hósdagur 24. november 2016síða 28

FRÍGGJADAGUR 25. NOVEMBER 2016 SOSIALURIN 136 28 INGOLF S. OLSEN - PRESS - Tá vit høvdu 25 ára veitslu, fegn­ aðist eg um, at felagið var komið so langt, men eg segði tá, at eg roknaði við, at tey næstu 25 árini fóru at verða nógv truplari. Tí tá vóru ítróttarhallirnar komnar fleiri staðir. Tey fyrstu nógvu árini var Støkk og fimleikurin jú einasta vetrarítróttin í økinum, men nú hevði hon fingið kapping. Men eg fór tíbetur skeivur, tí tey seinastu 25 árini hava ikki verið verri. Tvørturímóti er Støkk vaksið nógv. Tað sigur Kai Aage Troest, sum saman við konuni Jóhonnu Troest og fimleikaraparinum Svavu og Jóhann Kjeld, tók stig til at stovna Støkk fyri 50 árum síðani. Drívmegin er kvinnur At tað hevur hilnast so væl er í fyrsta lagi kvinnunum fyri at takka, heldur Kai Aage, og í øðrum lagi einari góðari organisjón frá byrjan av. - Fimleikur er ein ítrótt, sum ligg­ur heilt óalmindiliga væl til tað kvinnuliga huglagið, og tað eru serliga tær, sum dríva tað fram. Kvinnur hava meira hetta við at íðka og vísa seg fram sum lið, með­ an menninir helst vilja krógva seg burtur á einum liði – teir eru meira til individuella kapping, og um teir liggja sum nummar 3, 4, 5 ella 6, ja so tíma teir ikki meira, sigur hann. Jóhanna gevur honum rætt. - Menninir tíma ikki rytmiskan fimleik og tað at gera seriur, men tað halda gentur og kvinnur vera sera stuttlig. Tað hava menninir verið heldur forhánisligir um – hetta “at vrikka við reyvini”, sum Bynni (Bynni Lamhauge, red.) plagdi at siga. Menninir tíma best amboðs­fimleik, men í dag eru tað bert tey fáu, sum sleppa at gera am­ boðsfimleik, tí tey skulu veljast út til tað, sigur Jóhanna Troest. Jóhanna er 75 og enn aktiv í fel­ agnum sum venjari hjá einum liði við tilkomnum kvinnum, men eitt vánaligt knæ hevur seinnu árini hildið Kai Aaga frá fimleikinum. Hann fyllir 74 í dag, 25. november. Organisatoriskt handalag Ein góð organisasjón er eisini avgerandi fyri, at einum felag verður lív lagað, og tær royndir­ nar høvdu Kai Aage Troest og Jóhann Kjeld við sær inn á Glyvrar frá Havnar Fimleikafelag, har teir frammanundan høvdu verið akt­ ivir fimleikarar í 12-14 ár. - Sjálvandi stjólu vit nakrar lóg­ir og sovorðið organisatoriskt frá Havnar Fimleikafelag. Og org­ an­isatoriskt koyrir Støkk upp á akkurát sama máta, sum tá vit byrjaðu, so tað má hava virkað, heldur Kai Aage. - Vit hava havt góðar leiðarar gjøgnum árini og ein fantastiskan uppbakning frá foreldrum og øllum øðrum í økinum, tað hevur eisini havt stóran týdning fyri, at tað hevur gingið so væl, sigur Jóhanna. Stóri stuðulin var sjónligur longu frá byrjan av. - Fyrstu ferð planløgdu vit tvær framsýningar í fimleikahøllini í Glyvra Skúla, har vit vandu og høvdu framsýningar tey fyrstu nógvu árini. Men har var so stúgv­ andi fult av fólki – fólk hingu í rim­unum og sótu uppi í vind­eyga­ kørm­unum – at vit máttu steingja dyrn­ar og hava eyka­fram­sýning­ar. Tað var fantastiskt at uppliva, sig­ur Kai Aage. Fyrr var tað blandað Hóast tey bæði fegnast um góðu gongdina hjá Støkk og fimleiki sum ítróttargrein, so sakna tey eitt sindur tann meira blandaða fimleikin, soleiðis sum hann var fyrr. Í dag er skilnaðurin ímill­um amboðsfimleik og estetiskan fim­ leik so stórur, at talan at kalla er um tvær ymiskar ítróttargreinar. Tó hevur Støkk eisini breiddar­lið, har tey íðka bæði estetiskan fim­ leik og amboðsfimleik. - Fyrr sluppu øll at vera á sín­um liði og vera við í øllum, sama um tað var á gólvinum, í ringunum ella á bummi. Um ein ikki dugdi okk­urt so væl, so dugdi hann okkurt ann­ að, sigur Kai Aage. Jóhanna staðfestir, at estet­isku liðini kenna lítið og onki til reið­ skaps­fimleik í dag. - Fyrr var tað soleiðis, at tá ein hálvur tími var eftir av venjing­ini, so fóru vit at leypa, bólta rút, hanga í bummunum og sovorðið, men tað gera tey als ikki í dag, sigur hon. Eitt savnandi felag Tó at fimleikurin er nógv broyttur gjøgnum árini og er vorðin alt