hósdagur 24. november 2016síða 33

FRÍGGJADAGUR 25. NOVEMBER 2016 SOSIALURIN 136 33 Halda fast í samleikanum Tað stendur øllum frítt at melda til, men skúlin heldur fast um samleikan, ið hann hevur uppbygt sær seinasta hálva árið. – Hetta er ein háskúli, har vit taka útgangsstøði í næminginum, men vit fara eitt nú at hava før­ oyskt, sjálvt um útlendingar koma á skúlan. So mugu vit bara møtast har vit kunnu í einu slíkum faki. Tað er týdningarmikið, at vit halda fast í samleikanum, sigur Guðmundur Joensen. Fleiri halda fram Tað er longu nú greitt, at tað verður eitt skeið frá januar í 2017. Somik­ ið av tilmeldingum eru longu nú. Eisini er talan um næmingar, ið velja at taka eitt skeið afturat. – Vit kunnu longu nú stað­ festa, at tað tað eru nokk av til­ meldingum til, at komandi skeið verður. Summir næmingar trívast eisini so væl, at tey hava meldað til aftur, sigur Guðmundur Joensen. Skúlin bjóðar fýra breytir. Adventure, fótbólts, hondbólts og svimjibreyt. Til fyrsta skeiðið vóru 17 næmingar. Tí var ikki nokk til at deila upp í fleiri breytir, men í andanum av skúlanum, so hava tey funnið eina loysn, sum øll eru nøgd við. – Vit hava havt eina adventure­ breyt, tí tey flestu valdu tað. Síðani hava næmingarnir uttanfyri skúla tíð spælt hondbólt við VB og svomið við SuSwim. Tað hevur riggað væl, sigur leiðarin á ítróttar­ háskúlanum. 40 pláss Skúlin hevur í løtuni 40 pláss. Tað verður ikki væntað, at tað verður beinleiðis plásstrot komandi skeið, men tað kann tað skjótt blíva. – Tú skal minnast til, at vit júst eru byrjað. Til komandi skeið hava aðrir skúlar langtsíðani fingið sínar næmingar, tí er eitt sindur ilt at ímynda sær, at tað verður fult longu komandi skeið. Vit hava eisini arbeitt hart fyri at fáa hetta skeiðið at rigga, sigur Guðmundur Joensen, men vísir á skeiðið í august sum ein betri mátistokk. – Tað er bara ein spurningur um tíð, áðrenn vit hava fleiri tilmeldingar enn pláss. Eitt gott boð er í august, tá fólk eru leys av skúlum og ikki hava lagt ætlan fyri skúlaárið, sigur Guðmundur Joensen. Mett verður eisini, at tað er meiri sannlíkt at um útlendingar melda seg til, so skulu tey hava eina tíð, áðrenn tey taka eina avgerð um at flyta til Føroyar í eitt hálvt ár. Hugflogið setur mørkini At enda sigur Guðmundur Joensen, at tað er eitt deiligt starv at verða leiðari á skúlanum, tí hann er drivin av góða hugburðinum, sum fólk hava, ið sita í stýrinum og eru rundanum skúlan. – Bara hugflogið setur mørk fyri hvat vit kunnu. Og hugflogið røkkur langt, sigur Guðmundur Joensen at enda. Ítróttaskúlin í Suðuroynni hev­ ur tikið fyrsta fetið. Nú fáa vit at síggja, hvussu stórt næsta fetið verður. TRONDUR@SOSIALURIN.FO