mánadagur 12. desember 2016síða 14

Mánadagur 12. desember 2016 · Nr. 143 Sosialurin Hugskot og viðmerkingar – send sms til 225000 14 OYGGJALEIKIR Heri Simonsen Í grannalandi okkara fyri sunnan, Orknoyggj­um vilja tey á fyrsta sinni hýsa oyggja­leik­unum. Eftir ætlan vilja Orknoyggjar hýsa oyggja­leik­unum á sumri í 2023. Talan er um júst somu oyggja­leik­ir, sum ÍSF ætlar, at Før­oyar skulu hýsa. Robbie Fraser, formaður í oyggja­leika­nevnd­ini hjá Ork­n­oyggj­unum greiddi frá, tá Sosialurin hitti hann í Kirkwall seinast í sept­ember, at í Kirk­wall er ein ítróttar­ mið­støð, sum nevnist The Picka­quoy Centre. Hendan ítrótt­ar­mið­støðin saman við øðrum ítrótt­ar­vøll­um á høvuðs­oynni Main­land, og í hinum størra býnum á Main­land, Strom­ness ger tað møgu­ligt hjá Orkn­oyggj­um at hýsa 12 ella 13 ítrótt­ar­ grein­um. Ætla ikki útum høvuðsoynna Robbie Fraser staðfesti, at tey ætla ikki at ferðast útum høvuðsoynna, Mainland við leikunum. Hansara upplegg er, at flogbóltskappingin og møguliga onkur onnur kapp­ ing verður í Stromness, sum er býurin har ferjan úr Scrab­ ster leggur at. Tað tekur 25 minuttir at koyra úr Strom­ ness til Kirk­wall. Í Kirkwall skulu so flestu kapp­ing­ arnar fara fram, burtur­sæð frá fót­bólts­kapp­ingini, sum fer at verða spæld á vøllum kring alt Main­land. Hetta er vanligt á oyggja­leikum, at fót­bólts­kapp­ingin liggur spjødd kring alla vertsoynna. Robbie Fraser slóð fast, at tey ætla at gera tað so­leið­ is, at tey íðk­andi skulu hava minst møguligt av ferð­ing á oyggja­leikunum á Ork­n­ oyggj­um. Hava tveir golfvøllir  Robbie Fraser greiddi okkum frá, at Orknoyggjar hava tveir golfvøllir, sum eru nóg góðir til oyggjaleikir. Tað er so meir enn Føroyar í ver­andi stund kunnu bjóða. Robbie Fraser viðgongur, at tað, sum í Føroyum ikki er nóg mikið av gistingarhúsum á Orknoyggjum, men hann vónar, at eins og á oyggja­ leikunum á Bermuda í 2013, at tey í Orknoyggjum eisini kunnu bjóða ítróttarfólkum at búgva á skúlum meðan leikirnir eru. Robbie Fraser, sum eisini er journalistur hjá BBC Orkney hevði vónað, at grannaoyggjarnar, Hetland, Suðuroyggjar (Hebridurnar) og Føroyar vildu stuðla um­ sóknini hjá Orknoyggjum at hýsa oyggjaleikunum í 2023. Robbie Fraser vísti eisini á, at um leikirnir verða í Ork­ noyggjum í 2023, so fara før­ oyingar eisini at hava eina stutta leið til oyggjaleikirnar. Tá kann t.d. verða flogið til Wick í Norðurskotlandi, og hagani kann verða koyrt til Scrabster, har tað tekur tveir tímar við ferju at sigla til Stromness á Orknoyggjum. Fyrimunirnir Føroyar hava Í mun til at kappast við Før­oyar um at sleppa at hýsa oyggjaleikunum í 2023 hava Orknoyggjar bæði fyri­mun­ir og vansar. Tá tað kem­ur til undir­støði­ kervi, int­er­nets­samband, og hallir og vøllir við nógv­ um áskoðaraplássum eru Før­oyar væl betur fyri enn Ork­noyggj­ar. Robbie Fraser vónar og væntar tó, at Orknoyggjar fáa eitt nógv betri internetssamband kom­andi árini, og at tað eisini fer at verða bøtt um und­irstøð­u­kervi. Føroyar hava eisini tann fyrimun, at fót­bólturin, hondbólturin, flog­bólturin, fimleikurin, talv og aðrar ítróttargreinir hava nógvar og drúgvar roynd­ir at skipa fyri altjóða og millumtjóða kappingum. Orknoyggjar hava ikki sæð nógv til slíkar kappingar. Fyrimunirnir Orknoyggjar hava Í mun til Føroyar hava Orkn­oyggjar tó nakrar fyri­ munir, tá tað kemur til at vinna rættin at hýsa oyggja­ leikunum í 2023. Orkn­oyggj­ ar hava ikki havt nak­að prestisju­tap, har tey hava boðið sær til at hýst oyggja­ leik­unum, fyri síðani at boða frá, at tey ikki kunnu hýsa teimum kortini. Hetta prestisju­tapið hava Føroyar liðið, og tað hevur kostað í um­dømi. Orknoyggjar eru ein bretskur oyggjabólkur, og meiri­lutin av oyggjunum, ið kappast á oyggjaleikunum hoyra til Bretland ella til bretsku krúnuna. Tí er givið, at Orknoyggjar hava ein fyrimun har. Nógvar oyggjar vilja, og næstan krevja, at golf verður bjóðað á oyggjaleikunum. Har kunnu Orknoyggjar bjóða tveir golfvøllir, meðan vit hava bara ein golfvøll, sum ikki hevði verið góðkendur til oyggjaleikir í núverandi líki. The Pickaquoy Centre ger heldur ikki umsóknina hjá Orknoyggjum veikari. Har hava tey hallir, svimjihyl og breyt til frælsan ítrótt á einum og sami staði. Tað kann gerast tungt hoyggj hjá ÍSF at sigra á Orknoyggjum í kappingini um at sleppa at hýsa oyggjaleikunum í 2023. Í Sosialinum komandi mánadag fara vit at hyggja nærri eftir ynskinum hjá ÍSF at sleppa at hýsa oyggja­ leikunum í 2023. ORKNOYGGJAR EGNA VIÐ ÍTRÓTTAR­MIÐDEPLI OG GOLF­VØLLUM Á Orknoyggjum vóna tey fyri fyrstu ferð í søguni at kunna hýsa oyggjaleikunum. Tey ætla eins og ÍSF at hýsa oyggjaleikunum í 2023. So lagt er upp til grannastríð Orknoyggjar hava tveir golfvallir Robbie Fraser er formaður í oyggjaleikanevndini á Orknoyggjum Svimjihylurin í The Pickaquoy Centre í Kirkwall