mánadagur 19. desember 2016síða 20

Mánadagur 19. desember 2016 · Nr. 146 4 Sosialurin Hugskot og viðmerkingar – send sms til 225000 Neli Heldarskarð Eftir 54 spældar dystir og 2917 mál er FTZ-deildin nú farin í vetrarsteðg. Tríggir teir seinastu dystirnir hesumegin 2017 blivu spældir leygardagin, tá ið tey bæði fremstu, H71 og VÍF, vunnu ímóti teimum báðum aftastu, StÍF og Team Klaksvík, meðan dysturin í Kollafirði ímillum tveimum av avbjóðarunum til finaluplássini, KÍF og Kyndil, endaði við javnleiki. Vit hava prátað við Birgir Hansen, hjálparvenjara á A-lands­ liðnum, ið sigur sína hugsan um kappingarárið higartil. H71 er sterkast Oddaliðið í FTZ-deildini er H71, sum hevur vunnið 25 av 30 møguligum stigum í hesum kappingarárinum. Í fjør vóru hoyvíkingar fullkomiliga suverenir í grundspælinum, men tó fáa teir harðari kapping í ár, heldur Birgir Hansen. – Ongin ivi er um, at H71 er sterkasta liðið í deildini í løtuni. Áðrenn kappingina varð eisini mett, at H71 fór at vera ímillum tey heilt fremstu. Tó hevur H71 eisini tapt nøkur stig á vegnum, og tað vísir, at kappingin er vorðin javnari, enn hon hevur verið undanfarin ár, sigur Birgir Hansen, ið tó leggur afturat: – Tað skal havast í huga, at H71 hevur havt sera nógvar skaðar til nakrar av stuðulsleikarunum, og hetta mátti so merkjast á onkran hátt. Um orsøkirnar til, hví H71 stendur seg betur enn hini, peikar landsliðsvenjarin á breiddina og ungu leikararnar hjá H71, sum hava tikið við, tá ið tørvur hevur verið á tí. –  H71 hevur góða breidd og fleiri spælarar at taka av enn hini liðini. H71 tolir skaðar betur enn hini, og harafturat hava fleiri av leikarunum, sum eru komnir inn á liðið hjá hoyvíkingum í ár, heilt ungir. Tað er flott, at teir ungu hava avrikað so væl, sum teir hava, sigur Birgir Hansen. Vestmenningar hava staðið seg væl Undan hesum kappingarárinum misti VÍF bæði málmannin, Niklas Simonsen, og bakspælaran, Áka Egilsnes, sum vóru til Danmarkar at royna seg. Fleiri av eldru leikarunum, Sámal Joensen, Heini Hanusarson og Agnar Joensen eru eiheldur byrjaðir aftur, men kortini er VÍF á finaluplássi, nú liðini eru farin í vetrarsteðg. –  Eg hevði ikki væntað, at VÍF í vetrarsteðginum fór at liggja á næstfremsta plássi. Tað tekur sína tíð at spæla eitt nýtt lið saman aftur, men samanumtikið hava avrikini hjá VÍF verið góð. VÍF hevur tó ein rættiliga smalan hóp og spælir ofta við teimum somu leikarunum allan dystin á tamb. Eisini hevur VÍF havt onkrar skaðar, ið hevur gjørt sítt til, at útskiftingarnar hava verið fáar, sigur Birgir Hansen. Hann væntar tó, at onkur av áðurnevndu, rutineraðu leikarun­ um byrja aftur. – Eg verði ikki bilsin, um tveir- tríggir nýggir leikarar byrja aftur í VÍF eftir jól, sigur Birgir Hansen. Avbjóðararnir eru ov óstøðugir Nummar trý og fýra Í FTZ-deildini eru KÍF og Kyndil, sum eru nærmastu avbjóðararnir til seinna finaluplássið í deildini. Avrikini hjá hesum liðum eru ov óstøðug, heldur Birgir Hansen. –  Hesi bæði liðini hava leik­ ar­arnar til at spæla seg á eitt finalupláss, men tey eru bæði ov óstøðug. Har manglar rútma í, tí at avrikini eru heilt góð onkrar dystir, men í øðrum dystum kunnu avrikini vera, serliga hjá Kyndli, av tramanum