hósdagur 24. november 2016síða 13

FRÍGGJADAGUR 25. NOVEMBER 2016 SOSIALURIN 136 13 sum undirveitarar hjá summum feløgum, men vit kunnu bert hava basu úr Føroyum og flúgva rutu her frá, sigur Jóhanna á Bergi. Handilsligar skyldur umframt samfelagsábyrgd Jóhanna á Bergi tekur gjarna undir við, at teirra uppgáva sum alment flogfelag, ið m.a. inniber at hava eina samfelagsskyldu at veita tænastur, umframt at reka eitt handilsliga sunt felag. Í einum landi sum Føroyar, við av­ markaðum atkomumøguleikum og avjóðandi umstøðum, hevur Atlantic Airways eisini uppgávur sum onnur handilslig feløg ikki hava. - Vit liva í serligum umstøðum, tí umframt at reka ein luftbrúgv, so eru vit eisini ein neyðlinja og sjúkraflutningur. Vit hava eina vitan á staðnum, sum einans vit hava í Føroyum. Til dømis eru tað so nógvar ásetingar, ið vit skulu liva upp til frá samferðslumálaráðnum, at tað er ásettir persónar til at taka sær av tí. Tað vil siga, at vit liggja inni við eini vitan, sum vit einans kunnu skaffa okkum sjálvum og tað setir okkum í eina serliga støðu, sigur Jóhanna á Bergi. Av tí at Atlantic Airways er ein­ asta flogfelag í Føroyum, ið verður rik­ið við høvuðssæti úr Føroyum, ligg­ur felagið inni við einari vitan, sum eingin annar í Føroyum hevur. Serliga innan eitt tekniskt øki, ið er serstakt. Tað hevur eisini við sær, at felagið er áhugavert hjá fólki við tekniskum førleikum at leita til. Tað eru vitanartung størv, ið ikki eru so nógv av í Føroyum. - Vit hava sæð tað sum ein framí­hjárætt og eina uppgávu, at verða við til at menna flogvinnuna í Før­oyum. Í mun til umstøðurnar haldi eg eisini, at tað er komið nógv burt­urúr. Viðvíkjandi teim vit­an­ar­ tungu størvunum, so er tað serliga innan tað tekniska økið, at vit hava ment okkum nógv, sigur Jóhanna á Bergi, stjóri á Atlantic Airways. Ikki pláss fyri fleiri aktørum Sambært forsøgnum, sum kann­ ingin hjá Tjóðveldi á Fólkatingi eis­ini vísir á, so kunnu væntast eini 400.000 ferðafólk, at flúgva um flogvøllin í Vágum í 2024. Tað eru gott 100.000 fleiri enn væntast í ár. Tað er ein sera stór øking uppá fá ár. Jóhanna á Bergi sigur, at við tí kapasiteti, ið Atlantic Airways hevur nú, so klára tey at flyta tey fólkini aftur og fram. - At SAS nú eftir øllum døma eisini kemur inn á marknaðin og LoganAir um summarið, fer at merkja, at tað verður ein yvirkapasitetur á rut­ uni, sigur Jóhanna á Bergi. - Nú hevur landsstýrið loyvt kapping við okkum, men vit halda, at tað er bert pláss at reka eitt felag burðardygt á hesi leiðini. Vit hava kapasitet til at nøkta tørvin í framtíðini eisini, men um tað nú verða fleiri feløg, so verður tað ikki nokk av ferðandi til øll, sigur Jóhanna á Bergi. SUM HORNA­STEIN Jóhanna á Bergi, stjóri á Atlantic Airways, sigur, at høvuðsstøðin fyri felagið fer altíð at verða í Føroyum