mánadagur 19. desember 2016síða 17

9 Mánadagur 6. januar 2014 · Nr. 2 Sosialurin Mánadagur 19. desember 2016 · Nr. 146 Hugskot og viðmerkingar – send sms til 225000 FÓTBÓLTUR gjørdist liðfelagi við føroysku lands­liðsleikararnar, Viljormur Dav­idsen og Jóan Símun Edmunds­ son. Hálvárið í Vejle BK byrjaði ikki sum ætlað fyri miðvingin, tí tað gekk eitt sindur av tíð, áðrenn hann fekk bitið seg fastan á liðið. Eg haldi at tað gingu eini fimm ella seks dystir, áðrenn eg fekk møguleikan fyri at byrja inni á liðnum. Tá eg so fekk møguleikan tók eg av honum, og spældi allar teir dystirnar, sum vóru undan summarsteðginum. Eg minnist eis­ ini, at tað gekk serstakliga væl beint áðrenn summarsteðgin, sum var beint undan heimadystinum móti Grikkalandi hjá Føroyum. Tá kendi eg meg betri fyri enn nak­ rantíð, sigur Sonni Ragnar Natte­ stad. Í ekstasuni eftir sigurin móti Grikkalandi, broyttist lívið hjá Sonna Ragnari. Tá møtti hann damuni, Lillian, og tey byrjaðu tá at blíva par. Tað var tí ein lítið hugaður Sonni Ragnar Nattestad, sum skuldi møta inn aftur til venjing í Vejle BK aftaná summarsteðgin í 2015. Hann hevði havt eitt frálíkt summar heima í Føroyum, har Føroyar fyrst høvdu vunnið á heimavølli móti Grikkalandi, og har hann síðani hevði fingið unnustu heima í Føroyum. Forelskilsi og heimslongsul vóru eisini høvuðsorsøkin til at sam­ starvið millum Vejle BK og Sonna Ragnar Nattestad brádliga á sumri í 2015 steðgaði. Eg minnis,t at eg møtti inn aftur saman við liðfeløgunum í Vejle, og eg kendi meg slett ikki motiveraðan. Eg vildi bara sleppa heim aftur til Føroyar, tí eg hevði heimlongsul. Tá hevði eg ongan at koma heim til aftaná venjing. Alt kendist bara ótrúliga einsligt, greiðir Sonni Ragnar Nattestad frá. Hann gjørdi tí av tíðliga í juli mánað í 2015 at steðgað samstarvið við Vejle BK, steðga sáttmálan við FC Midtjylland og flyta til Føroyar aftur, hóast hann alla tíðina hevði ætlanir um at fara uttanlands aftur. Hørð tíð sálarliga einki felag at hava Men tað at sleppa avstað aftur uttanlands dró út hjá Sonna Ragnari, sum var í Føroyum í útvið fimm mánaðir, áðrenn hann skrivaði sáttmála við nýtt felag. Sonni Ragnar Nattestad greiðir frá, at tíðin har hann einki felag hevði var hørð sálarliga. Tað var sjálvandi ein hørð tíð mentalt, at einki felag hava. Eg fekk fleiri tilboð ta tíðina, men føldi ikki at nakað av teimum var tað rætta fyri meg. Hóast ákoyringarnar vóru nógvar og miðlarnir skrivaðu nógv um, at eg ikki spældi nakra­ staðni, má eg takka mínum um­ boðsmanni, Jákup í Stórustovu, sum alla ta tíðina var ein fan­ tastiskur stuðul hjá mær, og ein av høvuðsorsøkunum til at eg alla tíðina helt motivatiónini uppi, sigur Sonni Ragnar Nattestad. Landsliðsmiðverjin heldur áfram at spæla á landsliðnum, men til venjingarlandsdystin móti Kosovo er tolið uppi. Nú skal miðvingurin spæla regluliga. Hevði ov nógva fráveru í FH Hálvt ár eftir at sáttmálin í Dan­ mark var steðgaður – um miðjan januar í ár – varð nýggja felagið hjá honum klárt. Miðverjin gjørdist tá liðfelagi við Gunnar Nielsen í íslendska felagnum, FH. Hóast hann væntaði at hann skuldi sleppa at spæla nógv, var tað ikki soleiðis við spælitíð, sum hann hevði ætlað sær áðrenn. Venjarin hjá okkum í FH gekk ótrúliga høgt upp í, at tú var til staðar hvørja tí einastu ferð til venjing. Og eg má tað púra erliga viðganga, at eg misti ov nógv í uppstartinum tá eg var har yviri. Vit fingu sonin Romeo stutt eftir, at eg var komin til Íslands, og var eg tí heima í Føroyum saman við Lillian, tá hon átti. Eg misti tá nógv, og stutt eftir at eg var komin yvir aftur til Íslands, gjørdist eg eisini skaddur, soleiðis at eg ikki fór við liðnum á venjingarlegu áðrenn kappingina, greiðir Sonni Ragnar Nattestad frá. Fann spæligleðina aftur í Fylkir Fráveran var eisini høvuðsorsøkin til, at spælitíðin ikki var soleiðis sum ætlað var frammanundan hjá Sonna Ragnar í FH. Ímóti summarinum í ár, spurdi Sonni Ragnar tí venjaran hjá FH, um hann ikki kundi sleppa at leigast út til eitt annað íslendskt felag. Men venjarin svaraði, at hann fór at hava brúk fyri honum. Hann fekk tó ongantíð brúk fyri honum, og síðst í juli fekk Sonni Ragnar grønt ljós frá FH um, at hann kundi leigast út til annað íslendskt felag. Hann varð tá leigaður út til Fylkir, sum lá langt undir niður­ flytingarstrikuni í bestu íslendsku deildini. Í tíðini í Fylkir, fann Sonni Ragnar av álvara spæligleðina fram aftur, har hann slapp at spæla hvønn einasta dyst, og har venjarin trúði serstakliga nógv uppá seg. Tað var eisini í júst Fylkir, at nýggja felagið hjá Sonna Ragnari, Molde FK, á fyrsta sinni bar eyga við evnaríka føroyska verjuleik­ar­ an. Molde eitt fet á leiðini Sonni Ragnar Nattestad byrjar í Molde eftir nýggjár., Sambært bæði miðvinginum sjálvum og venjaranum hjá Molde, Ole Gunnar Solskjær, skal Molde bert verða eitt fet á leiðini hjá evnaríka føroyska verjuleikaranum, sum sjálvur met­ ur, at hann kann koma langt innan fótbóltin. – Eg ætli mær at koma so langt sum yvirhøvur møguligt, og eg ætli at Molde FK bert skal vera eitt fet á yrkisleiðini hjá mær, sigur blídligi Sonni Ragnar Nattestad at enda heima í stovuni í Miðvági. Eftir eina umskiftiliga yrkisleið er dreymurin, at fáa fótin fyri seg í altjóða fótbólti. Tað krevur nógv av einum ungum manni, men nú hevur landsliðsmiðverjin tær royndirnar, ið skulu til. Hann veit hvat bíðar honum í Molde. Ole Gunnar Solskjær veit hvat tað er fyri ein ungur miðvingurin, sum kemur úr flúgvarinum á nýggj­ árinum. Saman kunnu teir heilt víst røkka langt. andre@sosialurin.fo Faktaboks Navn: Sonni Ragnar Nattestad: Føðidato: 05-08-1994 Felag: Molde Feløg higartil: MB, 07 Vestur, FC Midtjylland, AC Horsens, Vejle BK, FH, Fylkir, Molde FK Fótbóltsliga fyrimynd: Sergio Ramos