mánadagur 5. desember 2016síða 8

Mánadagur 5. desember 2016 · Nr. 140 8 Sosialurin Hugskot og viðmerkingar – send sms til 225000 Á síðuni Google Trends ber til at leita fram statistikkir fyri tað, sum føroyingar hava leitað eftir seinastu tíðina. Og tað letur til, at mest áhugaverda evnið hendan seinasta mánaðin er hóp­ drápsmaðurin Peter Lundin. Tí hann liggur ovastur á listanum yvir, hvat føroyingar hava leitað eftir. Ivaleyst er orsøkin, at ein sending varð sýnd í sjónvarpinum hjá DR og KVF herfyri, har føroyska Mariann Ingridardóttir Klein greiddi frá lívinum við Peter Lundin. Samstundis var sama Mari­ann í fleiri øðrum før­ oyskum og donskum miðlum um hetta mundið, har hon greiddi frá árunum undir valdi­num hjá hópdráps­ manni­num. Leonard Cohen er næst­ ur á listanum yvir, hvat føroyingar leita eftir á Google. Canadiski sangarin doyði tann 7. November, 82 ára gamal. Og stutt áðrenn kom seinasta fløga hansara “You want it darker” á marknaðin. Vit hava hoyrt nógv um Leonard Cohen í útvarpinum hjá Kringvarpinum seinastu tíðina. Bæði tá ið umræður nýggjastu útgávuna og ikki minst, tá ið hann fór foldum frá. Og ivaleyst er tað orsøkin til, at føroyingar hava leitað óvanliga nógv eftir honum á internetinum. Fidel Castro er eisini á listanum og tað sama er telvarin, sum tapti heimsmeistarakappingina móti norska Magnus Carlsen, Sergej Karjakin. Magnus Carl­ sen er sjálvur eisini á listanum. Eitt annað evnið, sum føroyingar hava leitað nógv eftir seinasta mánaðin, er “Aberdeen”. Tað kann hugsast, at orsøkin er, at flogfelagið LoganAir fer at flúgva millum Føroyar og Aberdeen. Tað, sum hendir í samfelagnum, hevur eftir øllum at døma beinleiðis ávirkan á, hvat føroyingar googla eftir. Føroyingar googla Peter Lundin Ert tú eisini við at verða rættiliga troytt av at hoyra somu jólasangirnar umaftur og umaftur? Her eru 5 nýggir jólasangir, sum útvarpsvertur á P3, Sandie Westh viðmælir. 1. Cesilia og Hasan Shah: 'Kold december' 2. Kylie Minogue: 'At Christmas' 3. Kacey Musgraves: 'Christmas Makes Me Cry' 4. R. Kelly: 'Home for Christmas' 5. Ariana Grande: 'Santa Tell Me' Náttina til sunnudagin vóru tveir kvinnuligir journalistar og ein kvinnuligur býráðspolitikari skotnir í finska býnum Imatra. Skjótaríið hendi um mid­ náttarleitið og løgreglan var á staðnum stutt eftir, har tey handtóku ein 23 ára gamlan mann, sum er undir illgruna fyri at hava framt morðini. Kvinnurnar vórðu skot­ nar í høvdið og kroppin við einari byrsu, og vórðu funnar lívleysar uttan­ fyri eina inngongd til eina matstovu í býnum, sigur svenska løgreglan á heimasíðu sínari. Ger­ ningsmaðurin skal hava skotið millum fýra og fimm ferðir, og hann var púra róligur, tá ið hann varð handtikin. 261 umsóknir eru komnar til Barnabata frá fólki, sum søkja fíggjarligan stuðul til jólini. Tað er munandi minni enn undanfarin ár. Fidel Castro jarðaður í lítlum býi Líkið eftir Fidel Castro varð jarðað í Santiago de Cuba, ein lítil býr í eystara partinum av landinum. Hansara øskukrukka verður stillað undir liðina á einum mausoleumið fyri tí cubanska frælsisstríðsmanninum frá 1800 talinum, Jose Marti. Cubanski forsetin doyði 25. November, 90 ára gamal. Hansara øskukrukka hevur verið koyrd tvørtur um landið seinastu fýra dagarnar og endaði í Santiago de Cuba. Tað var her, at hann í 1953 setti í gongd stóra uppreisturin, sum í januar 1959 endaði við, at einaræðisharrin Fulgencio Batista fall. Síðsta staðið øskukrukkan steðgaði var í kirkjugarðinum Santa Ifignia, har ein stór fólkamongd hittist og róptu “Livi Fidel”. Kelda: dr.dk Tveir journalistar og ein politikari dripin í Finnlandi Fimm nýggir jólasangir til tey troyttu