mánadagur 7. november 2016síða 8

Mánadagur 7. november 2016 · Nr. 128 8 Sosialurin Hugskot og viðmerkingar – send sms til 225000 FORSETAVALIÐ – FÓLK VELJA VIÐ FORDÓMUM HELDUR ENN HEILANUM Tað er grundleggjandi munur á Clinton og Trump, sigur Jaclyn Bealer, ið er úr Pennsylvania. Hon hevur fylgt valinum tætt og hon finst millum annað at báðum valevnunum, at tey nú kloyva tjóðina meir enn gott er Sólvit E. Nolsø A merikanska forsetavalið er í morgin. Endiliga siga tey flestu, tí valstríðið hevur staðið á leingi og til tíðir hevur tað verið ógvuliga møtumikið at fylgja við. Tað hava verið ógvuliga nógvar analysur og greiningar av valinum, valevnum og útsagnum. Valið hevur eisini havt stóran áhuga í Evropa og nógv køn fólk hava givið sína bestu meting um hvat fer at henda annahvørt um Trump vinnur ella Clinton vinnur. Hvat siga amerikufólk? Tað vil siga, tann vanligi borgarin um valið, ið nú gongur á sínum síðsta degi? – Eg eri hamrandi troytt av valinum Jaclyn Bealer er úr Pennsylvania í USA. Hon hevur gingið á Penn­ sylvania State University í USA og á Newcastle University í Onglandi. Hon hevur lisið stjórnmálafrøði í Ongland. Hon býr aftur í USA nú og sum verða man, so fylgir hon væl við valinum. Jaclyn Bealer er demokratur um ein háls. Hon dylur ikki fyri, at hon stuðlar Hillary Clinton og hon sær stórar vandar við at velja Donald Trump til forseta. – Eg atkvøði fyri Hillary Clin­ ton. Hon hevur havt eitt langt lív í politikki aftanfyri seg og hon hevur borga fyri sosialum fram­ burði í landinum. Tann gondin eigur at at sleppa at halda fram við. Harafturat, so eri eg bangin fyri hvat fer at henda, um Donald Trump endar sum forseti, sigur Jaclyn Bealer. Vit, ið hava staðið á síðulinjuni og eygleitt valið, hava mangan hugsa okkara. Hvussu ber tað til, at hesi bæði eru komin so langt og nú standa sum einastu for­seta­ valevnini í USA? At síggja til síggja bæði út til at kloyva fólkið heldur enn at savna. – Sum stjórnmálafrøð­ing­ur og politiskt áhuga annars, so havi eg stóran áhuga fyri valinum. Eg má tó siga, at nú eri eg hamrandi troytt av hesum. Drívmegin hevur verið hatur, heldur enn fakta, etikkur og politikkur. Fólk velja við fordómum heldur enn heilanum. Tað er eingin loyna, at eg eri meira bangin fyri Trump. Fyrr havi eg kunna verið ósamd við einum valevni, men sæð orsøkina handan grundgevina hjá viðkomandi. Tað geri eg ikki hesuferð. Tó er tað ikki bara tað, sum troyttar meg og aðrar veljarar. Alt rundanum valið er blivið so negativt og tað snýr seg um at fáa síðsta orðið, heldur enn at hava betra ar-gumentið, sigur Jaclyn Bealer. Fólk kenna seg aftur í Trump Tað kann tykast løgið, at ein sum Donald Trump er komin so langt. Hann ímyndar ikki á nakran hátt tað, ið vit vanliga kenna við einum politikkara. Hann tosar ikki sum ein vanligur politikkari, men hel- dur sum ein ónøgdur borgari. Hetta hevur fingið fólk við uppá hansara boðskap og tað skal ikki un-dirmetast, sigur Jaclyn Bealer. – Tá tað vórðu fleiri republi­ kansk valevnir, sá tað ikki út til at Trump fór at vinna. Útsagnir- nar vórðu so løgnar, at vit flentu bara eftir tí. Politiskt var hann somikið við síðurnar av tí vanliga,