mánadagur 7. november 2016síða 6

Mánadagur 7. november 2016 · Nr. 128 6 Sosialurin Hugskot og viðmerkingar – send sms til 225000 TEY UNGU FLÝGGJA Í MJØRKADAL Varðhaldið er einasta rúsfría umhvørv, sum ungir rúsevnismisnýtarar kenna, sigur Jógvan Páll Lassen Danjal av Rana Varðhaldið er einasta staðið, har tey kunnu fáa hjálp, sigur Jógvan Páll Lassen. Sum tilnevndur verji hevur Jógv­ an Páll Lassen gott innlit í og samband við ung í Føroyum, sum enda í klórnum á løg­ regluni. Hann ivast ikki í, at høvuðsorsøkin til, at nógv gerast lógbrótarar, eru rús­ evnini. – Høvdu vit fingið bilbukt við rúsevnismarknaðinum í Føroyum, so høvdu vit næstan ikki havt kriminalitet í Føroyum, tí sera nógv av harðskapsmálunum botna í rúsevnismálum, sigur hann. Jógvan Páll Lassen var ikki sjálvur verji hjá ungu gentuni, sum er umtalað aðra­staðni í blaðnum, men sigur, at hann gerst ikki ov­ farin av søguni, og at hann kennir til trupulleikan frá øðrum. – Vit hava onga skipan, sum loftar okkara ungu rús­ evnismisnýtarum. Okkara vanligu skipanir eru gjørdar til rúsdrekkamisnýtslu, men tá talan er um onnur rúsevni, hava vit einki. Varðhaldið og kriminalforsorgin er tað einasta, sum loftar hesum ungu, tað einasta, sum kann bjóða teimum eitt slag av avrúsing, sigur hann, men vísir á, at Martin Kúrberg arbeiðir við at byrja eitt við­ gerðarheim fyri ung á Eiði. – Avúsingin í varðhald­in­ um er tó kanska ikki tann besta. Har verður tað gjørt upp á tann harða mátan, og tey fáa kanska eitt sindur av heilivági til at tálma ringastu abstinensirnar, men annars fáa tey einki. Tá tey so lenda aftur, eru tey sera illa fyri mentalt, sigur Jógvan Páll Lassen. – Aftanfyri hesi ungu standa so foreldrini og hyggja hjálparleys at, tí tey fáa einki gjørt, sigur hann. Jógvan Páll Lassen held­ ur, at samfelagið má taka trupulleikan við ungum rús­ evnismisnýtarum í álvara. – Tað nyttar ikki at stinga høvdið í sandin. Rúsevnini eru í Føroyum og har, sum rúsevni eru, eru eisini ung við rúsevnistrupulleikum. Tey enda í eini óndari ring­ rás, sum førir meiri krimi­ nalitet við sær, sigur hann. Til dømis um ein ferð niður at keypa rúsevni fyri fleiri. Tey hava saml­að pening saman áðrenn frá­ ferð, men á veg heim, verður viðkomandi steðgaður í tollinum og rúsevnini verða tikin frá honum. So skyldar viðkomandi hinum peningin aftur og tað endar ofta í harðskapi. Jógvan Páll Lassen hevur eit nógv umstrítt boð upp á eina loysn. – Vit eiga at umhugsa at gera hassj lógligt í Føroyum. Tað hevði lætt nógv um trupulleikan. Hann vísir á, at hóast tað ikki eru rockarar, sum selja rúsevni í Føroyum, so keypa føroyingar rúsevni úr Danmark og pengarnir enda tí hjá rockarunum kort­ ini. – Við at hava skipaði sølu­støð, kunnu vit beina fyri svarta marknaðinum og nógv­um av tí kriminaliteti, sum fylgir við honum. Skuldi skipanin ikki virka, kunnu vit altíð lata rockararnar taka yvir aftur um tvey ár, sigur Jógvan Páll Lassen. HETTA ER EITT NEYÐARRÓP Jógvan Páll Lassen held­ur, at samfelagið má taka trupulleikan við ungum rús­ evnismisnýtarum í álvara Danjal av Rana – Tað er syrgiligt, tá fólk koma í eina slíka støðu, at Varðhaldið er tryggasta um­ hvørvi tey kenna, sigur Elkin Klettheyggj, leiðari á Varð­ haldinum. Hon sigur, at tað er sera sjáldsamt, at fólk biðja um at sleppa niðan í varðhaldið heldur enn at verða leyslatin. - Tað er ein syrgilig støða, fólk tá eru komin í. Sjálvandi er tað eitt slag av rós til okkum um, at vit megna at taka okkum av fólki her uppi, men so góðar eru umstøðurnar heldur ikki her í Mjørkadali, sigur hon. - So tá fólk siga, at tey hava tað betri her hjá okkum enn heima, fara ávaringar­ klokkur at ringja í mínum høvdi. Vanliga vildi man hildið, at hetta er tað ringasta staðið at vera, men tíverri eru fólk, sum eru so illa fyri, at tey heldur vilja vera her enn aðrastaðni, sigur Elkin Klettheyggj. - Grundarlagið fyri at fongsla handlar um heilt onn­ur ting enn sosial viður­ skifti. Tí er tað sera sjáld­ samt, at fólk sleppa niðan aftur í Mjørkadal at sita orsaka av hesum, sigur Elkin Klettheyggj. Hon er samd við Jógvani Páll Lassen, at tað kanska er tað rúsfría umhvørvi, sum ger, at fólk ynskja at sleppa niðan í Mjørkadal at sita. - Vanliga hava vit eitt tilboð um avrúsing gjøgnum akupunktur, men tað tilboðið er ikki í løtuni. So nú er einasta avrúsingin, vit hava at bjóða tann, at her er eingin atgongd til rúsevni, sigur hon. Elkin Klettheyggj fegn­ ast um, at tað sær út til at bati er á økinum um rús­ evnisviðgerð til ung. Umboð fyri kriminal­forsorgina hava verið á fundi við Al­ mannaverkið um at skipa fyri ymiskum tilboðum. - Vit hava eitt gott sam­ starv við bæði Heilbrigdið og Bláa Kross. Vit hava møgu-leikan fyri at bjóða alternativa avsoning, so at fólk kunnu avsona dómin, meðan tey eru í viðgerð á Heilbrigdi ella hjá Bláa Krossi. Trupulleikin er tó, at hesir stovnarnir ikki eru tillagaðir til ungar rús­ evnismisnýtarar, sum ofta hava nógv meiri samansettar trupul­leikar enn eldri rúsdrekkamisnýtarar, sigur Elkin Klettheyggj. Elken Klettheyggj: Tíbetur ein óvanlig støða Elkin Klettheyggj veit bara um eitt annað dømi, har ein maður hevur ynskt at sleppa niðan í varðhaldi at sita, heldur enn at verða leyslatin