mánadagur 14. november 2016síða 7

7 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 14. november 2016 · Nr. 131 GIFT VIÐ DRÁPSMANNI Danjal av Rana Peter Lundin er dømdur fyri fýra dráp. Í 1991 drap hann mammu sína í USA. Hann varð dømdur 15 ára fongsulsrevsing, men sat bara gott og væl helvtina, áðrenn hann varð leyslatin og útvístur til Danmarkar. Meðan hann sat í fongsli í USA, gjørdi TV2 eina samrøðu við hann. Tað var undir hesi sjónvarpssamrøðuni, at hann hevði málað helvtina av andlitinum svarta og hina hvíta, fyri at vísa á tað góða og tað ónda, sum búði í honum. Ein sálarfrøðingur, sum greinaði sendingina fyri TV2, meinti, at eingin ivi var um, at maðurin var sinnissjúkur. Hetta var í 1994. Eftir hetta fekk hann hópin av brøvum frá donskum kvinnum, ið vóru vorðnar púra burtur í honum. Í 1996 gifti hann seg við einari teirra, meðan hann enn sat fongslaður. Í 1999, stutt eftir at hann var komin til Danmarkar, og tey høvdu flutt saman, framdi hann harðskap móti henni. Hon tveitti hann út. Stutt eftir møtti hann unnustuni, sum hann eitt lítið ár seinni drap. Hann drap eisini báðar synir hennara, 12 og 10 ára gamlir. Líkini skar hann sundur og koyrdi í ymiskar skrellispannir. Líkini eru ongantíð funn­ in. Í 2001 varð Peter Lundin dømdur lívslanga fongsulsrevsing fyri dráp­ ini. Hann hevur síðani gift seg við tveimum kvinnum, Mariannu Ingridardóttir Klein í 2008 og eini dansk­ ari kvinnu í 2011. Sambært brævið, sum Peter Lundin sendi Sosialinum 22. oktobur 2008, ætlar hann sær at flyta til Føroya, tá hann verður leyslatin. – Jeg mener, at jeg er blevet misforstået og derfor fortjener jeg chancen til at forklare og forsvare mig. Altså, når jeg bliver løsladt om nogle få år, så kan jeg jo ikke bare komme hjem til Færøerne, når alle er imod mig! Jeg elsker Færøerne, og det er mit nye hjem, skrivaði Peter Lundin í hondskrivaðum brævi til Sosialin. Hevur dripið fýra fólk Einaferð hevði Peter Lundin ætlanir at flyta til Føroya, hóast hann er dømdur lívstíðarlanga fongsulsrevsing í Danmark og nústani gongur tað upp fyri mær, hvat hetta er fyri nakað, sigur hon. Tey skrivaðu nógv saman, høvdu tímalangar telefonsamrøður og Mariann Ingridardóttir Klein var ofta á vitjan í fongslinum. Longu aðru ferð, hon vitjaðu Peter Lundin, lógu tey saman. Hon sigur, at hon gjørdist bundin at honum. At hoyra hann rósa sær, gjørdist hennara einasta tráan. So kundi tað vera líka­ mikið, hvat hann var dømdur fyri. Helt seg elska mordaran Mariann Ingridardóttir Klein hevði um hetta mundið bæði sjeik og dóttur, men sjeikurin var nógv heiman ífrá, og tí kundi hon vitja Peter Lundin sum hon vildi. Tey tosaðu saman í telefon fleiri ferðir um dagin. – Hetta hevur verið sum ein langur rúsur, har hann hevur trilvað meg inn í ein heim av lygnum og lovorðum, um hvussu fan­ tastisk eg var, og at hann ikki kundi livað uttan meg. Eg kendi tað veruliga, sum eg elskaði hann, segði hon við Sosialin. Hjúnabandið vardi tó ikki leingi. Longu 11 dagar seinni bað hon um hjúnaskilnað, tí sambært henni hevði Peter Lundin logið um eina aðra gentu, sum hann eis­ ini fjasaðist við. Stutt eftir vígsluna ringdi ein kvinna og skeldaði Mariann Ingridar­ dóttir Klein fyri at hava gift seg við sjeiki sínum. – Tá gekk tað upp fyri mær, at hann hevði logið og lumpað meg alla tíðina, og brádliga sá eg, hvat eg hevði verið offur fyri, sigur hon. Í 2009 lat hon endaligu skilnaðarbrøvini inn. – Nú síggi eg, at eg havi verið í klørnum á einum psyko­pati. Síðstu tíðina havi eg verið sum ein fluga í ein­ um lokkaneti, ið eg ikki havi kunnað slitið meg leysa úr, segði Mariann Ingridar­dóttir Klein við Sosialin í oktobur 2008, beint eftir at hon hevði biðið um hjúnaskilnað frá Peter Lundin. Hon var komin heim til Føroya at heinta dóttir sína og at flýggja frá ruðuleikanum um hennara samband við Peter Lundin í Danmark. Trýst at gifta seg Nú sigur Mariann Ingridar­ dóttir Klein, at hon varð trýst til at gifta seg við Peter Lundin. Hann hótti hana, segði, at hann fór at senda familju hennara prógv um sambandið teirra millum. Hon fortaldi ongantíð sjeik­ in­um nakað. Stutt eftir vígsl­una las hann í Ekstra­ blaðnum um gentuna, sum hevði gift seg við Peter Lundin, og kendi hana aftur. Tá rýmdi hann. Mariann Ingridardóttir Klein hevur fleiri ferðir greitt frá, hvussu hart hjúnabandið við Peter Lundin var fyri familju hennara, tá tey fingu tað at vita. Hon sigur, at hon sveik alla familjuna, og at tað hevur tikið tíð at byggja álitið upp av nýggjum. Í kvøld setir hon punktum fyri hesum kapitlinum í lívi sínum. Sendingin Dráps­mað­ urin á hvíta rossinum verður sum sagt send í kvøld og týskvøldið klokkan 18.05 er Mariann Ingridardóttir Klein gestur í Aftenshowet á DR1. Greinin er ein samandráttur av eldri greinum, sum hava staðið í Sosialinum og í Ekstrablaðnum. Myndirnar av Mariann Ingridardóttir Klein eru frá DR