mánadagur 31. oktober 2016síða 13

13 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 31. oktober 2016 · Nr. 125 STUTTSØGD TÍÐINDI H71 SNÁVAÐI Á HEIMAVØLLI Tað var um reppið, at H71 einki stig fekk hetta umfarið. Tey stuttsøgdu hyggja hesaferð nærri at økta spenninginum í báðum hondbóltsdeildunum, eins og vit gera eitt legg út í heim. Pætur Albinus FÓTBÓLTUR Hallur Hansson spældi við allan dystin, tá ið AC Horsens sunnudagin var á vitjan hjá SønderjyskE. Hetta var bein­ leiðis dystur um tað avgerandi 6. plássið í Superlig­uni, men tað gekk einki hjá teimum gulu úr Horsens hesaferð. Teir taptu 2-0 eftir mál frá Mikkel Uhre og Marcel Rømer. Eftir tapið er AC Horsens nú nummar sjey, eitt pláss og tvey stig frá 6. plássinum, sum gevur atgongd til endaspælið. René S. Joensen fekk sein­ asta hálva tíman á vøll­ inum, tá ið Vendsyssel FF sunnumorgunin var fyri einum avsmurningi á heima­ vølli ímóti greiða odda­ liðnum Hobro. Lítið fekk René hjálpt, tí støðan var longu 3-0 til gestirnar tá ið hann varð settur á vøllin. Endin var, at Hobro vann 4-0. Vendsyssel FF liggur tó framvegis væl fyri í næstbestu donsku deildini, har teir eru eitt stig frá uppflytingini. Heini Vatnsdal og Bárður J. Hansen vóru báðir við í byrjunaruppstillingini, tá ið Fremad Amager sunnudagin vann greiðan 3-0-sigur á heimavølli ímóti Skive. Sigurin varð grundlagdur í fyrra hálvleiki, tá ið teir av Amager vóru á odda 2-0. Heini Vatnsdal varð útskiftur tá ið ein tími var farin av dystinum. Við sigr­ inum hevur Fremad Amager nú lyft seg fram undir liðina á Vendsyssel FF og er nú einans eitt stig frá upp­flyt­ ingarplássunum. Brandur Hendriksson var heldur ikki hesaferð partur av Randers-hópinum, sum leygardagin vann 2-0 á úti­ vølli ímóti Lyngby. Mikael Ishak og Marvin Pourié skutu málini hjá Randers, sum nú er á fjórða plássi í Superliguni, tó ájavnir við FC Midtjylland, ið er nummar trý. Gilli Rólantsson var á bonk­ inum og neyvan í dystar­ formi vegna skaða­steðg, tá ið Brann í gjár vann 2-1 á útivølli ímóti Start, sum longu er flutt niður. Brann var aftanfyri, men fekk vent dystinum ímóti dystarenda. Sigurin var ógvuliga um­ ráðandi, tí Brann er fram­ vegis nummar tvey í Tippe­ liguni nú einans eitt umfar er eftir at spæla. Rosenborg er longu meistari, men Odds Ballklubb er púra javnt við Brann, sum tó hevur munin við betri málúrtøku. Eftir átta ár í felagnum gong­ ur sáttmálin hjá Branislav Ivanovic út við Chelsea næsta summar. Hann hevur framvegis ikki longt um sátt­málan, og tað ganga nú leysasøgur um, at hann er ávegis úr felagnum, har Antonio Conte ikki Enska blaðið Express veit at siga, at kinesiska felagið Jiangsu Suning, har Ramires spælir, er klárt at bjóða honum ein góðan sáttmála. Eisini Inter, Marseille, Crystal Palace og West Ham sigast at vera áhugað í serbiska verjuleikaranum, sum ikki hevur verið fastur maður undir nýggja venjar­anum, Antonio Conte. Memphis Depay kann vera ávegis at skifta úr Man­ chester United, har hann hevur havt tað trupult síðani hann kom til í fjør og einans hevur fingið 12 minuttir á vøllinum hetta kappingar­ árið. Sambært Sunday Mirror, so er turkiska stór­felagið Galatasaray áhugað at keypa 22 ára gamla hollendska vongleikaran fyri 124 milli­ ónir krónur. FLOGBÓLTUR Føroysku U19-landsliðini hjá bæði dreingjum og gentum hava seinastu dagarnar luttikið í NEVZA-kapping í Kettering, Onglandi, har tey runnu seg inn í sterka mótstøðu. Dreingirnir vóru í bólki við Svøríki og Ong­ landi, meðan genturnar vóru í bólki við Noregi og Dan­ mark. Bæði tey føroysku liðini taptu báðar dystirnar í bólkaspælinum, og taptu eisini fjórðingsfinaluna, sum var fyrsti dystur í víðari spæli­num. Tey skuldu tískil spæla um at ikki enda aftast, men tað gjørdu tey. Genturnar taptu 3-0 ímóti Onglandi, meðan dreingirnir taptu 3-0 ímóti Íslandi. HONDBÓLTUR Oddaliðið í FTZ-deildini, H71, megnaði