mánadagur 21. november 2016síða 5

5 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 21. november 2016 · Nr. 134 Vit kunnu verða bundin niður í eitt heilt ár Áki Bertholdsen – Skipanin vit nú hava, er heilt ótrúliga óheppin. Tað staðfestir Annika Olsen, sum helst verður næsti borgarstjóri í Havn. Hon vísir á, at hóast bý­ ráðsval var 8. november, situr núverandi býráð við valdinum heilt til nýggjár­ saftan, og nývalda býráðið tekur so við nýggjársdag. Og hon heldur, at tað kann vera nokk so freistandi hjá einum býráði, sum er á veg út ígjøgnum hurðina, at taka allar møguligar festligar avgerðir upp á nakkan á býráðnum, sum skal taka við. Avleiðingin av hesum kann skjótt vera, at nývalda býráðið verður bundið á hond og fót í eitt heilt ár, áðr­enn tað av álvara fær sett síni fingramerki á førda politikkin. Í hesum sambandi hev­ ur tað vakt ans, at núver­ andi býráð í Havn ætlar at samtykkja at lækka komm­ unuskattin áðrenn tað leggur frá sær á nýggjárinum. Ætlanin er at lækka skatta­prosentið 0,75 prosent, so at hann verður 19 prosent næsta ár. Hetta fer at kosta kommununi 30 milliónir í mistum skattainntøkum - ella tað fer at geva borg­arunum 30 milliónir meiri at liva fyri, tað veldst um eyguni, ið síggja. – Eg eg fegnist um at skatturin lækkar - men eg ivist í mátanum, hetta er gjørt upp á, sigur Annika Olsen. Og hon heldur, at skip­anin vit nú hava, er serstak­liga óheppin. – Tað kann ikki vera rætt, at eitt býráð skal sita við valdinum, og hava fullar heim­ildir til at taka avgerðir í næstan tveir mánaðir eftir at valið hevur verið, sigur hon. Í hesum føri missur sit­ andi samgonga í býráðnum, valdið, tí ein nýggj samgonga verður skipað. Og Skipanin má broytast Annika Olsen heldur, at spurnartekin kann setast við, um hendan samgongan hevur lækkað skattin fyri at leggja nýggju samgonguni fótonglar í vegin, ella tað er tí, at hetta er skynsamur politikkur. – Tað er ótrúliga óheppið, at eitt fráfarandi býráð slepp­ ur at taka avgerðir, tey ikki fáa ábyrgdina av at umsita, heldur næsti borgar­stjórin í Havn. – Hetta elvir ikki til ábyrgdarfullan politikk‚ men kann i ringasta føri elva til peningaoyðsl og ábyrgd­ arloysi - kanska eisini fyri at spæla einum komandi komm­unustýri neisir. – Í ringasta føri kann av­ leiðingin vera, at komandi kommunustýri verður nið­ urbundið fíggjarliga, nógv ár fram í tíðina. Tí heldur hon at Løgtingið skuldi broytt skipanina, og tað ongantíð ov skjótt. Hon heldur, at umleið tann sama skipanin átti at verið galdandi fyri komm­ unustýri, sum eru galdandi fyri Løgting og Landsstýri. Tí heldur hon, at tá ið kommunuval hevur ver­ið, eigur fráfarandi komm­unu­ stýrið ikki at hava heim­ild til at binda ta næsta komm­ unustýrið til út­reiðslur av ymsum slagi. – Tað eigur løgtingið at gera beinanvegin fyri at sleppa undan at seta spurn­ ingin, um eitt fráfar­andi kommunu­stýri setir tí næsta kommunustýrinum fót­ onglar í vegin. – Tað snýr seg ikki um, antin býráðið tekur avgerðir tí tað er skilagóður politikkur, ella tí at tey vilja borgarunum tað besta - ella um tey gera tað fyri at vinna komandi býráðið neisir. Tað snýr seg um at sleppa undan øllum iva hesum viðvíkjandi, sigur Annika Olsen. – Tað hevði verið rætt­ vísari ímóti býráðslimum, at tað nýggja býráðið sjálvt sleppur at seta síni fingra­ merki á tann førda politikkin. – Men sum støðan er nú, skulu vit arbeiða eftir í nøkrum kørmum, sum tað fráfarandi býráðið hevur lagt, og tað er ikki rímiligt. Annika Olsen veit ikki, hvussu tað kundi verið gjørt, men ein máti er at áseta, at seinast 10-12 dagar eftir, at kommunuval hevur verið, skal nývalda býráðið taka við. – Tað er alt ov leingi, at fráfarandi býráðið skal sita við fullum heimildum í næstan tveir mánaðir, leggur hon afturat. Hon sigur eisini, at hetta er ein spurningur, nývalda býráðið í Havn fer at heita á landsmyndugleikarnar um at taka upp. Ongin broyting Seint í summar reisti Annika Olsen eisini spurningin á Løg­tingi og tá váttaði Sirið Stenberg, landsstýriskvinna