hósdagur 10. november 2016síða 14

FRÍGGJADAGUR 11. NOVEMBER 2016 SOSIALURIN 130 14 BORGARSTJÓRAR Samgongur í Tórshavnar býráð 1992-2016 Borgarstjóri: Listbeth L. Petersen 790 atkvøður Nýggjársaftan hevur Jan Christiansen, fyrstvaldi býráðslimur í Havn, kallað nývalda býráðið saman. Fólkaflokkurin hevði havt leiðsluna seinastu 21 árini. Til valið í 1992 stillaði Poul Mi-chelsen ikki uppaftur. Hann hevði tá verið borgarstjóri í 12 ár. Listbet L. Petersen verður vald til borgarstjóra. Hon skipar samgongu saman við Javnaðarflokkinum og Tjóðveldisflokkinum. Borgarstjóri: Leivur Hansen 224 atkvøður Kvettið móti Lisbeth L. Petersen. Fólkaflokkurin, sum hevur fýra umboð í býráðnum, býður Tjóðveldinum borgarstjórasessin, um flokkurin svíkur Sambandsflokkin. Tjóðveldi tekur av. Javnaðarflokkurin fær tilboð um at verða við. Flokkurin fær at vita, at vil hann ikki, so senda tey boð eftir Sjálvstýrisflokkinum. Tá Lisbeth L. Petersen vaknar morgunin eftir, er nýggj samgonga skipað uttan um hana og Sambandsflokkin. Borgarstjóri: Jan Christian­sen: 309 atkvøður Fólkaflokkurin er størsti flokkur og skipar samgongu saman við Sambandsflokkinum. Teir hava fýra umboð í part. Borgarstjóri: Heðin Mortensen 667 atkvøður Fólkaflokkurin og Sam­ bandsflokkurin skriva undir skjal um at sam­ráð­ ast dagin eftir valið um, at Samgongan skal halda fram. Heðin Mortensen úr Sambandsflokkin, sum fekk flestar persónligar atkvøður, fer tó til sam­ráðingar saman við Tjóð­veldisflokkinum og Javnaðar­flokkinum. Í Sambands­flokkinum verða tey so firtin um hetta, at Heðin Mortensen verður koyrdur úr Sam­ bands­flokkinum. Nú er hann leysgangari og skipar samgongu saman við Javnaðarflokkinum og Tjóðveldisflokkinum. Borgarstjóri: Heðin Mortensen 2.200 atkvøður Nú er Heðin Mortensen limur í Javnaðarflokkinum. Persónliga ger hann eitt rimmar val við 2.200 atkvøðum. Samgongan millum Javnaðarflokkin og Tjóðveldi heldur fram. Borgarstjóri: Heðin Mortensen 2.637 atkvøður Heðin Mortensen ger eitt enn betur val, fær 2.637 atkøvður. Javnaðarflokkurin fær sjey umboð í nýggja býráðið. Reinan meiriluta. Eitt samt býráð velur Heðin Mortensen til borgarstjóra, og allir flokkar eru við í samstarvinum. Í hálvum valskeiði fer Tjóðveldi úr samgonguni. Annika Olsen 332 atkvøður Hóast Heðin Mortensen aftur ger eitt rimmar val við 2.507 atkøvðum, so missir Javnaðarflok- kurin tveir sessir. Valnáttina skriva Javnaðarflokkurin, Fólkaflokkrin og Sambandsflokkurin undir upp á eina fráboðan um at skipa samgongu fyri valskeiðið 2017-20. Dagin eftir valið skriva Fólkaflokkurin, Tjóðveldi og Framsókn eisini undir eina avtalu um at skipa samgongu fyri valskeiðið 2017-20. 