hósdagur 24. november 2016síða 27

FRÍGGJADAGUR 25. NOVEMBER 2016 SOSIALURIN 136 27 var trý-fýra ára gomul. Tá Rita var trý, fór Atli við henni. - At eg so bleiv hangandi, er tí, at eg sá upp til Eyð, sum gjørdi estet­iskan fimleik. Mamma spurdi meg, tá eg var um sjey ára aldur, hvat eg hevði best hug til, estetiskan fim­leik ella amboðsfimleik. Eg ánaði ikki, hvat amboðsfimleikur var, men valdi estetiskan fimleik, tí tað var tað, sum Eyð gjørdi, minnist Rita. Meistaraheiti Tær báðar hava burtur av gjørt estetiskan fimleik, men meðan pápin ikki hevur lagt so nógv í at kappast, hava tær tikið lut í hópin av kappingum. Í dag er Rita á est­et­ iska kvinnuliðnum hjá Støkk, men undan tí hevur hon vunnið FM á øllum teimum yngru liðunum – pin­kum, smágentum, gentum og ung­lingum. Tað er eitt sindur longri ímillum steypini hjá Eyð. - Nei, vit vunnu faktiskt ikki so ræðuliga nógv, tá eg íðkaði, men eg minnist, at vit vunnu við smá­gentum einaferð. Vit vóru tó altíð ímillum tey fremstu liðini, tað koppaði bara oftast skeiva vegin í kappingunum, minnist Eyð. Í dag virkar hon sum samskipari í Støkk. Sosialur týdningur Atli, Eyð og Rita halda seg hava nógv at takka Støkk fyri. - Støkk hevur ein stóran savn­andi týd­ ning fyri hetta økið, tað er vist. Tað hevur verið flent at okk­um her í kommununi, at vit ongan svimjihyl hava, og at vit tí ikki duga at svimja. Men hinvegin, so eru tað heilt nógv, sum hava íðkað fimleik og hava fingið gott av tí. Nú koma fólk alla møguliga staðir frá her at íðka, tí man sær, at hetta er nakað sum fungerar her, sigur Atli. Fyri tær báðar hevur Støkk havt stóran sosialan týdning. - Næstan allar mínar vinkonur hava okkurt við Støkk at gera, sigur Rita, sum eisini hevur spælt fótbólt, men tó dámdi fimleikin betur og valdi hann framum. Eyð ivast í, um hon yvirhøvur hevði íðkað nakað, um Støkk ikki var. - Eg var nokkso tvør, tá eg var lít­il, og vildi ikki fara til nakað ann­að. Fimleikurin var mítt, og um hann ikki var, so veit eg ikki, um eg hevði tímað nakað annað, sig­ur hon. Næsta ættarlið Einaferði støkkari, altíð støkkari. Tað eru faðir og døtur samd um. Atli hevur ongar ætlanir um at gevast. - Nei, eg ætli at gera fimleik so leingi, eg orki, sigur hann av­gjørdur. Tað ætlar Rita eisini, og Eyð fer skjótt at leiða næsta ættarliðið inn í Støkk á sama hátt, sum hon sjálv byrjaði. Fyri 14 mánaðum síðani fekk hon nevniliga dóttrina Anniku. - Um eitt-tvey ár fara vit helst at byrja við foreldur og børn-fimleikinum. Seinni skal Annika sjálvandi sjálv sleppa at velja, sigur Eyð, sum tó ikki dylir, at hon vónar, at dótturin fer at verða eins góð og hon og hini í familjuni við fimleikin og Støkk. Lítla Annika, sum er eitt ára gomul, kemur kanska í tvístøðu, tá hon einaferð skal velja – hjá mammuni Eyð Leitisstein er fimleikurin eitt og alt, men hjá pápanum Klæmint Andrasson Olsen er tað fótbólturin, hann er toppskorari í bestu fótbóltsdeildini Ein fimleikafamilja. Atli Leitisstein, døtrarnar Eyð og Rita og lítla Annika, dóttir Eyð. Frá framsýningini “Fim í fimmti ár” í Løkshøll í Runavík næstseinasta vikuskifti Helen Gaardbo, forkvinna í Støkk, beyð vælkomin