mánadagur 21. november 2016síða 3

3 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 21. november 2016 · Nr. 134 BÝRÁÐSSAMGONGAN HEIMSMEISTARAKAPPING Í FITNESS OG BODYBUILDING – Blandaðar kenslur um úrslitið – Meðan Jórun Mørkøre er sera fegin um sítt fjórða pláss í kappingini, sum varð hildin um vikuskiftið í L.A. í USA, er David Arge Galán ikki nøgdur við sítt fimta pláss. Í fjør gjørdist David Arge Galán heimsmeistari í ítróttargreinini Men’s Physique, men í ár eydnaðist ikki at varðveita sessin sum heimsins besti. David Arge Galán gjørdist nummar fimm í kappingini. - Støðið er munandi hægri í ár, og eg má bara viðganga, at eg ikki megnaði at fylgja við, sigur ein vónbrotin David Arge Galán. Jórun Mørkøre er hinvegin sera fegin um sítt avrik. - Eg setti mær fyri, at eg skuldi bert vera í top fimm, og við einum fjórða plássi megnaði eg tað. Tað eri eg sera fegin um, sigur Jórun Mørkøre. Jákup Jacobsen er venjari hjá teimum báðum og hann staðfestir, at úrslitið er flott, hóast vónbrot. - Vit skulu minnast til, at hetta er heimsins bestu fólk, sum vit kappast í móti. Og tað at vera nummar fýra og fimm í heiminum er ikki smávegis, staðfestir venj­arin. Tey hava tó nú í hyggju at finna fram til, hvat skal gerast betur, so tey kunnu betra um avrikini, um tey velja at fara aftur í komandi ár.