hósdagur 15. desember 2016síða 16

FRÍGGJADAGUR 16. DESEMBER 2016 SOSIALURIN 145 16 TEY HOTTASTU STØÐINI Í HAVN Húsakeyp: Seinastu tíðina hava húsaprísirnir í Havn verið methøgir. Hóast nakað bendir á, at prísirnir helst fara nakað niður aftur ella stagnera í nærmastu framtíð, so er framvegis ómetaliga stórur áhuga fyri at keypa hús í høvuðsstaðnum. Sosialurin hevur spurt Jón Simonsen, stjóra í húsameklarafyritøkuni Skyn, hvussu áhugin býtir seg á teir ymisku býarpartarnar. Á Reyni Fáir fermetrar fyri milliónir - Fermetraprísurin á húsum á Reyni er púra villur. Vit hava onkuntíð selt 34 fermetrar fyri 2 milliónir krónur. Tað er typiskt vælhavandi fólk, sum fegin vilja hava eitt hugnaligt summarhús, sum keypa sær hús á Reyni. Tað eru sjálvandi fólk, sum keypa fyri at búgva har, men tað eru eisini nógv, sum bert nýta tað sum summarhús, sigur Jón Simonsen. Íbúðirnar undir Kongavarða og á Heimasta Horni Rímiliga stórur áhugi - Fermetraprísurin á íbúðum er tann hægsti í Havn. Orsøkin er, at íbúðir eru nakað bíligari enn eini vanlig sethús, men av tí at íbúðirnar typiskt eru munandi minni, so rinda fólk høgan fermetraprís. Tað vísir seg, at íbúðirnar undir Kongavarða og á Heimasta Horni eru lættar at sleppa av við. Vit hava til dømis bíðilista á yvir 40 fólk til komandi íbúðarbyggingina undir Kongavarða, sigur Jón Simonsen.