hósdagur 15. desember 2016síða 9

Fríggjadagur 16. desember 2016 sosialurin 145 9 Hotel-dreymurin gjørdist til veruleika Marglætishúsini yvir við Strond, sum í meira enn hálva øld hava hýst »herovastanum« í Føroyum, verða nú umbygd til hotel til 28 gestir Eirikur Lindenskov S íðani hon gavst sum stjóri á Hotel Føroyum fyri 15 árum síðani fyri at fara heim at ansa fjølbrekaðu dóttur síni, hevur hon havt ein dreym um sítt egna hotel. Talan er um Lis í Nirðistovu, ið saman við manninum Jóhan í Niðristovu, dóttrini Beintu Ras­ mussen og versoninum Chris Ørvarodd, hevur keypt sonevndu »Kommandørhúsini« yviri við Strond í Havn frá Føroya Lands­ stýri. Lis og dóttirin Beinta hava báðar drúgvar royndir í bransjuni. Lis sum nevnt sum stjóri á Hotel Føroyum í mong ár, og Beinta úr matstovuvinnuni. Seinastu árini hava tær rikið Kaffihúsið í Vágs­ botni í Havn. – Eg lovaði henni tá, at tá hon skuldi út aftur á arbeiðsmarknaðin, so skuldi eg keypa henni eitt hotel, sigur Jóhan í Niðristovu skemt­ andi. Hann sigur, at enn er ov tíðliga at fara í smá­lutir, tí alt er so nýtt. – Men tað er nógv, sum skal ger­ast við húsini. Har skal dren­ast kring húsini, tey skulu hava klima­ skerm, nýtt tak og nýggja hita­ skipan, sigur Jóhan í Niðristovu. – Vit hava leitað í fleiri ár eftir hús­um til endamálið, og tá vit sóu hesi húsini vera til sølu, so vóru vit ikki í iva, at hetta vóru tey røttu húsini, sigur hann. Varðveita snið og søgu Tey trúgva upp á ferðavinnuna sum eitt vakstrarøki í Føroyum. Tað síggja tey eitt nú við vitjanunum í Kaffihúsinum, og tað sær Jóhan í Niðristovu eisini í starvi sínum sum flogskipari hjá Atlantsflog. Um húsini sigur Jóhan, at tað liggur teimum nær at hjarta at varðveita húsini í tí stíli, tey eru. Tey eru bygd sum eini stór marg­ læt­is­hús í 1948, tá Hav­grím­ur Jo­ hann­es­sen (1917-75), heil­sølu­maður í Havn, bygdi tey. Hann og familjan búðu kortini ikki leingi í húsinum, tí tey fluttu úr teimum aftur í 1951. Landsstýrið yvirtók húsini frá stat­i­num í 2014. Staturin hev­ur í mong ár brúkt tey til bú­stað hjá kommandørinum á herstøð­ini í Mjørkadali. Tey hava staðið tóm, síðani lands­stýrið yvirtók tey – til Henrik Old, landsstýrismaður, nú gjørdi av at seta húsini til sølu. Húsini eru marknaðaføring Men gongur sum nýggju eigararnir ætla, so fara húsini als ikki at standa tóm. Tey skulu gerast til eitt hotel av tí betra slagnum. – Kundin skal í øllum førum fáa nakað serstakt, sigur Jóhan í Niðristovu. Húsini liggja sera væl fyri, og stykkið kring húsini røkkur heilt oman í sjóvarmálan. Beint niðanfyri liggur Eyst­ fals­sker, sum øll kenna so væl úr yrkingini hjá Hans Andreas Djur­ huus og sanginum »Í góðum veðri hann dyrgdi«. – Søgan um húsini skal brúkast til kon­septið – og húsini eru í sær sjálv­um góð marknaðarføring, held­ur Jóhan í Niðristovu. Ætlanin er at hava 14 dupult hot­ el­kømur við wc og bað. Eisini verð­ ur ein matstova í karnappinum á 1. hædd til morgunmatarborð. Hús­ini eru í trimum hæddum, sum allar verða innrættaðar til hotel­virk­ semi. – Enn vita vit sum sagt ikki í smá­lutir, hvat skal gerast, og hvussu skjótt tað skal gerast. Tað er tað, sum vit eru við at finna fram til, sigur Jóhan í Niðristovu. Hann nevnir millum annað, at Fakta: Havgrímur Johannessen, heilsølumaður í Havn, bygdi marglætishúsini yvir við Strond í 1948. Húsini eru bygd á stykki, sum er 1850 fermetrar til støddar. Húsini eru tilsamans um 500 fermetrar í trimum hæddum. Havgrímur Johannesen, føddur í Havn í 1917, deyður í 1975, var sonur Niels Skaale Johannessen, ættaður úr Elduvík, og sum stovnaði heilsøluna N. S. Johannessen í Havn. Upprunaliga varð fyritøkan stovnað sum eitt samtak hjá bøndum at fáa ein kjøtmarknað í Havn í 1906. Niels Johannessen, ið varð settur sum leiðari, yvirtók sum frá leið handilin, sum gavst í 1963. kommandørhúsini gólvini í kjallaranum skulu gravast upp fyri at tryggja húsini ímóti fukti. Umframt at verða partur av Kaffihúsinum í Vágsbotni, flogskipari og flogovasti hjá At­ lants­flog, so er Jóhan í Niðristovu eisini stjóri í vindmyllufelagnum Røkt, sum eigur vindmyllurnar á Mýrunum oman fyri Vestmanna. Spurd­ur um hotellið skal hitast við grønari orku, so er Jóhan í Niðri­ stovu ikki í iva. – Jú tað skulu tey. Vit hugsa um jarð­hita – ella um sjóhita. Men sjó­ hita kenna vit ikki so nógv til, so her eru aftur viðurskifti, sum vit ikki kenna í smálutir enn, sigur hann. Enn eru bara dagar síðani, at tey keyptu húsini. So tey vita ikki rættiliga, hvussu skjótt tey sleppa í gongd við hotelvirksemið. – Gongur tað so skjótt, sum vit vilja, so ætla vit at fáa ein part av sesongini í summar við, sigur Lis í Nirðistovu, tá Sosialurin vitjaði yviri við Strond seinnapartin hóasdagin. Nýggju eigararnir, Chris Ørvarodd, Beinta Rasmussen, Lis í Niðristovu og Johan í Niðristovu, hava góðar vónir til nýggja hotelli, sum tey vóna letur upp í summara Mynd: Álvur Haraldsen