til. Um avrikini ikki blíva støðugari, so koma hvørki Kyndil ella KÍF í nakra finalu. Tað er upp til teir sjálvar á hesum liðum, tí bæði liðini kunnu bjóða av við støðugari avrikum. Neistin kann mennast Neistamenn eru nummar fimm við 14 stigum og fara neyvan at bjóða av í nøkrum finalustríði í ár. Teir eru ov óstøðugir, men tó eru spennandi menningarmøguleikar hjá neistamonnum. –  Neistin kann ikki bjóða av í finalustríðnum. Fyrst og fremst eru neistamenn eiheldur nóg støðugir. Viðhvørt ger Neistin alt møguligt gott, men ov ofta koppar alt hjá teimum. Tó hava neistamenn rættiliga fitt av ungum spælarum, ið spæla nógv. Men hinvegin er liðið hjá Neistanum kanska tað, sum kann mennast mest komandi árini, tí har eru fleiri leikarar, sum um nøkur ár kunnu manna eitt heilt gott lið, sigur Birgir Hansen. Breiddin vantar hjá strandingum StÍF er næstaftast og á sætta plássi. Hópurin hjá strandingum er lítil, og hetta sæst aftur á úrslitunum. –  StÍF hevur ikki serliga nógv fólk at taka av. Eg havi sæð nakrar dystir hjá StÍF, millum annað tann leygardagin ímóti H71. StÍF hevði væl kunnað vunnið hendan dystin, men av tí, at StÍF í ov stóran mun spælir við teimum somu bakspælarunum allan dyst­ in, so gerast hesir moyrir ímóti dystarenda. Persónligu feilirnir blíva ov nógvir síðstu løtuna, og tað hevur eyðkent strandingar, at teir megna at vera góðir í 45 minuttir, men ikki ein heilan dyst. Strandingar tykjast at mangla orku ta síðstu løtuna, sigur Birgir Hansen um avrikini hjá StÍF í hesum kappingarárinum. Sama søga í Klaksvík Team Klaksvík er framvegis eitt rættiliga nýtt hondbóltsfelag, og tað sæst eisini aftur á gongdini hjá klaksvíkingum í fremstu deildini, har teir nærum á hvørjum ári eru at finna á einum greiðum, aftasta plássi. Birgir Hansen saknar fram­ gongd hjá Team Klaksvík. – Eg hevði ynskt, at eg hevði kunnað sagt, at framgongd var í Team Klaksvík, men ta fram­gongd­ ina síggi eg tíverri ikki. Fleiri av leikarunum hava spælt í bestu deildini í trý-fýra ár, og eg haldi, at menningin hevur verið ov lítil. Sjónlig framgongd hevur ikki verið at sæð, so har má okkurt broytast. Eg havi ikki sæð Team Klaksvík vant, men sum heild tykist liðið ikki at orka nóg væl, sigur Birgir Hansen at enda. H71 hevur bestu breiddina, VÍF hevur staðið seg betur enn væntað og framgongd er ikki at hóma í Team Klaksvík. Birgir Hansen, hjálparvenjari hjá A-landsliðnum hjá monnum, tekur samanum kappingarárið í FTZ-deildini higartil, nú liðini eru farin í vetrarsteðg H71 TOLIR SKAÐARNAR MANSHONDBÓLTUR KÍF-Kyndil 18-18 (10-11) KÍF: Fríði Weyhe 5, Rúni Joensen 3, Ási Dam 3, Frederik Sørensen 2, Andrias Nielsen 2, Rógvi Weyhe 1, Jákup Trygvason 1 og Teitur Joensen 1. Kyndil: Hjalti Mohr Jacobsen 7, Hørður Fannar Sigtórsson 3, Tummas Pauli Hanusarson 3, Høgni Klein Olsen 2, David Edvardsen 1, Kristoffur Kristoffersen 1 og Josef Abrahamsen 1. StÍF-H71 21-24 (11-11) StÍF: Sveinur Justinussen 8, Allan Norðberg 6, Pætur Johansen 4, Borgar Persson 2 og Pætur Joensen 1. H71: Hilmar Leon Jakobsen 10, Dánjal Tórgarð 6, Sigmundur Nolsø 2, Hans Kári Hansen 2, Vilhelm Poulsen 2, Pætur Thomsen 1 og Bogi Gaard Davidsen 1. LANDSLIÐSVENJARIN Birgir Hansen, landsliðsvenjari