust Christiansen. Hann sigur víðari, at tað ber illa til at samanbera tað at ferðast einaferð um árið og taka vørur heimaftur við fyri kr. 2500 og so at keypa fleiri ferðir um árið fyri tær upphæddirnar umvegis internetið. Keypir ikki alt á netinum Poul Laust Christiansen hevur eina KT fyritøku. Tað mesta hann keypir á internetinum er í tí sambandi. Fyri tað mesta eru tað smáir lutir og eykalutir hann HJÁLPTI VÆL MARKIÐ FÓR Alt fleiri keypa vørur umvegis alnótina og tað er einki, ið bendir á, at gongdin fer at venda