mánadagur 5. desember 2016síða 19

19 Mánadagur 6. januar 2014 · Nr. 2 Sosialurin Mánadagur 5. desember 2016 · Nr. 140 Hugskot og viðmerkingar – send sms til 225000 einari heilt øðrvísi og harð­ari ítróttarmentan. - Eg gjørdi eina ordans upp­hiting í eitt korter, har tey ordiliga fingu sveittan fram. Nøkur hildu tað vera ov hart, men eftir nakrar vik­ur kom ein genta til mín og greiddi frá, at hon hevði havt trupulleikar við knø­ unum í longri tíð, men at hetta nú var farið vekk, sigur Romica og nærum feg­nast um hendan lítla sigurin, at teir heldur hørðu ítrótt­ar­ tím­arnir gjørdu mun. Seinastu árini hevur Rom­ica tó havt eitt heilt ann­að starv. Nevniliga á Jarðfeingi, har hann er savns­teknikari. Fyrstu árini arbeiddi hann bara hálva tíð og sum hjálpari, men nú er hann í føstum starvi. Hann hevur eina master- út­búgving innan ítrótt frá universitetinum í Craiova, men árini 2012 til 2014 var hann knýttur at University of St. Andrews í Skottlandi, har hann las Museum and Gallery Study og nú er settur í starv sum tað á enskum eit­ ur physical archive manager. Arbeiðið á einum flaka­ virki metti hann verða ov einstáttað, og hann er glaður fyri at starvast á Jarðfeingi. - Mær dámar ordiliga væl hvat tey gera, og eingin dag­ ur er eins, sigur hann. Kærleikin Tað var ikki bara flogbólt og arbeiði, sum Romica fann í Føroyum. Her hevur hann eis­ini funnið kærleikan. Hann er í dag giftur við Mari­ann Øster – hansara lívs­kær­leiki, sum hann fann stutt eftir at hann var komin til Før­oya. - Eg var venjari hjá kvinn­ unum, har Mariann var lið­ skipari, so vit tosaðu nógv saman um ymiskt. Soleiðis kom tað bara so spakuliga, greiðir Romica frá. - Tað var ein góð hjálp, tí hon er ógvuliga seriøs. Hon lærdi meg nógv ting, og tað skuldi vera ordan í, sigur hann víðari. Saman eiga tey eisini son­in Rúna, sum er fødd­ur í 2002. Tað eru ikki ábend­ing­ ar um, at hann fer at ganga í fótasporunum hjá for­ eldrunum og spæla flogbólt. Heldur spælir hann bad­ minton. - Hann tímur ikki at spæla flog­bólt. Eg havi roynt at lokka hann, men hann sigur kortanei, greiðir Romica frá. Romica eitur í dag Øster til eftirnavn. Heldur serligt, so valdi hann at fáa sær eftir­ navnið hjá konuni, tá ið tey giftust. - Tað haldi eg vera tað rætta at gera. Eg valdi at verða her í Føroyum, so eg haldi tað gevur meira mein­ ing at taka eftirnavnið hjá henni heldur enn at hon skal skifta til Pascu, heldur hann. Trívist Romica er fallin væl til í før­ oyska samfelagnum, og í dag tosar hann føroyskt. Fyrstu árini tosaði hann enskt, og hann hevði ilt við at kasta seg út í tað føroyska. - Tað vóru nøkur ár, har eg mátti tosa enskt, tí eg var bangin fyri at tosa føroyskt. Eg var bangin fyri at gera feil­ir og at siga okkurt býtt. Eg helt, at tað var betri at læra føroyskt ordiligt fyrst, sigur Romica, sum tó broytti mein­ing. - Eg valdi bara at prøva meg fram og ikki leggja nakað í, um eg seg­ði okkurt skeivt. Fólk hava eisini rætt­að meg og hjálpt mær, sigur Romica, sum eisini hev­ur luttikið á kvøld­skúla­ skeiðnum 'Føroyskt fyri út­ lend­ingar'. Tað eru ikki so fáir rum­ enar í Føroyum, og tað kem­ ur eisini meira enn so fyri, at Romica rennur seg inn í onkran rumena her heima. Umframt tey eru tað eisini tey, sum