mánadagur 14. november 2016síða 18

Sosialurin Hugskot og viðmerkingar – send sms til 225000 18 S um fastur siður er, tá fótbóltskapp­ ingin liggur still um veturin, ganga tað altíð nógvar leysasøgur um spæl­ara­flytingar og um hvussu tey ymisku feløgini royna at styrkja seg gjøgnum veturin. Vit fara her at geva eina gjøgnum­gongd uppá hvussu vit síggja uppá støður­nar í teimum ymisku feløgunum, umframt at vit fara at gita eitt sindur hvussu summi lið fara at styrkja seg. Víkingur: Tilgongd sum vit vita: Adeshina Lawal (ÍF) Frágongd sum vit vita: Eingin Tilgongd sum vit gita: Nýggjur miðvallari Frágongd sum vit gita: At Geza Turi og Sorin Anghel gevast, og at Hans Pauli Samuelsen skiftir felag Hjá Føroyameistarunum úr Víkingi er enn bert eitt nýtt navn komið í hópin til komandi kappingarár. Talan er um ÍF áleyparan, Adeshina Lawal, sum í ár skoraði 13 mál í Effo-deildini fyri ÍF. Í Víkingi eru fleiri iva­mál til komandi kappingarár. Hóast tað ongastaðni er váttað enn, tykist tað sannlíkt at Geza Turi komandi ár fer at steðga sum fótbóltsspælari, og fara Víkingar tí heldur at dúva uppá unga og evnaríka Elias Rasmussen sum fyrsta málmann. Men eisini eru aðrir leikarar, ið tað eru ivamál um. Verjuleikarin, Erling Jacobsen, hevur enn ikki longt sín sáttmála við Víking. Hann er búsitandi í Havn dagliga, og tí kann hugsast at hann fer at spæla fótbólt í Havn komandi kappingarár. Tað er tó als ikki sikkurt. Miðvallarleikararnir frá í ár, Hans Jørgen Djur­ huus og Sorin Anghel, eru eisini ivasamir til komandi kappingarár. Teir eru báðir komnir væl upp í aldurin. Tað tykist tó nokkso víst at Hans Jørgen Djurhuus fer at taka eitt ár afturat sum spælari, meðan Sorin Anghel helst fer at gevast sum fótbóltsspælari komandi ár. Seinasta ivamálið á lið­ num hjá Víkingi er Hans Pauli Samuelsen, sum kom til felagið undan kappingar­ árinum í ár. Hann hevur enn ikki longt sín sáttmála við Víking, og hevur verið settur í samband við millum annað EB/Streym nakrar ferðir fyrr í ár. Eitt felag sum heldur ikki skal útihýsast tá talan er um Hans Paula Samuelsen, er HB, sum mangla offensivar profilar til komandi ár. Har eigur Hans Pauli Samuelsen at vera eitt upplagt boð, hóast tað bert er talan um eitt git frá okkara síðu. Vit gita eisini, at Vík­- ing­ur í øllum førum fer at styrkja sær um hópin við einum mið­vallarleikara aftur­ at, nú tá ivamál eru um fleiri av miðvallarleikarunum í felagnum. KÍ: Tilgongd sum vit vita: Dion B. Splidt (AB), Hørður H. Askham (B36), Albert Adu (TB) Frágongd sum vit vita: Súni Olsen (B68), Mayowa Alli Tilgongd sum vit gita: Eingin Frágongd sum vit gita: Eingin Í KÍ hevur verið arbeitt skjótt, tá hugsað verður um komandi kappingarár. Longu nú minni enn ein mánað eftir at kappingin er endað, tykist tað sum um, at hópurin hjá KÍ er komin upp á pláss til komandi kappingarár. Felagið hevur fingið til­gongd av trimum nýggjum leikarum í Dion Splidt, Hørði Askham og Albert Adu. Har Hørður Askham verður mett­ur sum ein beinleiðis avloysari fyri Mayowa Alli, koma Dion Splidt og Albert Adu helst at geva KÍ aðrar dimensiónir í tí offensiva spælinum. Hvørgin av teimum verður mettur sum beinleiðis av­ loysari fyri Súna Olsen, tí Dion spælir fyri tað mesta á kantinum, meðan Albert Adu helst kemur at spæla undir liðini á Páll Klettskarð í KÍ álopinum. NSÍ: Tilgongd sum vit vita: Jan Ó. Ellingsgaard (ÍF), Karl A. Løkin (ÍF) Frágongd sum vit vita: Per Langgaard (Givin), Nikolaj Køhlert (Silkeborg), Andras Fredriksberg (Skála) Tilgongd sum vit gita: Jóhan Troest Davidsen (HB) Frágongd sum vit gita: Eingin Eisini í NSÍ hevur verið arbeitt skjótt við at fingið hópin upp