mánadagur 14. november 2016síða 6

Mánadagur 14. november 2016 · Nr. 131 6 Sosialurin Hugskot og viðmerkingar – send sms til 225000 GIFT VIÐ DRÁPSMANNI 28. septembur 2008 gjørdi Mariann Ingridardóttir Klein sítt lívs størsta mistak, tá hon gifti seg við drápsmanninum Peter Lundin. - Tað er tað býttasta, eg nakrantíð í lívinum havi gjørt, sigur hon Danjal av Rana Í kvøld greiðir Mariann Ingridardóttir Klein í sending á DR3 og í Kringvarpinum frá, hvat hendi hendan heyst­ ar­dagin, tá hon gifti seg við hóp­drápsmanninum peter Lundin, og hvussu hart tað hevur verið fyri hana, at koma víðari í lívinum, út úr skugg­ anum av at vera hon sjálv, sum gifti seg við Peter Lundin. – Tey flestu, í øllum førum her í Føroyum, kenna til ella hava hoyrt okkurt um mína fortíð og tey val, eg einaferð tók. Fæstu kenna tó søguna handan tjøldini og stríðið at venda aftur til lívið aftaná. Eitt stríð um at góðtaka meg sjálva sum menniskja og sum fakpersónur. Eitt stríð, har stigmatisering, fordøming og skomm hava verið dagligir fylgisveinar. – Nú hava eg og familjan valt at vera við í hesum doku­ mentarfilmi, fyri eina ferð með alla at siga okkara síðu av søguni og vónandi kunna leggja hendan partin av lívi mínum aftur um okkum. – Hetta er ein søga um, hvussu ein sum menniskja kann fara so langt út í lív­ in­um, at ein ikki longur grynn­ir og langt síðani hevur mist seg sjálva burtur. Ein søga um, hvussu ein vendir aftur til lívið, bæði tað góða og tað ringa, eftir at hava mist alt, sum hevði nakran týdning í lívinum, sjeik, vinkonur, børn og lesna. Dokumentarfilmurin leiðir tykkum gjøgnum tað kensluliga stríð, man sum par má fara ígjøgnum eftir tað ringastu royndina, og um hvussu kærleikin sigrar á øllum, skrivar Mariann Ingridardóttir Klein sjálv um sendingina, sum verður víst mánakvøldið. Sendingin Drápsmaðurin á tí hvíta rossinum, verður send á KVF, mánakvøldið frá klokkan 19.50. Á DR3 byrjar sendingin 20 minuttir fyrr, klokkan 19.30. Mamman steðgaði samskiftinum 10 ár eru liðin, síðani hon fyrstu ferð vitjaði Peter Lund­in í fongslinum. Hon var tá 22 ára gomul, men longu sum 15 ára gomul skriv­aði hon fyrstu ferð til hans­ara. Tá sat hann í fongsli í USA fyri at hava dripið móður sína. Hon hevði sæð hann í eini sjónvarpssending hjá TV2. Men hvussu kundi hon lata seg tøla av fyrstan tíð av einum hópdrápsmanni? Mariann Ingridardóttir Klein sigur, at Peter Lundin megnaði at hugbinda hana við vøkrum orðum. Upprunaliga skrivaðu hon til hansara orsaka av sínum áhuga fyri sálarfrøði. Hon var hugtikin av hesum mann­inum, sum hevði málað andlitið svart og hvítt. Mamma hennara steðgaði tó sam­bandinum teirra millum hálvtannað ár seinni, men nøkur ár seinni skrivaði hon aftur til hansara. Tá sat hann í geglinum í Danmark, hesa ferð dømdur fyri at hava dripið unnustuna og báðar synir hennara. Hon dylir ikki fyri, at hon helt Peter Lundin vera deiligan. – Tað gjørdist ein erotisk hugbinding. Eg havi verið í klørnum á einum psykopati, Í KLØRNUM Á EINUM PSYKOPATI Mariann Ingridardóttir Klein: