hósdagur 17. november 2016síða 26

FRÍGGJADAGUR 18. NOVEMBER 2016 SOSIALURIN 133 26 TILTØK & NØVN Í dag, fríggjadagin átjanda november, eru tað 70 ár síðani, at Alma Olsen varð fødd. Hon er ættað av Toftum og hevur í meiri enn hálva øld búð í høvuðsstaðnum. Foreldrini vóru Maja og Júst í Túni. Tey fingu átta børn: Andrias, Alma, Hanna, Kristian, Petur, Sanna, Símin og Marjun. Alma og Hanna búgva í Havn, og øll hini búgva á Toftum. Tá ið hon var liðug við preliminerskúlan á Glyvrum, fór Alma til Havnar. Hon lærdi skrivstovuyrkið á skattadeildini og arbeiddi í fleiri ár hjá landsgrannskoðanini. Nógvu tey síðstu arbeiðsárini var hon í Kringvarpinum, har hon við góðum málsligum hegni og blíðu medferðini yvir fyri kundunum hevði við lýsingar at gera. Tað er ikki frítt, at tað er saknur í kláru, trivaligu og góðu røddini, sum plagdi at vera at hoyra bæði í útvarpinum og sjónvarpinum. Í 1968 giftust Alma og Heri á Lava. Eitt skifti búðu tey í íbúð hjá verforeldrunum, Hannu og Palla á Lava, á Ingutrøð. Fyrst í sjeyti árunum fluttu tey í húsini úti í Krosslíð, har tey myndaðu vakurt og friðfult heim. Børnini hjá Almu og Hera eru Jóhanna, Marni, Andrias, Høgni og Hanus, sum øll búgva í høvuðsstaðnum. Fyri nøkrum árum síðani varð Heri raktur av alzeimer sjúkuni. Nú er longu hálvtannað ár síðani, at hann doyði bara 69 ára gamal. Tá ið maðurin varð sjúkur og viknaði, var tað vakurt og fyrimyndarligt at síggja, hvussu væl Alma stuðlaði honum. Meðan Heri framvegis orkaði, ferðaðust tey nógv, tey vóru partur av býarmyndini, tá ið tey gingu langar túrar, og tá ið maðurin ikki longur var førur fyri at vera einsamallur, fór Alma úr arbeiðnum fyri fult og heilt at taka sær av honum. Alma hevur góðar sanggávur, og tær hevur hon nýtt í samkomuhøpi. Næsta ár verður tað ein hálv øld síðani, at hon saman við systrini Hannu gav plátu út. Eitt er landið hinumegin og hinir tríggir sangirnir vóru at hoyra aftur og aftur í kvøðuljómunum, og myndin á umslagnum av systrunum í føroyskum klæðum var so hendinga góð. Mest sum alla tíðina, síðani hon flutti til Havnar, hevur Alma sungið í Ebenezer kórinum, og tað ger hon framvegis. Í nógv ár hevur hon eisini sungið í Triple trio í Ebenezeer. Gestablídnið, trúfestið, gávumildnið, ljósa sinnið og hendinga góða hjartalagið hava verið og eru eyðkenni hjá føðingardagsbarninum. Alma fevnir børnini, verbørnini og ommubørnini, familjuna í breiðum týdningi og so mong onnur. Hon er fyrikomandi og blíðsnýðað, og tað er einki at siga til, at tey eru so mong, sum kenna hana at vera kæran vin. Góða svigarinna! Hjartaliga til lukku við degnum. Tú ert so gott dømi um, hvussu týdningarmikið tað er at hava rætta hugburðin til lívið og avbjóðingarnar á leiðini. Trúgvin og álitið á hann, sum er Kletturin og Lívið hevur verið og er grundarlagið, sum tú hvílir á, og sum ber. Takk fyri alt tað, sum tú hevur verið og er fyri okkum og so nógv onnur. Jóannes Alma fyllir 70 Guðstænasta sunnudagin 20. november Vesturkirkjan kl. 11.00: Heri J. Joensen. Kórið Ælabogin luttekur. Sunnudagsskúli er undir gudstænastuni. Havnar kirkja kl 11.00. Sonja Klein Hoyvík kl. 11, Bjarni Bæk Kvívíkar kirkja kl. 12:00. Maria Jørð­ dal Niclasen. Altargongd. Skrifta­ mál kl. 11:50 Norðskála: kl. 17 messa Marjun Bech og Emil Olsen. Haldórsvíkar kirkja kl. 12, Bergtórur H. Bjarkhamar. Skála kirkja kl. 11: Símun Persson Jacobsen og Rolf Gunnar Heitmann – altargongd. Talvan gongur fyri Norsku Ísraelsmissiónini. Fríðrikskirkjan kl. 12. Lestur Elduvík kl. 12.00, Marjun Bæk Christianskirkjan kl.11.00 Marjun Lómaklett Gøtu kirkja kl 12.00. Gudstænasta við altargongd. Ovi Brim Árnafjørður kl.11.00 Hanus á Gørðum Viðareiðis kirkja, lestur, kl. 12.00 Hvannasunds kirkja, hátíðarguðstænasta, kl. 12.00. Nýggja kirkjuhúsið í Hvannasundi verður vígt. Skopunar kirkja, kl. 12.00, Havstein Klein. Familjugudstænasta. Gentukórið syngur. Byrjað verður við drekkamunni í Didehúsinum kl. 11.00 Hvalbiar kirkja kl. 12.30 Jónsvein Bech. Tvøroyri 11.00: Útvarpsguds­ tænasta. Jens Mortan Mortensen Matiné í Havnar kirkju Leygardagin 19. november kl. 11.30 verður matiné í Havnar kirkju. Kórið Sólarmagn úr Velbastað fer at syngja. Kórleiðari er Fróði Sandoy. Samkoman Marknagil Fjalsg.2, Tórshavn. Sunnudag: Morgunmøti kl 10.30, sunnudagsskúli kl 12 Sunnukvøld kl. 18 evangeliskt møti. Mánakvøldið kl.20 bønar- og uppbyggingarmøti. Øll hjartaliga vælkomin. Ebenezer Fríggjamorgunin 18. november kl. 10-12 er Café í Ebenezer. Leygardagin 19. november frá kl. 11.00 til kl. 14.30, vera tríggir bíbliutímar í Ebenezer. Sunnumorgunin 20. november kl. 11: Minnismáltíð Harrans. Sunnudagin 20. november kl 12: Sunnudagsskúli. Sunnukvøldið 20. november kl. 18: Evangeliskt møti. Týsdagin 22. november kl. 17-19: Frítíðararbeiði Mikumorgunin 23. november kl. 10-12 møtast foreldur við børnum. Mikukvøldið 23. november kl. 20: Bønar- og uppbyggingarmøti. Hóskvøldið 24. november kl. 20: Ungdómsmøti. Hjartaliga vælkomin www.Ebenezer.fo Meinigheitshúsið í Havn Sunnudagur kl. 14, Sunnudagsskúli og Juniormøti (4. flokki), kl. 17.30, bønarløta, kl. 18, Møti v/ Jógvan Garðsá og Marius Múller, evni: Dómarar og kongar í Gamla testamenti www.meinigheit.fo Missiónshúsið við Landavegin Sunnukvøldið møti kl. 18.00 v/ Gunnar Reynslág Adventistakirkjan Leygardagin 19. november 2016 Kl. 10 Sabbatsskúli: Sunneva Guðmundsson Kl. 11 Gudstænasta: Fritz Jager City Church Tórshavn Sunndag 20 november kl 11 morgunmøti. City Kids kl 11.45 Fríkirkjan Oasan Sunnudagin 20. novembur Kl. 11:00 Guðstænasta v/Ragnhard Petersen Kl. 12:00 Sunnudagsskúli Mánadagin 21. novembur Kl. 16:00 7up Kl. 19:00 Bønamøti www.oasan.fo Kollafjarðar Missiónshús Sunnudagur 20.11 kl 18:00 Møti v/ Podasnæmingun úr Havn Týsdagur 22.11 kl 19:30 Bønarløta kl 20:00 Bíbiltími Veri Hjartaliga Vælkoimin Selatrað Sunnudagin 20 nov. verður sjómansmøti í missiónshúsinumm kl.18.00 við Torleifi Johannesen, sjómanstrúboðara. Drekka verður aftaná. Øll eru vælkomin Keldan, Skálafirði Leygardagin kl. 20.00 AWAKE vid Paula Høj Sunnudagin kl. 11, Morgunmøti við ymiskari luttøku. Barnamøti kl. 11 www.keldan.fo Missións- og ungdómshúsið á Glyvrum Fríggjadagin 18. nov. kl. 21:00 Ungdómsmøti Rósalind Olsen talar Evni: Samanhald Leygardagin 19. nov. kl. 15:00 og 17:00 Undirvísing kl. 20:00 Møti Rolf Gunnar Heitmann frá Ísraelsmissiónini hevur undirvísing og møti Nærri kunning á israel.fo Sunnudagin 20. nov. kl. 16:30 Bøn kl. 17:00 Møti, Christian Joensen talar Evni: Guð faðir, Guðs sonur Týsdagin 22. nov. kl. 20:00 Todos venur Mikudagin 23. nov. kl. 19:30 Bøn og Bíbliutími Hósdagin 24. nov. kl. 19:00-20:30 Junior fyri øllum í 5.