á pláss. Jan Ellingsgaard og Karl Løkin úr ÍF verða mettir sum beinleiðis avloysarar fyri teir báðar, Per Langgaard og Nikolaj Køhlert, sum komandi ár ikki vera við á NSÍ liðnum. Tískil kemur styrkin í hóp­ inum at minna nógv um tí frá farna kappingarárið. Men sum skilst, eru NSÍ ikki heilt lidnir við at styrkja seg. Tað er eingin loyna, at Jóhan Troest Davidsen, leingi hevur ligið ovarlaga á ynskilistanum hjá NSÍ, og nógv bendir í løtuni á, at hann fer at vera við NSÍ komandi kappingarár. Hann hevur enn ikki longt sín sáttmála við HB. Kemur hann afturat hópinum hjá NSÍ, tykist hóp­urin hjá teimum at vera komin fullkomiliga upp á pláss til komandi ár. B36: Tilgongd sum vit vita: Patrik Johannesen (AB) Frágongd sum vit vita: Jákup á Borg (Givin), Hanus Thorleifsson (Givin), Hørður H. Askham (KÍ) Tilgongd sum vit gita: Hans Pauli Samuelsen (Víkingur) Frágongd sum vit gita: Eingin Í B36 er hópurin í løtuni til komandi ár, eitt sindur tunnari, enn hann var farna kappingarár. Tað er greitt, at felagið fer at siga farvæl við Jákup á Borg, Hanus Thorleifsson og Hørð Askham, úr hópinum frá farna kappingarárið. Og enn er bert tann eini styrkurin komin afturat hópinum uttani­frá. Tað er offensivi leikarin, Patrik Johannesen, sum farna kappingarár var stóri profilurin á liðnum hjá AB, sum flutti niður úr Effo- deildini. Men tá hugsað verður um hópin hjá B36, er hann ikki so tunnur allíkavæl. Felagið var í ár ótrúliga illa darvað av skaðum eitt skiftið í fyrru hálvu, og reyk kappingin tað tíðarskeiðið. Sleppur B36 undan somu skaðum til komandi kappingarár, hava teir stóra dygd á sínum liðið til at gera seg galdandi í oddinum. Men í løtuni tykist sum um, at felagið kanska kundi trongt til eitt sindur av styrki til okkurt av teimum fremru plássunum á liðnum. Sunnudagin skrivaði Norð­lýsið at tað helst kemur at vera Hans Pauli Samuelsen,sum kemur at styrkja B36 liðið offensivt til komandi kappingarár. Hann var í fjør ein av lyklaleikarunum á liðnum hjá B36, sum endurvann FM heitið. HB: Tilgongd sum vit vita: Sigfríður S. Clementsen (Venjari, TB) Frágongd sum vit vita: Øssur Dalbúð (Til Danmarkar) Tilgongd sum vit gita: Nakrir leikarar, helst útlendingar Frágongd sum vit gita: Jóhan Troest Davidsen (NSÍ) Í HB var eitt sindur av rumbli tá kappingin endaði. Heldur óvæntað steðgaði samstarvið við venjaranum frá farna kappingarárið, Jan Dam, nakrar dagar undan seinasta leikumfarinum. Og felagið broytti tá tann eksterna málsetningin. Tá Jan Dam var settur sum venjari, meldaði HB øgiliga varðið út, at felagið var í einari uppbyggingarfasu. Men tá Jan Dam eitt gott ár seinni reyk sum HB venjari, vóru tað nýggir tónar. Í HB vilja tey aftur sleppa at kappast millum tey fremstu liðini, og tað er fremsta mál hjá Sigfríði S. Clementsen sum HB venjara. Sum støðan er í løtuni, er hópurin hjá HB, eitt sindur frá at vera kappingarførur millum hini ovaru liðini. Hópurin hevur enn onga tilgongd fingið til komandi ár, og fleiri ivamál eru í hópinum frá farna kapp­ ingarárið. Tað er nógv, sum bendir á, at liðskiparin í HB, Jóhan Troest Davidsen, komandi kappingarár fer at umboða barndómsfelagið NSÍ, meðan støðan hjá leikarum sum Fróða Benja­ minsen, Christian R. Mourit­ sen og Tróndi Jensen er ógreið. Sum støðan er í løtuni, er tað nógv sum bendir á, at HB fer at styrkja um hópin komandi kappingarár einstøkum útlendskum pro­ FÓTBÓLTUR Meðan nógv av liðunum mestsum tykjast at hava fingið hóparnar upp á pláss til komandi kappingarár, eru tað onnur feløg, ið framvegis mangla at fáa fleiri brikkar upp á pláss. EFFO-DEILDIN FLEIRI SPURNINGAR STANDA ÓSVARAÐIR Mánadagur 14. november 2016 · Nr. 131