hósdagur 3. november 2016síða 19

FRÍGGJADAGUR 4. NOVEMBER 2016 SOSIALURIN 127 19 kommunurnar í oynni saman? - Nei, tað hevur ongantíð verið havt á lofti sum nakað mál. Vit hava umrøtt tað leysliga á fundum, sum vit hava havt, men ongantíð nærri enn tað og tað hevur ong­an­ tíð verið á dagsskrá, sigur Hanus undir Leitinum. Tað var eisini torført at hava eina felags kós í málinum. Hanus und­ir Leitinum sigur, at tað hava altíð verið nakrir bygdaráðslimir í oynni, sum hava verið fyri málið, með­an nakrir hava verið hart ímóti. Fíggjarligu fortreytirnar ymiskar Hanus undir Leitinum sigur, at tá samanlegging var umrødd seinast, var tað torført at fara víðari við, tí fíggjarligu fortreytirnar mill­ um kommunurnar vórðu ógv­ uliga ymiskar og sjálvt ikki ein samanlegging hevði bøtt nógv uppá tað. - Skopun og Sandur vóðru ógv­u­liga skuldartyngdar. Vit í Húsa­víkar kommunu høvdu eitt sindur av pengum, men ikki nógv. Til dømis um vit skuldu gera kloakk í okkara kommunu, sum um­fatar tríggjar kommunur, so høv­du vit ikki havt pening til tað, so fíggjarliga roknistykki gekk ikki ordiliga upp. Heldur ikki við eini samanlegging, sigur Hanus undir Leitinum. Bíligari at umsiti oynna við samanlegging Tøl, sum Sosialurin hevur fingið innlit í vísa, at tað kostar í øllum førum 1.9 milliónir í umsiting og lønum at reka kommunurnar í Sandoy, ið umfatar tilsamans 22 bygdaráðslimir. Talið er hægri enn 1.9 milliónir, men vit hava ikki fingið tølini frá Skopunar kommunu. Júst tað, at tað eru so nógvir bygdaráðslimir og lutfalsliga stór umsiting, til eitt so lítið fólka­ grundarlag, er ein orsøk at leggja sam­an, metir Hanus undir Leit­ inum. - Ein fyrimunur beinvegin hevði verið, at tað hevði blivið nógv bíligari at umsiti kommunurnar. Tað eru fýra umsitingar, fimm um tú tekur Skúvoy uppí, til lítið meir enn 1200 fólk í Sandoynni. Tað eigur mann at síggja, at tað er púra óneyðugt, sigur Hanus undir Leitinum. Hanus undir Leitinum und­ir­ strik­ar tó, at hóast ongar komm­ unur í oynni hava lagt saman enn, so er samstarv um nógv, millum annað skúlar, eldrarøktina, barna­ verd og onnur høvuðsøkir, ið eru mál fyri alla oynna, tí er longu eitt gott grundarlag lagt. - Tað eru tó nøkur lokal mál eftir, ið ikki verða loyst bara við at leggja saman. Dýrar íløgur í kloakkir skulu gerast og tað ivist eg í verður betur ráð til bara við at leggja saman við hinum kommununum. Tær eru ikki nóg væl fyri fíggjarliga til at kunna gera allar neyðugar íløgur í Húsavík til dømis, sigur Hanus undir Leitinum. Fólkið í oynni skal gera tað sjálvt Hanus undir Leitinum ivast ikki í, at ein samanlegging veður veruleiki við tíðini. Til endans gevur tað onga meining longur at hava so nógvar kommunur í Sandoy. Tó skal landið lata fólkið í oynni finna mátan sjálvi. Hanus undir Leitinum sigur, at um grundarlag­ ið undir samanleggingini ikki verð­ ur funnin í viljanum hjá fólkinum í Sandoy, so heldur tað ikki. Tann viljin kemur við tíðini, sigur Hanus undir Leitinum at enda. FAKTA UM SANDOY Fólkatal 1.1.2016: 1220 íbúgvar Kommunur: - Skopunar: 444 íbúgvar - Sands:  527 íbúgvar - Skálavíkar: 132 íbúgvar - Húsavíkar: 117 íbúgvar Um ein saman­legg­ing skal fremj­ ast, so skal tað koma frá fólk­ inum í oynni og ikki tí landið hevur eitt ynski um tað Hanus undir Leitinum - Eg haldi ikki tað hevði verið rætt hjá okkum at lagt saman við Tórs­ havn. Tórshavnar kommuna er blivin ríkiliga stór og til dømis helt eg ongantíð, at tað heldur var rætt, at Kollafjørður fór uppí Havnina  MYND: BIRGIR KRUSE Í Húsavíkar kommunu búgva 117 fólk MYND: ÁLVUR HARALDSEN