1992 1996: 2000: 2004: 2008 2012 2016 Breitt samstarv – ella samstarv millum Tjóðveldi og Framsókn valnáttina kundu broytt alt EIRIKUR LINDENSKOV H esaferð fall endaliga avgerðin um borgar­ stjóran í Havn – og harvið um samstarvið í Tórshavnar kommunu – ikki valnáttina í Høllini á Hálsi, sum vit hava nevnt fleiri ferðir her í blaðnum fór at henda. Og tó. Ein avgerð varð tikin. Ein samstarvsavtala undirskrivað, og átta fólk tóku lógvatøk um, at soleiðis skal Havnin stjórnast næsta skeiðið. Tey stillaðu upp til myndatøku og upptøkur framman fyri teimum báðum fjøl­miðla­fólk­ unum, sum tímdu at bíða, til liðugt var um trítíðina miku­náttina. Tað var týðuligt í Høllini á Hálsi, at fjáltur var á fólki, tá upptalt var týskvøldið. Alt bendi á, at Javnaðarflokkurin fór at missa avgerandi meirilutan, og tí mátti Heðin Morten-sen tryggja sær sínar samstavsfelagar, um honum skuldi unnast at halda fram í borgar-stjórastarvinum – og harvið gerast tann í søguni longst sitandi borgarstjórin í Tórshavnar kommunu. Men gongur tað væl hjá einum so eru onnur, sum ikki halda tað vera eins stuttligt. Gunvør Balle segði, at teimum dámdu ikki leiðslustílin hjá Javn­ aðarflokkinum – og at Heðin Mortensen hevði sitið ov leingi við valdið. Aftur til valkvøldið í Høllini á Hálsi. Tað var týðuligt, at tjóðveldis­ fólkini og framsóknarfólkini hildu saman. Serliga eyðsýnt var, hvussu Poul Michelsen helt seg til Tjóðveldi – og tá boð seinni vórðu send eftir Høgna Hoydal, so sást, at taktikkur varð lagdur á hægsta støði. Tá vóru sitandi samgongu­ flokkar farnir til samráðingar – sum tey rættiliga skjótt kallaðu »re- alitetssamráðingar«, og tá var ikki so nógv hjá Tjóðveldi og Framsókn at gera. Tey royndu at banka á dyrnar, men sluppu ikki inn. Heðin Mortensen sá sum kvøldið leið heldur fjálturstungin út. Mundi tað eydnast Sjúrði Olsen at blíva afturvaldur? Ella mundi Kaj Leo Johannesen sláa Annfinn Brekkstein? Tað hevur leingi verið greitt, at persónssamansetingin fór at hava týdning fyri, um Heðin Mortensen kundi halda fram. Gjørdist Sjúrður Olsen sterki mað­ urin í Fólka­flokkinum, Annfinn Brekk­stein sterki maðurin í Sam­ bandsflokkinum og Jógvan Arge sterki maðurin í Tjóðveldi, so fór at liggja betur fyri hjá Heðini Mortensen. Øvugt – um Annika Olsen var sterka kvinnan í Fólkaflokkinum, Kaj Leo Johannesen í Sam-bands­ flokkinum og Marin Katrina Frýdal í Tjóðveldinum, so var truplari, varð spátt. Og rætt var tað. Javnaðarflokk­ urin vann á bý­ráðsvalinum í 2012 reinan meiriluta einsamallur og kundu skipa býráðið einsamallur. Tó valdi flokkurin at hava øll við í sam­starvinum. Reint taktiskt var hetta snilt, tó at Tjóðveldi fór úr samstarvinum í hávlum valskeiði. Men í Hø- llini á Hálsi sást, at tað gagnaði Heðini Mortensen, at hann hevði stuðul frá Sambandsflokki- num og Fólkaflokkinum, sum enn eru í samgongu saman við honum. Hevði Javnaðarflokkurin havt rátt einsamallur, so hevði samgonga verið gjørd uttan um Javnaðarflokkinum longu val­ náttina. Nýggja persónsgallaríið í Fólkaflokkinum – at Sjúrður Olsen ikki varð afturvaldur – broytti tó hetta mikudagin, tá nýggja samgongan varð skipað. At Tjóðveldi fór úr sam­starv­ inum í seinastu samgongu, og at Annika Olsen er sterka kvinnan í Fólkaflokkinum, fekk tann týdning, at Heðin Mortensen varð koyrdur frá sum borgarstjóri. Um Heðin Mortensen hevði boðið Framsókn við beinavegin – ella hevði hann boðið øllum við felags samstarv sum seinast, so hevði hann uttan iva hildið fram sum borgarstjóri í fýra ár afturat. Øðrvísi taktikkur kundi bjargað borgarstjóranum