mánadagur 19. desember 2016síða 21

5 Mánadagur 6. januar 2014 · Nr. 2 Sosialurin Mánadagur 19. desember 2016 · Nr. 146 Hugskot og viðmerkingar – send sms til 225000 KVINNUHONDBÓLTUR Neli Heldarskarð Júst sum mansliðini í FTZ-deildini, so eru tey seks kvinnuliðini í Hvonndeildini somuleiðis farin í vetrarsteðg. Verður hugt eftir stigatalvuni, so tykist nærum ongin ivi at vera um, at liðini, sum hava vunnið øll meistaraheitini seinastu seks árini, Neistin og Kyndil, eisini fara at stríðast um gullheiðurs­merkini í hesum kappingarárinum. Annar av venjarunum hjá føroyska kvinnulandsliðnum, Andreas F. Hansen, er samdur í hesum pá­ standinum. –  Tað er næstan ongin ivi um, at Kyndil og Neistin skulu spæla FM-finalurnar. Kappingin higartil hevur víst, at hesi liðini eru tey, sum eru nógv best fyri. Tað skuldi undrað meg ógvuliga nógv, um hesi liðini ikki verða tey, sum bresta saman í finaluni. Bæði liðini eru væl fyri kropsliga, og tey hava eisini betri breidd enn hini liðini. Harafturat hava bæði Kyndil og Neistin sera góðar málverjar, sigur landsliðsvenjarin um liðini, ið væntandi skulu spæla FM-finalur sínamillum í 2017, eins og tey hava gjørt seinastu árini. Síðani 2011 hava neistakvinnur vunnið heili fimm meistaraheiti, meðan Kyndil hevur vunnið tað eina. Sostatt er eyðsæð, at Neistin hevur verið sterkara høvuðs­ staðarfelagið í føroyskum kvinnu­ hondbólti seinastu árini. Nú liðini eru farin í vetrarsteðg er tað tó Kyndil, sum er tvey stig fram­ manfyri Neistan. Her skal tó eisini havast í huga, at kyndilskvinnur hava spælt ein dyst fleiri enn neistakvinnur. Er styrkismunurin ímillum liðini minkaður? – Eg meti framvegis, at Neistin er eitt sindur frammanfyri Kyndil. Neistakvinnur hava fleiri royndir enn kyndilskvinnur, ið hava eitt sera ungt lið. Tó hevur Kyndil staðið seg væl, tá ið hugsað verður um, at nakað av fólki er mist síðani í fjør. Her hugsi eg til dømis um Marionnu Geirsdóttir Eystberg, ið fór til VÍF. Men samanumtikið er líkt til, at tað kann blíva heilt spennandi ímillum hesi liðini, sigur Andreas F. Hansen. VB á heiðursmerkjakós Á bronsuplássi í Hvonndeildini er VB, sum hevur ment seg í mun til farna kappingarár. Tá var tað ikki fyrr enn í seinasta leikumfarinum, at tað eydnaðist vágbingum at lyfta seg frá aftasta plássi við sigri yvir Stjørnuni. Í dag hevur VB 12 stig, og seks stig eru upp til seinna fin­ aluplássið, so nakrar føroya­meist­ aravónir skulu tær úr VB neyvan gera sær, men heiðursmerkja­ møguleikin er avgjørt til staðar, heldur landsliðsvenjarin. – Stóri munurin er, at VB hevur vunnið dystirnar ímóti Stjørnuni og StÍF. StÍF hevur VB annars havt stórar trupulleikar av seinastu árini, men nú er StÍF viknað rímiliga nógv, so tí kundi verið væntandi, at VB fór at fáa fleiri stig í mun til í fjør. Seinastu árini er blivið roknað við, at VB fór at spæla við í oddinum, men tað hevur ikki veruliga eydnast. Í ár hevur VB avgjørt ein góðan møguleika at vinna heiðursmerkir, men tað verður nokk ikki meira enn tað, sigur Andreas F. Hansen. Stigaúrtøkan hjá StÍF hevur verið sera soltin, tí í 11 dystum hava strandingar bert tiltuskað sær fýra stig, og tískil er StÍF aftast í deildini saman við Stjørnuni. StÍF manglar tó týdningarmiklar profilar. – Orsakað av barnsburði manglar StÍF Fríðrún Danielsen og Rebekku Justinussen, sum eru tveir avgerandi leikarar fyri StÍF. Hetta eru leikarar, sum helst høvdu verið við í landsliðshópinum, tá ið vit spældu HM-undankapping herfyri, sigur Andreas F. Hansen. Landskappingin farin fyri VÍF VÍF styrkti seg væl og virðiliga undan kappingarársbyrjan. Tráð­ anin hjá vestmenningum var at spæla við um føroyameistaraheitið í ár, men millum annað spæla væl skjótandi navnarnir, Marianna Holm Jacobsen og Marianna Geirsdóttir Eystberg, ikki við aftur í hesum kappingarárinum orsakað av álvarsligum skaðum. Harafturat hevur liðið eisini mist aðrar leikarar, og hetta hevur sæst aftur á úrslitunum hjá VÍF, ið er á einum lunkaðum fjórða plássi við átta stigum. Andreas F. Hansen heldur, at VÍF skal fara eftir steypakappingini ístaðin.  – Tað vóru góðar vónir til VÍF í ár, men liðið hevur verið sera hart rakt av skaðum. Fyri teirra viðkomandi er landskappingin í ár farin. Steypakappingin byrjar tó í januar, og spurningurin er, um VÍF fáa Liljuna Djurhuus og Agnas Olsen, sum báðar hava átt, aftur á liðið. Koma tær tað, og nakrar av teimum ungu taka seg fram, so kann VÍF møguliga gera eitt hál í steypakappingini.  Framtíðar stjørnur í Stjørnuni Síðani seinasta meistaraheitið í 2010 hevur Stjørnan verið í einum úrslitarligum aldudali. Soleiðis er eisini í ár, tí klaksvíkskvinnur halda jól og nýggjár á aftasta plássi. Vón er tó fyri framman, tí liðið er ungt og ungdómsarbeiðið í felagnum gott, heldur Andreas F. Hansen – Stjørnan hevur eitt sera ungt lið. Harumframt hevur felagið góð lið í Gentum 17 og Gentum 14, so megnar Stjørnan at halda fast í góða ungdómsarbeiðnum, fáa spælararnar á besta liðið og hava góðar venjarar, so síggi eg møguleikar í Stjørnuni. Stjørnan hevur fleiri góðar, ungar leikarar, ið kunnu koma langt. Í seinastuni haldi eg eisini, at avrikini hjá liðnum eru blivin betur, sigur Andreas F. Hansen at enda. Landsliðsvenjarin hjá føroysku hondbóltskvinnunum, Andreas F. Hansen, metir, at lítil ivi er um, hvørji lið spæla FM-finalurnar í komandi ári HØVUÐSSTAÐARFELØGINI ERU BEST FYRI StÍF-Stjørnan 19-19 (8-11) StÍF: Ninna Katrin Johansen 5, Guðrið Poulsen 4, Birna T. Johannesen 4, Ansy Sevdal 3, Poula D. Berg 1, Sunfríð B. Johansen 1 og Anna B. Danielsen 1.  Stjørnan: Hervør Olsen 5, Jansy Jacobsen 3, Sonja Lava Sirdal 2, Tóra Eliasen 2, Durita Ljósstein 2, Una Olsen 2, Judith Hansen 1, Jórun B. Nielsen 1 og Mina Lava Sirdal 1. VB-Kyndil 26-30 (15-18) VB: Bára K. Mortensen 7, Danijela Mistric 5, Maria H. Weyhe 4, Gurið K. Augustinussen 4, Rúna M. Jacobsen 3, Helga Kjærbo 2 og Barbara K. Hjelm 1. Kyndil: Súna K. Hansen 7, Anna Brimnes 7, Bjarta O. Johansen 6, Turið Arge 6, Bára K. Hansen 2, Ásleyg Súnadóttir 1 og Guðrið G. Eystberg 1. Andreas F. Hansen, landsliðsvenjari hjá kvinnum LANDSLIÐSVENJARIN: