hósdagur 3. november 2016síða 32

FRÍGGJADAGUR 4. NOVEMBER 2016 SOSIALURIN 127 32 Í einum fríkorteri i stu­denta­ skúlanum tosaðu vit nakrir um bókmentir. Tað var, tá studenta­skúla­ næmingar tosaðu um mentan í frí­ korterunum og ikki um, hvør moggar hvørjum í Hollywood. Ella sum nú, hvørjum Ronaldo send­ir skitin boð. Vit tosaðu hendan dagin um Bar­ baru Cartland. Veit ikki hví. Kanska onkur hevði lisið eina bók hjá henni, men hon var so uppi og vendi, anyway. Eg segði so, helt meg vera øgiliga mentaðan, at hon skrivaði einki, sum vert var at lesa og tosa um. Tað, sum hon skrivaði, var ikki bókmentir. Tað var ikki litteratur, hóast nógv lósu tað og nógvum dámdi tað. Fjøldin hevur ikki altíð rætt. Hatta er bara lættisoppur, segði eg, gløggur sum eg var longu tá. Helt eg var. Tá legði ein uppí, ein, sum vit ment­aðu ikki hildu vera líka so ment­ aðan sum vit vóru. Hann spurdi, hvussu eg kundi siga tað. Hvussu eg kundi døma og siga, at hatta er ikki bók­ mentir, at Barbara Cart­ land dugdi ikki at skriva góðar søgur. Hví eg helt meg vita betur enn allir hennara nógvu lesarar í øllum londum. Eg minnist ikki, men eg haldi ikki, at eg fekk rættiliga svarað. Ikki nakað sannførandi í øllum førum. Tíbetur fyri meg ringdi inn júst tá. Saved by the bells. Men nakað, nei, nógv er um tað, sum hann segði í fríkorterinum, tá í 1971, haldi eg tað var. Hvør kann loyva sær at døma, siga, hvat er gott og hvat er ikki gott? Tað, sum eg haldi er gott, halda onnur er skræpa og øvugt. Og hví havi eg rætt og hini ikki? Tí eru til dømis ummæli eisini heilt burturvið. Onkur gevur eina stjørnu, onkur annar seks. Men hvør hevur rætt? Hví ikki tríggjar stjørnur ella fimm ella onga? Subjektivitetur er ikki sannleiki. Eg fekst við at ummæla sjónleik í nógv ár, til eg fekk at vita, at jour­ nalistar hava ikki skil fyri sjónleiki og tí eiga at halda kjaft um sjónleik. Tá gavst eg, og eg sakni tað ikki. Tað gera onnur heldur ikki. Nú ummæla sjónleikarar sjónleik­ arar, tí tey hava skil fyri sjónleiki. Og nú eru allir sjónleikir framúr. Sjáldan heldur fjøldin tað sama sum ummælarin um eina bók, ein film, um eina fløgu, ein sjónleik, eina fram­sýning. Eitt ummæli kann tí ongantíð vera ein dómur, ein endalig niðurstøða, Tað fær bara verið vegleiðandi. Ein vørulýsing kanska. Ein ummælari skal helst vera frøð­ingur av onkrum slagi. Hava lært frymlar at kroysta bókina ella filmin í fyri at kunna siga, um hon er góð ella hann vánaligur. Tá eg ummælti og segði, at hasin leikurin var nakað sjitt, so søgdu fólk, at so fóru tey, tí hann mátti vera góður, tá eg helt hann var vánaligur, leikurin. Og øvugt eina ferð enn. Nógv hildu og halda enn, at Bar­ bara Cartland, sála, skrivaði góðar søgur. Hon skrivaði 723 skaldsøgur og nógv annað afturat. Tey, sum lósu bók nummar 722, lósu eisini nummar 723 og grótu, tí nummar 724 kom ikki. Sama, hvat ummælararnir og eg skrivaðu og søgdu. Eg havi framvegis ikki lisið Barbaru Cartland. Kanska hevði mær dámað hana. Kanska skuldi eg lisið »A Duel of Hearts« og ummælt hana. Nei, hvørki. Aðrar bøkur skulu lesast fyrst. Og ummæli kunnu ikki brúkast sum annað enn ábending. Hasin dummi fanin skrivar, at bók­in nyttar einki, so má eg heldur fara at lesa hana, hugsa fólk, sum lesa ummælið. Í túninum við studentaskúlan á Akureyri ein frostbitnan skúladag í 1971 vann Barbara Cartland. Hvussu kundi eg siga, at hon skriv­ aði einki, sum nyttaði. Eg hevði jú ikki lisið nakað av tí. Tað høvdu hinir heldur ikki, giti eg. Men ivaleyst var teirra meting tann rætta. Kalt fríkorter við Cartland Høgni Djurhuus fekk Móðurmáls­ viðurslønina 2012 Høgni Djurhuus MYND: HEINESEN MYNDIR BEINIR TROEST RASMUSSEN 23. november fyllir Fimleikafelagið Støkk 50 ár. Tað verður hildið við hópin av tiltøkum í ein mánað. Ein myndasýning við myndum upp gjøgnum øll 50 árini er uppsett í Bylgjuni, framførslur verða bæði í Løkshøll og í Bylgjuni, veitslur fyri børn og vaksin og harafturat verður ein móttøka á sjálvum stovningardegnum. Fimleikafelagið Støkk varð stovnað 23. november í 1966 og stovnarar av felagnum vóru Kaj Aage og Jóhanna Troest og Jóhan og Svava Kjeld. Ígjøgnum árini hevur Støkk ment seg nógv, og fimleikarir eru komnir úr øllum ættum at luttaka í samanhaldinum hjá Støkk. Venjingarkarmarnir hava skift nógv upp gjøgnum tíðina, men á sumri í 2014 varð Bylgjan bygd í Runavík og hetta setti Støkk á betri kós. Nú táttar limatalið hjá Støkk væl í 700 fimleikarar í øllum aldri. Nógv hava íðkað í Fimleika­ felagnum Støkk hesi 50 árini og við undirtøkuni sum felagið hevur, er eingin ivi í, at felagið eigur nógv góð ár frameftir. Tiltøk í novembur mánað: • Myndasýningin varð sett upp til Mentanarvikuna í Runavík 24.-28. oktobur og myndirnar hanga uppi í novembur mánað eisini. Opið er allar gerandisdagar kl. 15-21. • ”Fim í fimmti ár”, sum er ein framførsla við øllum liðum frá 1. flokki og uppeftir, verður í Løkshøll 12. og 13. novembur. Atgongumerki kunnu keypast á www.loksholl.fo. • Barnaveitsla fyri 1.-7. fl. verður 18. novembur í kantinuni í Skúlanum við Løkin. • 19. novembur er framførsla í Bylgjuni undir heitinum ”Sirkus Støkk” við børnum undir skúlaaldur. Atgongumerki kunnu keypast við dyrnar. -23. novembur, á sjálvum føðingardegnum, verður móttøka í Bylgjuni. • Fríggjakvøldið 25. novembur verður punktum sett við stórari 50 ára føðingardagsveitslu í Skótahúsinum við Løkin. Atgongumerki kunnu keypast í Kiosk Vár. Hátíðarhalda 50 ára dagin hjá Støkk Fimleikalið úr Støkk stutt eftir tað var stovnað Stigtakararnir til Støkk. Úr vinstru er tað Kai Aage Troest, Jóhanna Troest, Svava Kjeld sála, og Jóhann Kjeld. Myndin er tikin einaferð tíðliga í søgu felagsins