hósdagur 1. desember 2016síða 17

FRÍGGJADAGUR 2. DESEMBER 2016 SOSIALURIN 139 17 Familjan etur bareinskan morgunmat. F.v. Miriam, Heðin, Sára, Birgit og Dávid men ikki nakað serligt. Munirnir á metanum og fólkasløgum høvdu einki uppá seg. Men tá føroyska barnafamilja flutti til Barein, varnaðist Birgit Krett veruliga, hvussu ymiskar heimsfatanir kunnu ávirka eitt samfelag og mentan. – Her er alt øðrvísi. Fólkið, mat­urin, mentanin, politiska skipanin, trúgvin og virðir. Einki er sum tað vit kenna. Men hóast alt er nýtt, og einki er reiðiliga sum vit kenna, so trívist vit sum familja í landinum, sigur Birgit Krett og leggur afturat. – Eitt sum eisini hevur stóran týdning fyri okkum er, at vit eru fræls at hava okkara egnu virðir her. Millum annað, so ganga vit á møti í eini samkomu her í Barein. Tað er eitt frælsi, ið man kanska tekur fyri givið í Vesturheiminum, men sum als ikki er so sjálvsagt. Eitt uppbýtt samfelag Hóast bareinska mentanin er øðrvísi enn tað, ið vit kenna til í Føroyum, so er alt ikki ókent, tí talan er um eitt samfelag, ið rúmar eina rúgva av ymiskum mentanum og minni samfeløgum í samfelagnum. Millum annað sæst tætta til­ knýtið til Bretland aftur í mat­ vørunum, ið fáast til keyps, og ameri­kanska tilknýtið sæst best aftur í økinum tætt við ameri­ kanska hernaðarbasan, ið mest av øllum minnir um eina gøtu í New York. Týdningarmesti munurin er tó, sum í so nógvum øðrum mus­limskum samfeløgum, tann millum sunni og shia muslimar. – Umleið 75 prosent av mus­ limum eru shia muslimar, meðan restin, eini 25 prosent, eru sunni muslimar, greiðir Heðin Krett frá. Hóast sunni muslimar harvið er ein minniluti í Barein, so er kongafamiljan sunni muslimar, og sita sunni muslimar harvið á øllum politiska og hernaðarliga valdinum, umframt meginpartin av ríkidøminum. Tað hevur elvt til nakað av ófriði millum bólkarnar, seinast undir arabiska várinum, men seinastu árini hevur tað verið rímiliga friðarligt í landinum. – Men man leggur merki til, tá man koyrir runt í teimum ymisku grannaløgunum, hvør meiri­lutin er í tí økinum. Í shia økjum hanga nógv fløgg uppi við ymiskum boðskapum, meðan tað í sunni økinum tykjast meira vestur­lendsk. Har er einki serligt, ið fang­ar eyga, greiðir Heðin Krett frá. Konservativt men frílynt At einans ein long brúgv knýt­ir Barein til grannalandið Saudi­ arabia, háborgin hjá Islam, sæst aftur í gerandisdegnum í Barein, ikki minst klæðunum. Meðan menninir ganga antin í siðbundnu hvítu draktunum ella í vanligum klæðum eins og í vestur­heiminum, so er tað øgiliga ymiskt hvussu kvinnurnar eru ílatnar. – Tað er ikki nøkur lóg, ið áleggur kvinnur hvussu tær skulu ganga ílatnar í Barein. Í Saudiarabia er tað lógarfest, at tær skulu vera í burka, men her er einki slíkt krav. So tær flestu, ið ganga í skjali her í Barein eru vanliga úr Saudiarabia, sigur Birgit Krett. Tað er eisini ymiskt hvussu nógv kvinnurnar dekka seg til. – Líka sum allir persónar eru ymiskir, so er tað eisini ymiskt hvussu kvinnur dekka seg til. Nakrar ganga í somu klæðum sum føroyskar kvinnur ganga í hvønn dag, men aðrar brúka eitt sjal til at dekka onkran part av kroppinum. Nakrar eru í nikab, aðrar í burka, men tær flestu ganga við hijab. Barein kann lýsast sum eitt friðstað millum meira konservativ lond, tí hóast talan er um eitt land, ið fyri føroyingar kann tykj­ast serstakliga konservativt, so er tað munandi frælsari enn grannalondini í Persaraflógvanum. – Barein er nógv meira frílynt enn londini kring okkum. Meðan tað ikki ber til hjá íbúgvunum í Saudiarabia at drekka alkohol og fara í biograf, umframt at kvinn­urnar skulu ganga í hijab og sleppa ikki koyra bil, so er alt tað lov í Barein, sigur Heðin Krett, og greiður frá, at tað er vanligt, at fólk, serliga úr Saudiarabia, eiga eina íbúð í Barein, har tey fara fyri av hvíla seg og sleppa undan reglunum í sínum heimlondum. – Millum annað er tað púra van­ligt, at handilsmiðstøðirnar í Barein hava úr at gera fríggja­ dag seinnapart eftir, at fríggja­ dagsbønin er liðug. Tá kemur ein rúgva av fólkum úr Saudiarabia í vikuskifti, og brúka møguleika at hyggja eftir einum filmi í bio­ grafinum ella gera ymiskt annað, ið tey ikki sleppa í teirra egna heim­landi, sigur Heðin Krett. HALLUR@SOSIALURIN.FO Eitt sum eisini hevur stóran týdning fyri okkum er, at vit eru fræls at hava okkara egnu virðir her