mánadagur 5. desember 2016síða 20

Mánadagur 5. desember 2016 · Nr. 140 20 Sosialurin Hugskot og viðmerkingar – send sms til 225000 André Olsen Eftir eitt tíggju-ára skeið sum U21 landsliðsvenjari, stóð Bill McLeod Jacobsen í oktober á seinasta sinni á odda fyri føroyska U21 landsliðnum, tá teir spældu heimadyst móti Eysturríki. Endin varð ikki soleiðis, sum nakar hevði ímyndað sær frammaundan. Tá dómarin bríkslaði dystin av, og Bill á seinasta sinni skuldi heiðrast fyri drúgva arbeiðið sítt, fór alt fullkomiliga í svart. U21 landsliðsvenjarin small niður í vøllin, meðan øll rundanum leikvøllin stóðu skelkaði og hugdu at. Tað var ein samanrenning av sterkum kenslum og einum strongdum gerandisdegi, sum elvdu til ógvusligu hendingina. – Tað hevur eisini spælt inn, at eg eina viku fram­ manundan fekk boðini um, at eg ikki slapp at halda fram sum U21 landsliðvenjari, og fekk at vita, at eg skuldi gevast sum venjari hjá FSF aftaná 18 ár, sigur Bill McLeod Jacobsen. Ein strongdur gerandisdagur Tað eru nú tveir mánaðir síðani skelkandi hendingina, tá Bill McLeod Jacobsen lá á vøllinum og mátti koyrast við sjúkrabili á lands­sjúkra­ húsið. Hann minnist væl hendingina í dag – Eg minnist, at eg til tann dystin var eitt sindur meira tendraður enn vanligt. Eg minnist, at eg einaferð í seinna hálvleiki kendi á mær, at tað var sum um eitt loft var uppiyvir mær. Eg kundi ikki fara longur enn eitt vist, sigur Bill M. Jacobsen og minnist aftur á kalda oktoberdagin á Toftum – Tá dómarin bríkslaði dystin av, og eg skuldi takka mótstøðuvenjaranum fyri dystin, small eg brádliga í vøllin. Eri bara øgiliga undrandi yvir, hví tað skuldi henda júst tá. Hví hendi tað ikki um morgunin, tá vit ótu morgunmat? Hví hendi tað ikki undir taktikkfundinum? Hví hendi tað ikki undir upphitingini? Eg fái ongantíð eitt heilt greitt svar upp á hví tað hendi júst tá, sigur klaksvíkingurin. Bill McLeod Jacobsen hevur tó eina hóming av, at tað er ein strongdur gerand­ is­dagur, sum eigur sín lut í, at hann fór í svart. - Tað hevur serliga verið ein strongdur gerandisdagur, sum hevur elvt til hend­ ingina. Pro-license útbúgv­ ingin krevur nógv av mær, eg arbeiddi tá fulla tíð á Lands­ sjúkrahúsinum, var venj­ arainstruktør hjá FSF, U-21 landsliðsvenjari og koyrdi McLeod coaching við síðuna av. So tað hevur heilt sikkurt verið eitt tekin uppá at tað hevur verið ov nógv, sigur Bill McLeod Jacobsen. Signaði seg áðrenn fyrsta dystin Bill McLeod Jacobsen hevur síðani 2007, tá liðið sá dag­s­ ins ljós, staðið á odda fyri U21 landsliðnum. Fyrstu átta árini í einum venjaratoyni við Heðini Askham, og seinastu tvey árini sum høvðusvenjari við Eli Hentze sum hjálparvenjara. Bill McLeod Jacobsen greiðir frá, at tað hevur verið eitt tíðarskeið við nógvum góðum og ógloymandi minn­ um. Hann minnist serliga væl fyrsta dystin hjá U-21 landsliðnum, sum var á útivølli móti Kroatia. – Leikararnir vóru púra óroyndir, tí talan var um fyrsta U21 landsdystin nak­ rantíð. Eg minnist at eg signaði meg væl, áðrenn eg fór út á vøllin, so tað ikki skuldi gerast heilt ljótt, greiðir Bill M. Jacobsen frá. Longu fyrsta dystin gongur væl. Kroatia leggur seg miðskeiðis í fyrra hálvleiki á odda. Í yvirtíðini í seinna hálvleiki økja teir til 2-0, sum eisini varð endaliga úrslitið. – Byrjanin var góðkend, sigur 42 ára gamli klaks­vík­ ingur. Lars Olsen fær rov nógv rós Sum heild hevur U21 lands­ liðið eisini verið ein sól­ skinssøga fyri føroyskan fótbólt, síðani tað varð sett á stovn í 2007. Umframt at úrslitini flest øll árini hava verið góð, hevur U21 landsliðið verið ein framúr lopfjøll til okkara komandi A-landsliðsleikarar. Tað er í dag bert eru tveir leikarar, sum ikki hava spælt á U-21 landsliðnum. Teir eru Fróði Benjaminsen og Atli Gregersen, sum báðir eru ov gamlir til at hava havt møguleikan at hava spælt á U21 landsliðnum. Bill McLeod Jacobsen heldur eisini at gjøg­num­ gangandi landsliðsskúlin, Tað skuldi verða ein hátíðarløta, tá Bill McLeod Jacobsen í oktober á seinasta sinni stóð á odda fyri føroyska U21 landsliðnum. Tað gjørdist ístaðin ein dramatisk og skelkandi hending, tá U21 landsliðsvenjarin beint eftir dystarlok brádliga small í vøllin. – Tað hevur serliga verið ein strongdur gerandisdagur, sum hevur elvt til hendingina, sigur Bill McLeod Jacobsen, sum nú greiðir frá hendingini, tíðini sum U21 landsliðsvenjara og um framtíðina, har stóri dreymurin er eitt venjarastarv uttanlands. Eisini heldur hann, at Lars Olsen fær ov nógv rós til tíðir BILL M. JACOBSEN: EG FÁI ONGANTÍÐ EITT GREITT SVAR FÓTBÓLTUR