búgva her, og nøk­ ur teirra kennir hann væl. Serliga tey innan ítróttin, har hann nevnir eitt nú Sor­in Anghel, Daniel Rapa og Nic­ oletu Radu Hansen. Romica sigur, at hann trívist sera væl í Føroyum. - Her er ordiliga gott at vera. Fólk eru løtt at tosa við, tey eru smílandi og rólig, held­ur Romica, sum sigur tað vera stóran mun at vera í Føroyum og í Rumenia. - Lívið her er friðsælt og róligt. Í Rumenia er tað stress og tíðarneyð. Her er lítið og hugnaligt, og í Rumenia er tað stórt og stressandi, sigur Romica, sum eisini nevnir ferðsluna, har hann í Craiova hevði upp ímóti ein­um hálvum tíma at koyra frá venjing og heim, tí at tað vóru so langar bilrøðir. Romica og húski hans­ ara vitja javnan heima í Crai­ova, har hann plagar at hitta føroyavinin Ion Geolgău, sum í dag starv­ast hjá rumenska fótbólts­sam­ band­inum. Flogbólturin Romica hevur altíð havt venj­ araleiklut á sær í Føroyum, og nú hann sjálvur er givin at spæla, hevur hann halgað seg til venjarayrkið. Hann er venjari hjá kvinnunum hjá Fleyr, og so hevur hann eisini havt ábyrgd av fleiri landsliðum. Hann heldur, at støðið er eitt vet lægri nú, enn tá ið hann kom til Føroya. Ein orsøk metir hann vera, at tað vóru fleiri útlendingar fyrr í tíðini, og at tað nú einans eru tríggir eftir, har bara tveir teirra spæla avmarkaða tíð, nevniliga Rajko Petrovic og Boban Ilic. Fáir útlendingar er tó ikki øll orsøkin, undirstrikar Rom­ica. - Vit mangla eisini hallar­ tímar. At venja tríggjar ferð­ir um vikuna er ov lítið. Tað er ikki pláss til styrkivenjing, tí tað ber heldur ikki til at venja við bólti bara tvær ferðir um vikuna. So styrkivenjingini mugu leikararnir sjálvir taka sær av, sigur Romica, sum eisini heldur, at tað skal ein hugburðsbroyting til, har leik­ararnir mugu vera meira seriøsir og lata vera við at geva avboð til venjingar, tí teir skulu okkurt annað. - Tað skal tó sigast, at nakrir leikarar eru ógvuliga raskir, og at tað eisini sæst aftur á menningini hjá hes­ um leikarunum, sigur Rom­ ica. Hann nevnir sum dømi, at tá ið hann spældi saman við Rúna Weihe í Fram, spurdi Rúni hann, um kundi verða verandi eftir venjing fyri at fáa rættað upp á teknikk og annað. Hann vildi hava rætt­ ingar, hann tók við læru og var glaður fyri tað. Eitt nær­ lagni, sum gjørdi hann til ein av bestu spælarunum í før­ oysku flogbóltssøguni. Tað næsta, sum er á skránni hjá Romica, er ein NEVZA-kapping í Onglandi við U17-kvinnulandslið­num í oktobur næsta ár. Vanligt hevur verið, at landsliðini byrja vikuskiftisvenjingar tveir mánaðir áðrenn kapp­ ing­ina, men nú vil Romica hava tað øðrvísi. Hann held­ ur, at tað er ov lítið av venj­ ing. - Vit vóru við U19 í ár. Tær vóru raskar, men tað sást, at tær manglaðu venjing, tí alt botnar í samskifti og at spæla saman, sigur Rom­ica, sum tískil ætlar sær at hava hópin hjá U17-lands­liðnum kláran longu í jan­uar og at alt fyri eitt fara undir fyri­ reikingarnar til kapp­ingina í oktobur. ALBINUS@SOSIALURIN.FO Navn: Romica Øster Føddur: 15. mars 1968 Heimbýur: Craiova, Rumenia Bústaður: Hoyvík Fyrrv. feløg: Universitatea Craiova, Steaua Bucharest, CSU Oradea, Hidro Constanta, Calculatorul Bucharest, Universitatea Bacau, Fleyr og Fram Starv: Savnsteknikari Venjarastarv: Fleyr og FBF