í kommunumálum, at frá­ farandi kommunustýri hevur óavmarkað vald til nýggjársaftan. Í Íslandi er skipanin tann, at nývalda kommunustýrið tekur við 15 dagar eftir valdagin, og tá fer sitandi kommunustýrið eisini frá, upplýsti Sirið Stenberg. Men hon skoytti kortini upp í, at ongar ætlanir vóru um at broyta skipanina í Føroyum. NÝGGJA SAMGONGAN Tað kann ikki vera rætt, at eitt býráð, sum leggur frá sær, skal sleppa at binda næsta býráð á hond og fót, sigur Annika Olsen, sum helst verður næsti borgarstjóri í Havn Stórfingin ætlan hongur nú í einum klønum tráði Áki Bertholdsen Stórfingna ætlanin um at lata Fróðskaparsetrið fáa Sjóvinnuhúsið á Vestaru­ bryggju at húsast í, kann koma í vanda. Nógvar ætlanir hava verið um, hvat Sjóvinnuhúsið, sum er yvir 7000 fermetrar til støddar, skal brúkast til, men fyribils er alt dottið niðurfyri. Nýggjasta ætlanin er at gera tað til Fróðskaparsetur fyri at loysa tann bráð­neyð­ uga hølistørvin, tað hevur verið í leingi. Í hesum sambandi hava samráðingar verið ímill­ um Mentamálaráðið og Tórshavnar Býráð, men enn er ongin avgerð tikin. Viðgera málið Nýggja samgongan, sum ætlanin er at skipa eftir kommunuvalið, hevur sum eitt av sínum fremstu enda­ málum at menna Fróð­ skaparsetrið. Annika Olsen, sum eft­ir ætlan verður nýggjur borg­ arstjóri í Havn, staðfestir, at núverandi býráð situr til nýggjárs og hevur fullar heimildir til at taka allar avgerðir til tað. Men verða samráðing­ar­ nar ímillum Mentamálaráðið og Tórshavnar Býráð ikki lidnar á nýggjárinum, skal nývalda býráðið taka støðu til, um haldast skal fram við teimum. - Tað er ein spurningur, vit skulu taka støðu til, og tað hava vit ikki gjørt enn, sigur Annika Olsen. Hon sigur, at í hesum sambandi skal støða takast til, hvar okkara framtíðar lestrarumhvørvið skal vera og tað er ein spurningur, tey fara at taka upp við Fróð­skaparsetrið og Menta­ málaráðið. Men sjálv heldur Annika Olsen ikki, at Sjóvinnuhúsið hóskar seg til at verða Fróð­ skaparsetur. – Eg havi altíð hildið, at hasin parturin av býnum eigur at verða markaður til sjóvinnu, sigur hon. Hinvegin leggur hon afturat, at hon er opin fyri at viðgera allar spurningar í hesum sambandi. Hava greiða støðu Men tað er samstunndis eisini greitt, at onnur av odda­fólkunum í nýggju samgongu, hava púra greið­ ar meiningar um hesi viður­ skifti. Í valstríðnum uppundir kommunuvalið, skrivaði toppskorðarin hjá Tjóðveldi, Gunvør Balle, at fyri tey hevur tað avgerandi týdn­ ing, at Vestarabryggja fram­ haldandi verður halgað til virksemi, ið er tengt sjónum. – Á bryggjuni er eitt ýðj­ andi lív alt samdøgrið, har starvast eini 2-300 fólk, og umleið 50 nýggj arbeiðspláss eru komin seinastu árini. 444 skip løgdu at bryggju í 2015 og fyritøkurnar umseta fyri 7-800 milliónir krónur – Tí er hevur tað stóran týdning, at tað virksemi, ið kemur inn í tómu bygn­ ingarnar á økinum, sam­ pakkar við, og kann liva lið um lið, við verandi virksemi, segði Gunvør Balle. Og býráðslimurin hjá Tjóðveldi við næstflestum at­kvøðum, Marin Katrina Frýdal, staðfesti, at skúlar hóska snøgt sagt ikki sam­an við vinnuvirksemi á havnar­ økinum, sum er eyðkent av ferðslu og lossing, sum viðførir larm og órógv. – Hartil haltar við trygdini, um tað floymir inn við fólki millum stór og rúgvis­mikil amboð. Henanra áskoðan er, at verður Sjóvinnuhúsið tikið til Fróðskaparsetur, fer tað at avhøvda vinnuna. Og tað vil Tjóðveldi ikki, tí bryggjukanturin er lívæðrin hjá vinnuni. Annika Olsen sigur, at tað, sum hevur týdning, er at Fróðskaparsetrið fær betri umstøður og í tí sambandi er tað ein møguleiki at byggja Fróðskaparsetrið út uppi á Frælsinum, á økinum, har tey longu húsast framman­ undan. Fleiri limir í nýggju samgonguni í Tórshavnar Býráði eru ímóti at Sjóvinnuhúsið á Vestaru Bryggju, verður tikið til Fróðskaparsetur Oddafólkini í nýggju býráðssamgonguni í Havn, eru ímóti, at Fróðskaparsetrið fær stóra Sjóvinnuhúsið á Vestarubryggju til, og sostatt er eisini hendan ætlanin við Sjóvinnuhúsinum komin í vanda