mánadagur 19. desember 2016síða 18

Mánadagur 19. desember 2016 · Nr. 146 6 Sosialurin Hugskot og viðmerkingar – send sms til 225000 André Olsen Reykjavík, september 2016. Tal­ ent­skótin hjá Molde FK í Noregi er farin til Íslands at hyggja eftir dystinum millum Víking Reykjavík og Fylkir. Hann hevur fingið boð frá kenda venjaranum hjá Molde FK, Ole Gunnar Solskjær, um at hyggja eftir álopsleikaranum hjá Víkingi Reykjavík. Áleyparin er tó lítið eyðsýndur undir dystinum. Hann fær ikki eitt bein til jørðina, tí hann verður so væl vardur. Dysturin endar við 2-2 javnleiki, men allíkavæl er tað ein annar leikari, sum skarar burturúr undir dystinum. Tá dysturin er liðugur, ringir talentskótin til Ole Gunnar Sol­ skjær og sigur. ”Skít verið við has­ um áleyparanum sum tú hevði í skjáttuni, men eg havi funnið nýggja verjuleikaran hjá okkum. Hann spældi á mótstøðuliðnum í dag. Hann eitur Sonni Ragnar Nattestad og kemur frá Føroyum. Hann er akkurát tað, sum vit manglað á okkara liðið í Noregi. Er stórur og sterkur, umframt vinstrabeintur”. Aftursvarið sum hann fær í horninum er, at hetta mugu teir fara at kanna nærri. Ongantíð merkt slíkan áhuga Tað er heitt og fjálgt í stovuni heima hjá Sonna Ragnar Nattestad í Miðvági, har hann er komin heim at halda jólafrítíð. Landsliðsmiðverjin greiðir frá hvussu talentskótin og Ole Gunnar Solskjær fortaldu honum søguna um, hvussu teir løgdu føroyska verjuleikaran tilmerkis undir dysti millum Víking Reykjavík og Fylkir í september mánað í ár. Síðani greiðir hann frá, at talentskótin fáar vikur aftaná var til staðar í Lettlandi, har Føroyar vunnu 2-0, umframt at talentskótin saman við Ole Gunnari Solskjær vóru til staðar á leikvøllinum í Sveis í november, har Føroyar taptu 2-0. Endin var, at Sonni Ragnar Nattestad aftaná dystin móti Sveis varð boðin yvir til Noregs, har hann skuldi hyggja eftir umstøðunum hjá Molde FK. Eg havi ongantíð merkt ein slíkan áhuga, sum eg merkti frá Molde FK, tá eg kom yvir har. Teir greiddu mær og umboðsmanninum, Jákup í Stórustovu, frá, at teir gjarna vildu hava fatur á mær. Og tá vit merktu at áhugin var so stórur, gekk skjótt. FH vildi ikki seta seg í vegin fyri einum so stórum møguleika, og fyrst í seinastu viku, skrivaði eg undir sáttmála við Molde FK, greiðir Sonni Ragnar Nattestad frá. Miðvingurin sigur eisini at hann hevur havt nógvar samrøður við heimskenda venjaran hjá Molde FK, Ole Gunnar Solskjær, sum hevur stórt álit á føroyska leik­ aranum. Eg havi samskift nógv við Ole Gunnar undan skiftinum. Hann hevur sagt við meg, at eg eri keyptur inn sum fyrsta val til verjuna, og hann hevur eisini sagt við meg, at hann skal gera meg til mann sum fótbóltsspælara. Eisini hevur hann sagt, at hann sær meg sum ein leikara, sum verður í Molde FK í tvey til trý ár, áðrenn at eg skal seljast víðari til okkurt størri felag. So hetta er ein fantastiska spenn­ andi møguleiki hjá mær, sigur Sonni Ragnar Nattestad. Kennir seg meira búnaðan Somu møguleikar sá danska fel­ agið, FC Midtjylland eisini í før­ oyska verjuleikaranum, sum tó fyri hálvum øðrum ári síðani varð loystur úr sáttmála sínum við danska felagið. Sonni Ragnar Nattestad sigur, at hann bæði er meira búgvin nú sum persónur til at fara avstað, umframt at hann nú hevur eina damu og eitt barn, sum er frálíkur stuðul hjá sær, tá hann kemur heim frá venjingum og frá dystum. Í mun til tá eg spældi í Danmark, har eg ongan hevði at koma heim til, so er tað broytt nú. Tað hevur gjørt stóran mun í Íslandi, at eg nú havi Lillian og sonin Romeo at koma heim til. Eisini hava Gunnar Nielsen og unnustan hjá honum verið frálíkur stuðul hjá mær í Íslandi, sigur Sonni Ragnar Natte­ stad og leggur afturat: Tað kendist meira hart í Danmark, tí at eg var nógv yngri tá og nógv meira óbúgvin. Av tí sama vóru tað fleiri løtur, har eg hevði ein heilt ótrúligan heimlongsul, sum eisini var høvuðsorsøkin til at eg steðgaði sum fótbóltsspælari niðri í Danmark, sigur Sonni Ragnar Nattestad. Eftir landsdystin móti Grikka­ landi á Tórsvølli, fór Sonni Ragnar Nattestad ikki aftur til Danmarkar. Sonni Ragnar Nattestad, sum í seinastu viku var seldur til norska felagið Molde FK, greiðir frá, at Molde upprunaliga fór yvir til Íslands at hyggja eftir áleypara, sum føroyski landsliðsleikarin dekkaði. Molde FK droppaði áleyparan og keypti heldur føroyska verjuleikaran. Sonni Ragnar Nattestad ætlar at Molde FK bert skal vera eitt fet á leiðini. MOLDE ER EITT FÓTBÓLTUR SONNI RAGNAR NATTESTAD: