mánadagur 12. desember 2016síða 17

17 Mánadagur 6. januar 2014 · Nr. 2 Sosialurin Mánadagur 12. desember 2016 · Nr. 143 Hugskot og viðmerkingar – send sms til 225000 KVINNUHONDBÓLTUR Neli Heldarskarð Seinastu árini hava úrslitini hjá stolta kvinnuhondbóltsfelagnum í Klaksvík, Stjørnuni, ikki verið nakað at reypa av. Gongdin er ikki blivin betur í ár, tí eftir níggju umfør hevði Stjørnan bert vunnið sær eittans stig. Men í gjár fingu klaksvíkskvinnur loksins ein sigur at frøðast um. Nýggjur útlendingur gjørdi mun Fyri besta kvinnuliðnum hjá vestmenningum hevur talan verið um eitt sera strævið kappingarár. Undan kappingarárinum hevði VÍF stórar ætlanir og ætlaði at spæla við í stríðnum um føroyameista­ raheitið, sum VÍF á kvinnusíðuni ikki hevur vunnið síðani 2002. Tveir av teimum heilt góður leikarunum í Hvonndeildini, Turið Arge Samuelsen og Marianna Geirsdóttir Eystberg, komu til Vestmanna úr Kyndli, og eisini varð roknað við Marionnu Holm Jacobsen, sum í fjør bleiv toppskjútti í Hvonndeildini. Í dag er støðan tó tann, at Turið Arge Samuelsen er farin aftur til Kyndil, samstundis sum bæði Marianna Geirsdóttir Eystberg og Marianna Holm Jacobsen eru langtíðar­ skaddar. Harafturat manglar VÍF eisini eina røð av øðrum leikarum av ymsum orsøkum, og tískil stendur VÍF eftir við einum nógv veikari liði enn tað, ið byrjaði kappingina. Sum ein avleiðing av stóra mannfallinum er VÍF farið út um landoddarnar eftir nýggjum styrki. Nýggi útlendingurin hjá VÍF eitur Ema Bezanovic, sum er úr Serbia og spælir á vinstra bakki.
Ema Beza­ novic gjørdi góðan mun ímóti Stjørnuni, men kortini gjørdist VÍF fyrsta liðið, sum tapti ímóti Stjør­ nuni í hesum kappingarárinum. Stjørnan hevði munin í fyrra hálvleiki og fór til hálvleiks á odda 15-10. Í seinna hálvleiki var ongin serligur ivi um, at nú var dagurin komin, har Stjørnan fór at vinna, tí at eitt skifti í seinna hálvleiki vóru heili sjey mál á muni, tá ið Stjørnan kom á odda 23-16. At enda bleiv tó ongantíð nakað veruligt skrædl, men Stjørnan vann tryggan sigur: 29-24. Toppskjútti hjá VÍF gjørdist áðurnevnda Ema Bezanovic, sum skoraði átta mál. Hjá Stjørnuni var tað bert 17 ára gamla Tóra Eliasen, ið gekk á odda við málskjótingini. Hon skoraði somuleiðis átta mál. Øll liðini í Hvonndeildini hava nú spælt 10 dystir. Stjørnan er framvegis aftast saman við StÍF, meðan ongin ivi er um, at tað verður ikki í hesum kapp­ing­ar­ árinum, at kvinnurnar hjá VÍF fara at stríðast um nakað meistaraheiti. VÍF er miðskeiðis í deildini við átta stigum og hevur nú tapt heili fýra dystir á rað. Neistin staðfesti oddastøðuna Meðan Hvonndeildin hevur ligið still í tríggjar vikur orsakað av HM- undankappingini, sum var í Før­ oyum seinasta vikuskiftið, hava oddaliðini bæði, Neistin og Kyndil, verið ájøvn í stigum. Tó høvdu neistakvinnur ein dyst í hondini, sum varð spældur í gjár, tá ið VB vitjaði í høllini á Hálsi. VB var botnlið í farna kapp­ ingarári, men liðið hevur tikið seg nógv fram í hesum kapping­ar­ árinum og er nú fremsti biðilin til at spæla við í stríðnum um finaluplássini í Hvonndeildini, har høvuðsstaðarfeløgini hava verið einaráðandi seinastu árini.
Í gjár var tó ongin ivi, tí VB var sent suður aftur til Vágs við trivaligum tapi. Við sigri áljóðandi 28-21 er Neistin nú einsamalt oddalið í Hvonn­ deildini. Mikukvøldið fær Kyndil tó enn ein møguleika at koma ájavnt við bláu grannarnar í stigum, tá ið júst Neistin og Kyndil hittast til oddadyst. VÍF hevði nýggjan útlending á liðnum, men kortini eydnaðist tað Stjørnuni at vinna sín fyrsta dyst hetta kappingarárið SIGURIN KOM Í TÍGGINDU ROYNDINI Dystir komandi vikuna: Mikudagin 14. desember klokkan 18.30: Kyndil-Neistin Leygardagin 17. desember klokkan 14.30: StÍF-Stjørnan Leygardagin 17. desember klokkan 15: VB-Kyndil VÍF-Stjørnan 24-29 (10-15) VÍF: Ema Bezanovic 8, Daniella Joensen 5, Tóra Seloy 5, Randi Virgarsdóttir 2, Ronja Johannesen 2, Kathe Frederiksen 1 og Lív Ingdorsdóttir 1. Stjørnan: Tóra Eliasen 8, Jansy Jacobsen 5, Hervør Olsen 4, Durita Ljósstein 4, Sonja Lava Sirdal 3, Jórun B. Nielsen 2, Ella Petersen 2 og Una Váðklett 1. Neistin-VB 28-21 (16-13) Neistin: Brynja Høj 6, Eir Berg 5, Fríða á Dunga 4, Bára Hansen 4, Lilja Mohr 4, Birita Ingolfsdóttir 2, Súsanna Pálsdóttir Nólsoy 2 og Jaclin Durhuus 1. VB: Daniela Mistric 8, Gurið K. Augustinussen 5, Rúna M. Jacobsen 3, Maria Halsdóttir Weyhe 3, Bára K. Mortensen 1 og Rannvá Johannesen 1. Við sínum átta málum gjørdist blaðunga Tóra Eliasen toppskjút hjá Stjørnuni Nummar Lið Dystir V.m. T.m. Munu r Stig 1 Neistin 10 278 195 83 18 2 Kyndil 10 252 203 49 16 3 VB 10 261 258 3 12 4 VÍF 10 245 265 -20 8 5 StÍF 10 185 231 -46 3 6 Stjørnan 10 207 276 -69 3 SO VANN STJØRNAN