hósdagur 15. desember 2016síða 17

FRÍGGJADAGUR 16. DESEMBER 2016 SOSIALURIN 145 17 Síggja fólk eiga fleiri hús í lívinum Seinastu árini hevur ein greiður tendensur verið fyri, at fólk í høvuðsstaðnum eiga meira enn eitt hús í teirra lívstíð. Kirkjustræti í Hoyvík Ungu barna­familjur­ nar velja Hoyvík - Vit síggja ein greiðan tendens fyri, at tær ungu barnafamiljurnar typiskt fara í Kirkjustræti ella har á leið í Hoyvík. Har eru smá raðhús fyri ein rímiligan penga og fleiri barnafamiljur búgva har um leiðir, sigur Jón Simonsen. Longur niðan í Hoyvík Fleiri børn elva til at barna­ familjurnar fara longur niðan - Tá ið barnafamiljurnar veksa og tey hava kanska trý børn og tey elstu koma í tannárini, so síggja vit, at fólk typiskt selja húsini í Kirkjustræti og fara longur niðan í Hoyvík í eini sethús, sigur Jón Simonsen. – Tað vísir seg, at tá ið børnini eru blivin vaksin, so flyta fólk kanska oman í býin aftur ella í minni hús ella íbúð aðrastaðni, og selja stóru húsini, sigur Jón Simonsen, stjóri í Skyn. Hann væntar, at vit framyvir fara at síggja, at fólk fara at eiga upp í trý hús í lívi sínum. Rundan um miðbýin Gravgangur eftir húsum á síðugøtum - Allar síðugøturnar til miðbýin. Til dømis Tinghúsvegur, Pedda við Stein gøta, Mýrisnipuvegur og handan vegin, Varðagøta og har um leiðir, hevur sera stóran áhuga. Hetta tí, at fólk vilja fegin búgva tætt við miðbýin, og samstundis sleppa undan at búgva mitt í hjartanum, har eisini larmur og gangur er. So allar síðugøturnar til miðbýin hava stóran áhuga. Tað sæst eisini aftur við, at tað er ógvuliga sjáldan, at hús eru til sølu niðri í býnum, sigur Jón Simonsen. Skotarók og harum leiðir Liebhaver hús - Hóast vit ikki kunnu siga, at vit hava beinleiðis liebhaver kvarter í Havnini, so eru hús inn ímillum, sum eru av slíkum slag, og tey fara altíð fyri nógv. Serliga um tú hevur góð hús, sum samstundis hava góða beligginheit og útsikt – so fært tú nógv fyri tey. Mong slík hús eru á Skotarók og har um leiðir, og vit síggja eisini, at tey húsini mangan fara fyri ein góðan prís, sigur Jón Simonsen. Íbúðirnar uppiyvir Boðanes Fara skjótt og lætt – Íbúðirnar, sum eru beint omanfyri Boðanesheimið eru áleið 70 fermetrar og selja væl. Har er útsiktin góð, meðan prísurin er munandi lægri enn á til dømis sethúsum. Tað síggja vit, at fólk tíma væl, sigur Jón Simonsen. – Tær ungu barnafamiljurnar flyta fyrst í smá raðhús, síðani í størri sethús og eg vænti tey seinni flyta í íbúðir, tá ið børnini eru flogin, sigur Jón Simonsen.