-7. fl. Veri hjartaliga vælkomin Gøtu kirkja Fríggjadagin 18. Nov kl 20.00. Ungdómsgudstænasta. Ovi Brim Mánadagin 21. Nov kl 14.00. Demensgudstænasta. Ovi Brim Leirvíkar missiónshús Sunnudagin kl. 17 verður familjumøti við Jónu Hansen. Aftaná verður boðið til nátturða. Kfum & K Klaksvík Sunnudagin Kl.14.00 Sunnudagsskúli. Vit syngja, hoyra bíbliusøgu, gera aktivitetir, drekka o.a. Børn í øllum aldri, foreldur, ommur, abbar, øll vælkomin. Barnakórið venur aftaná Kl.17.30 Bønarløta Kl.18.00 Evnismøti. Barnaansing er undir møtinum. Kl.20.30 Ungdómsmøti Øll hjartaliga vælkomin G.G. Marknaðardagurin hjá KFUM & K er leygardagin 3.dec kl.10.00 Soli Deo Gloria Sunnudagin kl. 17.00 bøn Sunnudagin kl. 18.00 møti við Elisabeth Hvítklett Joensen Frá Skopunar Missiónshúsi VETRARSTEVNAN 2016 hjá Missiónshúsinum Skopun verður í døgunum 18.-20.nov.. Fríggjadagin 18.nov. KL:19:00 Talar Jóhan Petur Johannesen, Sandoyar Mannskór syngur. Leygardagin 19.nov. KL:19:00 Tala og sangur v/teimum 5 úr Norð­ streymi. Sunnudagin 20 nov KL:12:00 FAMILJU Gudstænasta v/ Havstein Klein presti. Barnakórið syngur. Byrjað verður við morgun­ drekka í Diduhúsinum KL:11:00 KL:18:00 talar Øssur Kjølbro, Sangbólkur úr Klaksvík syngur. ØLL møtini vera í KIRKJUNI. Eftir møtini verður drekka, sang og vitnimøti í Missiónshúsinum. Leygar & Sunnikvøldi verður innsavnan. ØLL eru hjartaliga vælkomin. »Í dag, um tit hoyra rødd hansara, tá forherðið ikki hjørtu tykkara!« Hebr.4,7 Takk fyri og Guds signing. Gongufelagið: Risastova, Reynavatn, Golfvøllurin Sunnudagin 20. november verður hesin túrur við Gongufelagnum: Risastova, Reynavatn, Golfvøllurin. Hetta er ein lættur túrur. Vit fara við bussi av Bursatanga kl 10.00 sunnudagin Minnist til at hava heit og góð gonguklæðir við, umframt matpakka og drekka. Eldrafelgið Nón Jólahugni verður 1. sunnudag í atvent 27 nov. Í Sjókafeini kl 17.30 Kostnaður 250kr skal flytast í Eik 9181-1368925 Við jólakvøðu Eldrafelagi Nón Pensionistafelagið í Havn Mikudagin 23. novembur kl. 19,00 verður fundur í Losjuna. Sune Joensen vísur dokumentarfilm hann sjálvur tók, av bakkaarbeiði í Skúgvi, fyri meira enn 60 árum síðan. Formaðurin lesur brot úr hugleiðingum eftir Suna Joensen, um sama evnið. Losjan í Havn Tinghúsvegur 18 Fríggjadagur kl 15-18 hittast tilkomin og eldri til hugna Tilhaldið í Tórsgøtu 21 tel. 216627 og 216629 opið er mánadag – fríggjadag kl. 09 – 16 Teldupostur: tilhald@ torshavn.fo – Heimasíðan: tilhaldid. fo Drekkamunnur er til keyps og dagbløðini tøk at lesa. VÆLKOMIN Sunda Kommuna Dagtilhaldið Blákollan Opið er týsdag og hósdag frá kl 14 til 18 Øll eru hjartaliga vælkomin Sorgarbólkur fyri vaksin, ið hava mist ein kæran Bólkurin møtist umleið 3.hvørja viku. Áhugað kunnu venda sær til bólkaleiðararnar. Margret Mortensen tlr. 223456 og Sigrun Heldarskarð 265432 Vitjunarvinir til Reyða Kross Føroya Bryggjubakka 2, Tórshavn Um onkur hevur hug at verða vitjunarvinur hjá Reyða Krossi, eru til vælkomin at ringja til fyriskiparar Eyrith tlf. 513784 ella Marin 284333, teldupost eyrith@redcross.fo ella marin@redcross.fo og redcross@ redcross.fo Dagtilhaldið í Runavíkar Kommunu heldur til í hølunum hjá Nón á Torvgøtu 2. í Runavík. Opið er Mánadag - Hósdag frá kl. 14.00 til 17.00. Ymiskt er at takast við, bløðini eru til taks og ein góður drekkamuður er at fáa hvønn dag. Hósdag kl. 14.30 - 15.30 er fimleikur í høllini í Glyvra skúla. Øll eru vælkomin. 90 ár Leygardagin 19. november fyllir Inga Beder 90 ár. Dagurin verður hildin saman við familiuni. 70 ára føðingardagur Mánadagin 21. november fyllir Anfinn Johannesen í Dali 70 ár. Dagurin verður hildin sunnudagin 20. november frá kl. 13 og úteftir í Eiriksgarði í Dali. Øll eru hjartaliga vælkomin.