ikki at vinna, tá ið teir í gjár høvdu vitjan av StÍF. Talan var um ein púra javnan dyst, har tað eftir hálvleiksstøðuna 14-14 eisini endaði javnt 25-25. Jónas G. Djurhuus var toppskjútti hjá H71 við sjey málum, meðan Allan Norðberg skeyt flest mál fyri strandingar. Hann skeyt seks. H71 er framvegis oddalið, nú við einum stigi niður til VÍF. StÍF er næstniðast við seks stigum. Tað var einki at raffla um, tá ið VÍF í gjár fekk vitjan av Team Klaksvík í FTZ- deildini. Heimaliðið vann 41-24-stórsigur eftir at hava verið á odda 23-11 í hálv­ leikssteðginum. Filip Jojic var toppskjútti hjá VÍF við níggju málum, meðan Finnur Hansson var toppskjútti hjá Team Klaksvík somuleiðis við níggju málum. VÍF er nú eitt stig frá oddaliðnum H71, meðan Team Klaksvík framvegis hevur fyrsta sigurin til góðar. Teir eru greitt aftastir við einum stigi. Heima í høllini í Kollafirði vann KÍF í gjár greitt 28- 20 ímóti Kyndli eftir at hava verið á odda 13-12 í hálv­leikssteðginum. Rúni Joensen var toppskjútti hjá heimaliðnum við átta málum, meðan Hjalti Mohr Jacobsen var besti málskjúttin hjá gestunum við níggju málum. Kyndil misti møguleikan at vinna seg heilt fram í oddin, meðan KÍF við sigrinum nú hevur lagt seg í góða støðu. Teir eru trý stig aftanfyri oddaliðið H71, men hava spælt tveir dystir færri. Suðuri í Vági fekk heima­ liðið VB einki stig, tá ið tær í gjár høvdu vitjan av Kyndli í Hvonndeildini. Gestirnir fóru norður um fjørð aftur við einum 23-19-sigri eftir 12-7-leiðslu í steðginum. Gurið K. Mortensen og Rannvá Johannesen vóru toppskjúttar hjá VB við fýra málum í part, meðan Turið Arge var best hjá teimum grønu við sjey málum. Við sigrinum lyfti Kyndil seg upp á 1. pláss undir liðina á grannunum úr Neistanum, sum tó hevur ein dyst tilgóðar. VB er mitt á stigatalvuni við seks stigum fyri seks dystir. Stjørnan var leingi ávegis fyrsta sigrinum í ár, tá ið teir í botndystinum ímóti StÍF heima í Klaksvík vóru á odda 16-11 í hálvleikinum, men hóast tær eisini førdu 20-16 tá ið seinni hálvleikur var meira enn hálvrunnin, so svaraði StÍF aftur við fýra málum og fingu 20-20-javnleik við sær heimaftur. Durita Ljósstein var toppskjútti hjá heimaliðnum við seks málum, meðan Ninna K. Johansen var toppskjútti hjá gestunum við heili níggju málum. Nevnast kann eisini, at Birna Tummasardóttir skeyt átta fyri StÍF. Jóhan á Plógv Hansen og liðfelagarnir úr Bjerringbro- Silkeborg vunnu leygardagin tepran 28-27-sigur á útivølli ímóti Skjern. Tað sá svart út, tá ið Skjern var á odda 26-23 tá ið einans sjey minuttir vóru eftir, men við einum góðum endaspurti fekk Bjerringbro-Silkeborg sigurin í hús. Jóhan skeyt tvey mál í dystinum, og tey vóru umráðandi, tí tey vóru nevniliga til 25-25 og 26-25 Bjerringbro-Silkeborg er nummar tvey í 888 Ligaen, tvey stig aftan­fyri oddaliðið Aalborg Håndbold. SKJÓTING Árliga haruskjótingin hjá veiðifelagnum Byrsumúla er farin av bakkastokki. Harurnar eru leirtallerkar, sum rulla við nógvari ferð eftir jørð. Kappingin kann lýsast sum ein blanding av sporting og veiðuskjóting. Hesa fyrstu kappingina vann Jákup F. Mikkelsen úr Vestmanna Byrsufelag. Hann fekk 77 stig í innleiðandi umførunum, og 42 í finaluni. Næstbestur bleiv Sigurd Rasmussen úr Veiðifelagnum Byrsumúla. Hann fekk 67 stig í innleiðandi umførunum, og 40 í finaluni. Á triðja plássi var Marius F. Joensen úr Sunda Byrsufelag, sum fekk 76 stig í innleiðandi umførunum og 36 í finaluni SÚKKLING Tórshavnar Súkklufelag skip­ aði leygardagin fyri øðrum umfari í vetursins kapping­ arrøð av einkultstartum. Teinurin var kringlutur við byrjan í Vágsbotni súkklandi eftir ringvegnum, út á norðasta Horn og heim aftur í Vágsbotn. Eins og í fyrsta umfari, so var tað Gunnar Dahl-Olsen, sum vann. Næstbestur var Jan Hjaltalin Olsen, meðan Hilmar Hansen gjørdist nummar trý í harðari kapping við Jóanis Albert Nielsen.