mánadagur 21. november 2016síða 4

Mánadagur 21. november 2016 · Nr. 134 4 Sosialurin Hugskot og viðmerkingar – send sms til 225000 BROTIN AVTALA Tað, sum hendi í Tórshavnar Býráði eftir býráðsvalið, má aldrin henda aftur, sigur sjálvur høvuðspersónurin, Annika Olsen Áki Bertholdsen – Slíkt má aldrin henda aftur! Tað staðfestir Annika Olsen, sum eftir øllum teknum í sól og mána, verður næsti borgarstjóri í Havn. Tað, hon sipar til, er tað sum hendi í kjalarvørrinum á býráðsvalinum í Havn. Sjálvt valkvøldið, ella nakrar tímar eftir at val­ úr­slitið var greitt, skriv­aðu tríggir flokkar, Javnaðar­ flokkurin, Fólkaflokkurin og Sambandsflokkurin, und­ir eina avtalu um at skipa samgongu við Heðini Morten­sen sum borgarstjóra. Men hendan avtalan helt bara til dagin eftir, tí tá leyp Fólkaflokkurin frá og avtalaði ístaðin at skipa samgongu saman við Tjóð­ veldi og Framsókn, har Ann­ ika Olsen skuldi vera borgar­ stjóri. Annika Olsen heldur, at støðan, sum er eftir hvørt kommunuval, er ikki virðilig og at slíkt, sum hendi eftir býráðsvalið í Havn, má aldrin hendan aftur. – Vit mugu rudda upp í skipanini og áseta reglur fyri, hvussu farast skal fram eftir eitt kommunuval, sigur hon. – Í sambandi við løg­tings­ val verður munnligar avtalur hildnar, men í sambandi við kommunuval ber alt til, legg­ ur hon afturat. Tí vil hon hava at tað skal standa í samgonguskjalinum hjá nýggju samgonguni í Tórs­havnar Býráð, at tey skulu heita á landsins myndug­leikarnar um at áseta greiðar reglur fyri, hvussu farast skal fram eftir eitt býráðsval. – Í hesum sambandi eigur at verða ásett, hvør hevur rættin til at byrja samráðingarnar um eina nýggja samgongu. Ein máti at áseta tað upp á kann vera, at tað verður størsti flokkur, sum fær fyrsta rætt at royna at skipa samgongu, heldur Annika Olsen. Annars hevur hon ikki hoyrt nakað serligt frá sínum egna flokki, Fólkaflokkinum, um tað, sum er farið fram eftir býráðsvalið í Havn. – Landspolitikarar í Fólkaflokkinum blanda seg ikki upp á kommunupolitikk, tí tað er heilt og fult ábyrgdin hjá teimum, sum stilla upp, leggur hon afturat MÁ ALDRIN HENDA AFTUR Enn er ikki nógv kjøt á Áki Bertholdsen – Arbeiðið at skriva nýtt samgonguskjal ímillum Fólkaflokkin, Tjóðveldi og Framsókn eftir býráðsvalið í Havn, ganga væl. Tað sigur Annika Olsen, sum verður næsti borgar­ stjóri í Havn. – Í hesum døgum sita vit og skriva ítøkiligu orðing­ arnar. Tað skal nokk bera á mál og vit vænta at vera liðug um mánaðarskiftið, legg­ur hon bjartskygd afturat. Men enn er ikki nógv kjøt á samgonguskjalinum, og enn er ikki greitt, hvussu tey ítøkiligu málini skulu loysast. Eitt av fremstu málun­ um verður at loysa bú­ staðartrupulleikan við fleiri íbúðum, ikki minst bíligar íbúðir til lesandi, barnafamiljur og eldri. – Tað er ein av okkara størstu avbjóðingum, men enn er ikki greitt, hvussu farast skal fram, leggur hon afturat. Men hon sigur, at samstarv verður tikin upp við Bústaðir, lands­myndug­ leikar, og onnur við fyri at finna bestu loysnirnar. Men nøkur ítøkilig loysn liggur ikki á borðinum enn, ásannar hon. Í hesum samvandi hevur Bústaðir stríðst við at fáa byggikostnaðin so langt niður, at leigan verður so bílig, at lesandi, stakir uppi­ haldarar, og aðrir láglønar­ bólkar, hava ráð at leiga. Í løtuni liggur ikki í kortunum, at kommunan skal lata stuðul til bygging. Men komandi borgarstjórin heldur, at verður útboðið størri, eru eisini útlit fyri, at prísurin fer at lækka. Avbjóðing Eitt mál hjá nýggju sam­ gonguni er eisini at taka spurn­ingin upp við lands­ stýrismannin í samferðslu­ málum um siglingina út í Hest fyri at bøta um hana, so at fólk kunnu búgva í Hesti og arbeiða í Havn. Men Annika Olsen ásann­ar, at tað er ein lands­ upp­gáva, og Tórshavnar Kommuna fer neyvan at stuðla eini ferðaætlan út í Hest, ella til Nólsoyar, fíggjarliga. Tað er eisini ætlanin at loysa parkeringsviður­ skiftini, men enn hevur Annika Olsen ikki nakað boð upp á, hvussu tað verður loyst, tí tað krevur at allur spurningurin verður tikin í eini heild. Tey ætla sær eisini at full­ føra ætlanina at gera nýggja svimjihøll við Langhyli, í Gundadali. Lokka ferðafólk til Annika Olsen sigur, at sam­stundis ætla tey at taka ætlanina um at gera golfvøllin á Glyvursnesi fram aftur, men hvørja lagnu, tað málið fær, er ov tíðliga at siga nakað um enn. – Vilja vit hava oyggja­ leikirnar hendanvegin, og ætla vit at føra okkum fram sum ein nútíðar ferða­ vinnubýður, er ein golfvøllur avgjørt ein magnet, sum kann draga fólk hendavegin, sigur hon. – Íløgukarmurin skal vera meiri veruleikakendur enn hann er, so at borgarin veit, hvat tey hava at halda seg til. – Gongdin hevur ikki nøkt­andi, tí nógvar út­ bygg­ingar verða settar á skinnarar, men so hendur ikki meir. Bara í fjørð vórðu íløgur fyri 311 játtaður til íløgur, men bara helvtin varð brúkt. Hinvegin hevur tað eisini stóran týdning at fullføra tað, sum er sett á skinnarar, leggur hon afturat. Hinvegin ásannar hon, at tað verður ein avbjóðing at fáa roknistykki at ganga upp við øllum tíð, sum er sett út í kortið við Musikk­ skúla, Skúlanum á Fløtum, svimjihøll, par­kerings­viður­ skiftum, Íbúðar­bygging, og øðrum. Hinvegin fara tey at endurskoða fíggjarætlanina, núsitandi býráð leggur at vita, hvørjar broytingar kunnu gerast. Um mánaðarskiftið væntar nýggja samgongan í Tórshavnar Býráð at verða liðug at skriva samgonguskjal, og enn eru nógvir leysir endar