hósdagur 8. desember 2016síða 10

FRÍGGJADAGUR 9. DESEMBER 2016 SOSIALURIN 142 10 Alkoholisma TEMA DANJAL AV RANA E in dag í senn. Tað er lykilin til, hvussu Michael Olsen skjótt hevur verið edrúur í 31 ár. - Viðgerðin hjá mær eggjaði meg at taka ein dag í senn. Og tað geri eg enn, sigur hann. Tað var á jólaborðhaldinum hjá Klaks­víkar Timburhandli í 1985, at Michael Olsen seinast datt útí. - Eg hugsaði, at eg fái mær eina øl, bara eina. Tað skuldi eg ongan­ tíð gjørt. Og tó, tað var byrjanin til nak­að betri, sigur nú 76 ára gamli klak­svíkingurin. Eina ølin á jólaborðhaldinum bleiv til fleiri, og hann byrjaði upp á aftur eitt av sínum alt ov mongu tørnum. Michael Olsen var um 16 ára gamal, tá hann byrjaði at drekka og so líðani gjørdist tað greitt, at hann var alkoholikari. Brennivínið tók spakuliga vald­ ið á lívinum. Ikki tað, at hann drakk alla tíðina, men sum so mangur annar drakk hann í tørnum. Hann gekk edrúur leingi og røkti sítt arbeiðið, men so kom tostin á hann, og hann drakk í eini sjey til tíggju dagar. Síðani lá hann í songini í eina viku. - Tað sigur seg sjálvt, at eg ikki kundi røkja nakað starv á hendan hátt. So eg varð ofta uppsagdur og onkuntíð segði eg upp sjálv­ur, greið­ir Michael Olsen frá. Hesa ferð í 1985 bar tó av. Toll­ aks­messudag koyrdi Karsten Han­ sen hann heim til konuna. Konan tók ímóti honum í durunum. - Tá fekk eg greið boð. Nú orkaði hon ikki longur. Eg mátti taka annað skinn um bak ella rýmdi hon, sigur Michael Olsen. Fyrsta ølin á jólaborðhaldinum gjørdist samstundis fyrsta ølin í endurreisnini. 4. januar fór hann til Íslands til avvenjingar. - Tað er besta avgerð, eg nak­ ran­tíð havi tikið. Eg var í Íslandi í 28 dagar og fekk eitt nýtt lív. Eg var eitt annað menniskja, tá eg kom aftur til Føroya. Tostin bleiv burtur, eg veit satt at siga ikki hví, men eg veit, at hann er horvin. Alt, sum eg eri og havi í dag, er orsaka av, at eg valdi at fara til Íslands, sigur hann. Hann greiðir frá, at tað var ógv­ uliga ymiskt, hvussu fók hugsaðu um tað at fara til Íslands, men fyri mong var tað nakað, tey skamm­ aðust um. Tá góða hjálpin hann fekk, verður havt í huga, angrar hann ikki eina løtu. - Man má tora at taka stigið, um tað er at fara til Íslands ella um Velbastaðsháls. Nógv halda enn, at tað er skomm, men sjálvur eri eg framvegis stoltur um at hava gjørt tað, sigur hann. Michael Olsen dylir ikki fyri, at drykkiskapurin var um at gera enda á familjuni. Hann og konan, Sólrun, høvdu tvey børn. - Eg veit at tað var hart fyri tey trý. Allir alkoholikarar halda, at eingin veit av, at teir drekka, men øll vita av tí. Tørnini tóku hart upp á familjuna. Tað gera tey altíð, eisini í dag. Tað eru nógvar familjur, sum hava tað ræðuligt um jólini, minnir hann á. Afturkomin úr Íslandi slapp Michael Olsen aftur til arbeiðis. - Eg var eitt umbroytt menn­ iskja. Eg kom aftur úr Íslandi glað­ ur og fegin. Eg var so glaður um, at eg hevði torað at tikið stigið at fara til Íslands. Eg hevði altíð ver­ið øvundsjúkur inn á teir, sum vóru edrúir. Eg vildi gjarna sjálvur, men eg maktaði ongantíð. Tí var eg so øvundsjúkur. Tað var ein óluk­ sálig skomm at fara til Íslands, tá eg var har. Men eg bleiv so glaður fyri tíðina har, sigur hann. Heimafturkomin broyttist ger­ and­is­dagurin. Michael Olsen upp­ livdi, at fólk fingu álit á honum aft­ur. - Fólk fóru at trúgva mær aftur. Áðrenn var eg alkoholikari, men heima­fturkomin kundi eg fara í bankan og fáa lán til at byrja virksemi. Eg haldi, at ein orsøk er, at fólk ynskja tær væl, tey ynskja, at tú skalt reisa teg aftur. Eg gjørdist eitt annað menniskja. Tá eg kom aftur til Klaksvíkar úr Íslandi fór eg og bað øll um um­bering, sum eg hevði á nakran hátt hevði svikið, tey árini eg drakk. Eg rindaði eisini aftur alt tað, eg skyldaði. Sært tú, eg haldi ikki tað er nokk, bara at seta proppin í, ein má eisini fáa viðurskiftini við medmenniskju síni í rættlag aftur, sigur hann. Fekk 30 nýggj ár - Eg eri so glaður í dag, eri ongan­ tíð í ringum lag. Eg gleðist mest av øllum um, at eg havi fingið familju mína aftur. Eg havi givið konu míni 30 edrúilig ár í staðin fyri at liva í hesum lortinum. Eg ivist ikki í, at brennivínið hevði tikið lívið av mær, sigur hann. Afturkomin til Føroya lat Mic­ hael Olsen upp grillstovu og síðani matstovu og dansistað í Klaks­vík. Í 1988 fór hann at arbeiða á Heil­ brigdi. Nakað seinni settist hann í nevndini í Heilbrigdi. Hóast hann ikki sjálvur fekk viðgerð á Heilbrigdi, so hevur hann alt gott at bera teimum. - Tað er fantastiskt at síggja, hvussu nógvar familjur hava fing­ BRENNIVÍN ER EIN DJEVILSK - Eg havi givið konu míni 30 edrúilig ár í staðin fyri at liva í hesum lortinum, sigur Michael Olsen