meira spesialiseraður, so eru tey eins hugtikin í ítróttini í dag, og tey alt­íð hava verið. Og tey eru eins góð við Støkk, og tey altíð hava verið. Meðan annar ítróttur ofta er merkt­ur av kapping millum bygdir, ikki minni við Skálafjørðin, so hev­ ur Støkk verið eyðkent sum eitt savn­andi felag. Millum annað hava fimleikarar av Toftum og Nesi frá fyrsta degi verið millum berandi kreftirnar í felagnum, bæði sum íðkarar og sum venjarar. - Øll hava verið líka góð við fel­ag­ið, sama hvaðani tey eru, og onki klandur hevur verið, sigur Kai Aage. Tá Støkk var stovnað hevði tað heimstað á Glyvrum, men dróg beinanvegin fólk at sær frá øllum Skálafjørðinum. Við árunum er heimabeitið bara vorðið størri, so felagið í dag meira er at rokna sum eitt eysturoyarfelag. Eisini í Klaksvík eru aktivir støkkarar. Eitt aktiv fyri økið Felagið hevur verið eitt gott aktiv fyri økið, tað eru tey bæði Jóhanna og Kai Aage Troest sannførd um. - Støkk hevur verið við til at gjørt økið her kent í restini av land­ inum, sigur Jóhanna, sum sjálv er upp­vaksin í Saltangará. Hetta kann Kai Aage sum havna­maður av uppruna skriva und­ir upp á. - Havnafólk vistu ikki, hvat Glyv­ rar var fyrr, men nú vita tey flestu tað. Eg vænti avgjørt eisini, at tað hevur havt týdning fyri fólk, sum eru flutt higar, at hesin møguleik­ in – at eitt aktivt fimleikafelag var her – hevur viðvirkað til, at tey eru komin, sigur hann. Tað var yvirhøvur fátæksligt við aktivitetstilboðum á eystara armi á Skálafjørðinum fyri 50 árum síðani, og tí var Støkk kærkomið – ikki bara hjá íðkarunum sjálv­um, men eisini hjá nógvum foreld­rum, heldur Jóhanna. - Tað hevur havt nógv at siga fyri tey, hvat tey ungu kundu gera í frítíðini í staðin fyri at ganga úti á vegnum og gera tað, sum tey kundu finna upp á har. Her var onki ann­að tá, staðfestir hon. OVFARNIR STOVNARAR Kai Aage og Jóhanna Troest. Tá tey fyri 50 árum síðani vóru við til at stovna Støkk, droymdu tey ikki um, at felagið skuldi mennast so nógv, gerast so stórt og fáa so glæsiligar karmar, sum nú er veruleikin FIMLEIKUR Fyri 50 árum síðani vóru Jóhanna og Kai Aage Troest við til at stovna Støkk. At felagið skuldi menna seg til tað, tað er í dag, høvdu tey ongantíð roknað við INGOLF S. OLSEN – PRESS 23. november fylti fimleikafelag­ið Støkk í Saltangará 50 ár, og henda seinasta mánaðin hevur tað verið hátíðarhildið í stórum stíli. Ein myndasýning um søguna hjá felagnum hevur verið, og næstseinasta vikuskifti var stórsligna fimleikaframsýningin ”Fim í fimmti ár” í Løkshøll, har øll liðini frá 1. flokki og uppeftir vóru við. Seinasta leygardag var framførslan ”Sirkus Støkk” í Bylgjuni við børn­um undir skúla­ ald­ur, og kvøldið fyri var barna­ veitsla. Mikudagin, á sjálvum føðing­ar­ deg­num, var móttøka í Bylgj­uni, og í kvøld, fríggjakvøldið, er stór føð­ing­ardagsveitsla í Skóta­hús­ inum við Løkin. Líka frá stovnanini í 1966 hevur Støkk havt stak góða og støðugt vaksandi undirtøku, hóast um­ støðurnar tey fyrstu nógvu ár­ini vóru sera avmarkaðar. Fel­ag­ ið hevur drigið íðkarar úr all­ari Eysturoynni at sær, tó at und­ir­ tøk­an sjálvsagt hevur verið størst í lokaløkinum á eystara armi á Skála­fjørðinum. Nú táttar lima­ tal­ið hjá Støkk væl í 700. Í 32 ár fram til 1998, vandu støkk­ararnir í fimleikahøllini í skúlanum á Glyvrum, og høvdu eisini allar heimaframsýningar har, til ítróttarhøllin í Runavík kom miðskeiðis í 1980-árunum. Tá vórðu heimaframsýningarnar hildnar har, men vant var fram­ veg­is í fimleikahøllini og í ymsum øðrum bygningum í økinum, til Støkk í 1998 ognaði sær gomlu Glyvra Bio, sum síðani fekk navn­ ið Støkkhøllin. Her húsaðist fimleikafelagið so, til stóra og stásiliga fim­ leika­høllin Bylgjan, sum er bygd upp í ítróttarhøllina við Løkin í Runavík, stóð klár á sumri 2014. STØKK: FIMLEIKUR Í FIMMTI ÁR Stigtakararnir til Støkk. Úr vinstru eru tað Kai Aage Troest, Jóhanna Troest, Svava Kjeld sála, og Jóhann Kjeld. Myndin er tikin á eini ferð á Bornholm í 1972