hósdagur 3. november 2016síða 21

FRÍGGJADAGUR 4. NOVEMBER 2016 SOSIALURIN 127 21 »Hvussu víkir og vendir týsdagin, so fer hetta valstríðið í søgubøkurnar sum eitt tað løgnasta, mest óvæntaða og minst virðiliga valstríðið í amerikanskari søgu« valumboð, North Carolina, 15 valumboð, Arizona, 11 valumboð, og Colorado, 9 valumboðum. Við sínum 88 valumboð fara hesir statir helst at spæla ein týðandi leiklut týsdagin. Hevði beina kós móti Hvítu húsinum At tað er so tætt millum valevnini einans fýra dagar áðrenn valið er púra óvæntað. Tað er nevniliga ikki meira enn tvær vikur síðan, at Hillary Clinton hevði beina kós móti Hvítu húsinum. Veljarakanningarnar góvu henni eina leiðslu á millum fimm og seks prosent, meðan hon førdi í valumboðum við eini 150. So tryggur tyktist sigurin at verða, at fleiri miðlar ikki bara staðfestu at hon fór at vinna valið 8. november, men kjakaðust í staðin um møguleikan fyri ein­ um søguligum stórum sigri á Donald Trump. Tí meðan Hillary Clinton greitt vann tey trý sjónvarpskjakini móti Donald Trump, og hevði stórt sæð megnað ikki at gjørt nakað býtt, síðan hon næstan small um í einum hátíðarhaldi í september, kundi mótvalevnið næstan einki rætt gera. Eingin endi tykist at vera á kvinn­um, ið traðkaðu fram og ákærdu republikanska valevnið fyri óhóskandi og niðrandi atburð móti kvinnum, og republikanarar velj­arar, politikarar og leiðandi fólk vendu honum bakið í stórum tali. Valið tykist at vera avgjørt, og hóast Donald Trump áður hevði megnað at hála inn á eina stóra leiðslu hjá Hillary Clinton, so skuldi einki minni enn eitt undur til fyri, at spenningur aftur skuldi koma í valstríðið. FBI upp í valstríðið Eitt undur var júst tað, ið Donald Trump fekk, tá James Comey, leiðarin fyri amerikansku sam­ veldisløgregluna FBI, fríggja­ dagin 28. oktober, minni enn tvær vikur áðrenn valið, í bræv­ ið til amerikansku Kon­gress­ ina kunngjørdi, at FBI aftur fer í holt við at kanna Hillary Clinton í samband við hennara brúk av teldupostum sum uttan­ ríkisráðharri. Avgerðin varð tikin eftir at FBI hevur lagt hald á telduna hjá Anthony Weiner, fyrrverandi demokratiska kongresslimurin fyri New York, sum í 2011 segði sín sess í Kongressini frá sær eftir, at tað kom fram, at hann hevði sent naknar myndir av sær sjálvum til kvinnur á Twitter. Fimm ár seinni endaði hann aftur í yvirskriftunum hjá ameri­ kansku fjølmiðlum eftir, at tað í september varð avdúkað, at hann hevði hevur sent seksuel boð til eina 15 ára gamla gentu. Tað hevur áhugað í amerikanska valstríðnum, tí Anthony Weiner er giftur við Huma Abedin, ið er ein av nærmastu ráðgevunum hjá Hillary Clinton. Tað er í samband við nýggju gøluna, at FBI hevur lagt hald á eina teldu hjá Anthony Weiner, har teir hava funnið teldupostar, ið eru sendir til Huma Abedin, ið onkursvegna hava samband við teldupostmálið hjá Hillary Clinton. Broytti valstríðið Málið er sermerkt millum annað tí, at tað var júst James Comey sum í summar kunngjørdi, at eingin ákæra varð reist móti Hillary Clinton í samband við teldupostarnar. Tí verður tað eisini spekulera um hvat nýggju upplýsingarnir kunnu vera, men enn hevur FBI ikki almannakunngjørt hvat málið snýr seg um. At FBI kemur við slíkum upp­lýsingum minni enn tvær vikur áðrenn valið er óhoyrt í amerikanskum politikki, og er seinasti tilburðurin í einum heilt óvanligum valstríði. Kritikkurin hevur eisini heglað niðuryvir James Comey og hansara hand­ faring av málinum, meðan repu­ bli­kanararnir og Donald Trump hava megnað at útnytta tíðindi til sín fyrimuns. Avdúkingin gjørdist undrið, ið Donald Trump hevði brúk fyri, og ein køld áminning til Hillary Clinton um, at man ikki skal kanna sær bitan áðrenn hann er svølgdur. Hillary Clinton nýtist tó ikki at fara heilt í panikk enn, tí hon er enn favorittur at vinna valið. Men nú er tað bara ikki eins vist longur, tí rákið tykist nevniliga at vera við Donald Trump, og valstríðið, ið tykist at vera avgjørt fyri tveimum vikum síðan, er nú víðopið aftur. Hvussu víkir og vendir týs­ dagin, so fer hetta valstríðið í søgu­bøkurnar sum eitt tað løgnasta, mest óvæntaða og minst virðiliga valstríðið í ameri­ kanskari søgu. HALLUR@SOSIALURIN.FO