mánadagur 31. oktober 2016síða 12

Mánadagur 31. oktober 2016 · Nr. 125 12 Sosialurin Hugskot og viðmerkingar – send sms til 225000 John Kølbæk, fúti, fegnast um nýggju umstøðurnar í Húsagøtu. Hóast ongar ætlanir fyribils eru um at miðsavna virksemi í Havn, so útihýsir hann ikki møguligum broytingum í framtíðini Sólvit Nolsøe Solvit@sosialurin.fo Fyrrverandi bygningurin hjá Bank Nordik í Húsa­gøtu bleiv keyptur av Tórshavnar kommunu fyri 40 milliónir í mars í ár, i samband við at bankin bygdi nýggjan stásiligan bygning Tað bleiv tosa um hvat kommunan skuldi brúka bygninin til, men tað var ikki leingi, so byrjaði tosa at venda inn á, at ein nýggj ein nýggj politistøð skuldi byggjast á staðnum. Á heysti í 2014 vendi løg­reglan í Føroyum sær til Tórs­havnar kommunu um bygningin, tí tey høvdu eitt ynski um at fáa nýggj hølir til vega, tí í núverandi um­støðum eru tey staðsett á fleiri bú­støðum í Tórshavn, ið ikki er nøktandi. Tórshavnar kommuna og Bygningsstyrelsen gjørdu eina treytaða keyps­avtalu í januar 2016, sum finans­ud­ valget hjá Fólka­ting­in­um skuldi góð­kenna. Málið dróg eitt sindur út og finans­ udvalget sat á mál­in­um longur enn væntað, men hós­dagin í síðstu viku bar til. Tórs­havnar kommuna hevur nú loksins selt bygningin til politiið fyri 41.5 milliónir og arbeiði uppá at byggja um í Húsa­gøtu fer skjótt í gongd. Alt plássið í bygninginum verður brúkt – Tað fyrsta, sum fer at henda nú er, at vit fara at um­byggja í Húsagøtu, tí løg­ reglan í Tórshavn hevur heilt ein­falt ov fáar kvadratmetrar til taks á øllum adressunum, sum vit eru á, sigur John Køl­ bæk, fúti. John Kølbæk sigur, at við tað fyrsta verða ikki gjørdar broyt­ing­ar í starvs­fólka­hóp­ in­um ella fyri­sitingar­liga hjá løg­regluni í Føroyum. Allir metrarnir, sum verða til taks í nýggja bygninginum eru longu upptiknir tá hópurin hjá løg­regluni í Tórshavn fer inn. – Vit hava havt ein bólk, sum hevur sitið saman og víst á broyt­ing­ar­nar, ið eru neyðugar at gera í nýggja bygning­in­um og allir kvadrat­metrar eru longur brúkti, áðrenn um­bygging­in er farin í gongd. Enn liggur upp­gávan hjá arkitekt­um at gera lidnar tekning­ar, sum síðani kunnu fara í eitt út­ bjóðingar­um­far, sigur John Kølbæk. Vil ikki útihýsa øllum broytingum framyvir Umframt støðina í Tórshavn, eru støðir í Klaksvík og á Tvøroyri. Tað eru vakt­havandi politistar á flog­vøllin­um og í Runa­vík er ein lítil fyri­siting um­framt ein sýslu­mann, ið er á staðnum nakrar dagar um vikuna. í Sandoy eru eingir fastir løg­reglu­menn, men tveir eyka­politiskar eru til taks á oynni um­framt at løgreglu­fólk koma suður av og á. Eins og í Sandoy er støðin í Vágum eisini stongd. Landið gerst alsamt meira knýtt í tráð við uppstiganini av samferðslukervinum. Tað hevur við sær, at tað nú er stutt at koyra teinar, ið fyrr vórðu langir og tóku langa tíð at koma til og frá. Tí er nærliggjandi at hugsa, at keypið av einum stórum bygningi er ein liður í eini størri miðsavnan av løgregluni í Føroyum. – Tað liggja fyribils ongar ætlanir um tað, men hin­ vegin, so er tað ein sann­ roynd, at tunnilin til Eystur­ oynna gerst veru­leiki skjótt. Tá hann er opin er ein nýggjur veru­leiki, sum vit fyri­halda okkum til tá. Tað, sum vit hava bundið okkum til er at kunna veita tað bestu tænastu til okkara borgarar, útfrá teimum rammum, sum vit arbeiða undir. Tað skal ongantíð verða munur á tænastu óansæð um tú býr í Tjørnuvík ella í Tórshavn, sigur John Kølbæk, fúti. KANN HAVA BROYTINGAR VIÐ SÆR HÚSAGØTA Løgreglan skal í framtíðini húsast í Húsagøtu