hósdagur 24. november 2016síða 32

32 ÍTRÓTTUR ÍTRÓTTAHÁSKÚLIN VINNUR FRAM Í ØLLUM NORÐURLONDUM ÍTRÓTTAHÁSKÚLI Eitt sjónbandabrot hevur sett ítróttaháskúlan í Suðuroynni á kortið kring norðurlond. Fyrsta skeiðið hevur verið ein sólskinssøga, har 17 ungdómar saman við undirvísarum og leiðarum hava bjóðað føroysku natúrini av. – Tað er bara ein spurningur um tíð, áðrenn vit hava fleiri tilmeldingar enn pláss, sigur Guðmundur Joensen TRÓNDUR ARGE Í summar bleiv ítróttaháskúlin í Suðuroynni veruleiki. 17 næmingar meldaðu til og nú er skeiðið um at koma at enda. Fyrsta hálva árið hevur eydnast so væl, at til­ meld­ingarnar eru longu komnar inn fyri bæði komandi skeið og fyri skeiðið, ið byrjar í august komandi ár. Leiðari á skúlanum er kendi ítróttarmaðurin, Guð­ mundur Joensen. Hetta er fyrstu ferð, at hann arbeiðir í skúla­ umhvørvinum. – Vit hava havt 17 næmingar sum koma frá næstan 17 ymiskum støðum og bakgrundum í Føroyum. Vit hava koyrt á við avbjóðingum, og tað hevur verið spennandi at sæð hvussu næmingarnir hava brotið mørk, sigur Guðmundur Joensen. Nú hevur eitt sjónband, sum ítróttaháskúlin hevur latið gjørt, av álvara sett ljós á skúlan. Ovfarin av samanhaldinum Fyri Guðmund Joensen er talan um fyrstu uppgávuna av slíkum slag. Hann er ovfarin av tí, sum hann hevur sæð og upplivað. Næmingar eru nógv broyttir og samanhaldið er heilt serligt. – Eitt tað, sum eg haldi tey mest av øllum hava lært er, at taka sær av hvørjum øðrum og stuðla hvørjum øðrum. Í mun til tær upp­ gávurnar vit loystu í byrjanini, í mun til seinni. Í byrjanini høvdu tey í pressaðum støðum hug at rópa og ilskast, men nú sæst at tey betri skilja hvønn annan, og hava betri hug at hjálpa, greiðir Guðmundur Joensen frá og leggur afturat: – Vit síggja eisini næmingar, sum eru nógv betri fyri kropsliga í dag. Eisini hava tey brotið mørk, ið tey ikki høvdu um tey ikki komu á skúlan. Tey eru meiri opin og innbjóðandi. Eitt nú fylgjast tey eisini, tá tey fara heim um vikuskiftini, meðan onnur ikki tíma heim, tí tey trívast so væl her, sigur Guðmundur Joensen. Fáa fyrispurningar úr norðurlondum Ítróttaháskúlin, sum hevur heimstað í Vági, er longu í holt við tilmeldingarnar fyri komndi tvey skeiðini. Tað kom brádliga ferð á, tá skúlin gjørdi eitt sjónbandabrot, ið er ein samandráttur av fyrsta skeiðnum. Filmurin er sæddur yvir 150 túsund ferðir og deilur á sosialu miðlunum næstan túsund ferðir. – Vit hava vitað, at adventure- breytin hevur stórar møguleikar fyri bæði føroyingar, danskarar og onnur, men síðani filmin fáa vit fyrispurningar frá fleiri úr øllum norðurlondunum. Eisini eldri fólki, ið spyrja um tað ber til at koma í eina viku ella tvær, greiðir Guðmundur Joensen frá. Tað var undirvísarin Petur Gotfredsson, sum kom við hug­ skotinum at gera filmin. Síðani bleiv hann deildur av bæði næm­ ingum og í bólkum á sosialu miðl­ unum, sum hava við adventure at gera. Tað hevur gjørt mun. SOSIALURIN 136 FRÍGGJADAGUR 25. NOVEMBER 2016