mánadagur 19. desember 2016síða 66

ÓKEYPIS LÝSINGARBLAÐ VIKA 51 • 19. DESEMBER 2016 18 Ger tær greitt, hvat tú vilt hava burtur úr Jobmatch, í mun til tær framtíðarætlanir tú hevur. Skalt tú undir at skriva høvuðsuppgávu, kanst tú spyrja teg fyri hjá luttakandi virkjum, stovnum og kommunum um møgulig uppgávuevni. Um tú vilt fáa innlit í tann føroyska arbeiðsmarknaðin, ræður um at vitja so nógvar básar, sum til ber. Ert tú liðug at lesa og vilt frætta um ítøkiligar starvsmøguleikar, vel tær so ávísar básar út, sum hóska til tín, og nýt góða tíð á hvørjum bási. Um tú ert tilvitað um tínar framtíðarætlanir, er mangan lættari at koma á tal við fyritøkur og stovnar, um júst tað, tú ynskir. Á Jobmatch heimasíðuni er ein nærri lýsing av øllum luttakarunum á starvsstevnuni. Við at lesa hesar lýsingar, fært tú eitt innlit í, hvat fyritøkurnar, kommunurnar og stovn­ arnir fáast við, og um hesi kundu verið eitt áhugavert arbeiðspláss fyri teg. Har er eisini eitt yvirlit yvir leys størv, starvsvenjing og verkætl­anar­evni. Møguliga er okkurt heilt ítøkiligt, ið hóskar júst til tín. Harafturat er tað, undan starvsstevnuni, møguligt at bíleggja eitt JobPrát við tær fyritøkur og stovnar, sum eru mest áhugaverdar í mun til tína útbúgving og ynskir. Í fyrilestrarhølunum vera áhuga­ verdar framløgur allan dagin. Her er møguleiki at fáa íblástur til, hvørjar fyrireikingar tú skalt gera í mun til at finna rætta starvið. Fleiri fyritøkur og stovnar hava framløgur um síni arbeiðspláss. Hetta er eitt gott høvi at hoyra um starvsmøguleikar uttan at føra eina samrøðu beinleiðis við arbeiðsgevaran. Tó, um tú skuldi spurt ein spurning, kanst tú vænta at arbeiðsgevarin minnist teg, tá tú vitjar básin aftaná fyri at frætta meira. Jobmatch er til fyri at tú kanst tosa við fyritøkur, kommunur og stovnar um arbeiðsmøguleikar, uppgávuevni ella starvsvenjing. Teir arbeiðsgevarar, sum eru í Norðurlandahúsinum, eru har fyri at greiða frá um teirra arbeiðspláss og fyri at kunna seg um, hvør tú ert, og hvørjar førleikar tú hevur. Tí er tað bara at halda seg framat og fáa sum mest burturúr. Tað er vert at hava í huga, at á ymisku básunum eru starvs­fólka­ leiðarar, sum eru vanir við at seta fólk í starv. Hesir kunnu siga tær, hvar í teirra virki ella stovni, tínir førleikar hóska best. Vitjar tú eina fyritøku, kommunu ella stovn, sum tú ikki kendi frammanundan, kann tað jú henda, at tú fært eitt verkætlanarhugskot, ella at tú sært ein nýggjan arbeiðsmøguleika. Eitt gott hugskot er at geva sær stundir at skriva niður, hvat tú hevur tosað við tann einstaka arbeiðsgevaran um. Tú kanst skjótt brúka fleiri tímar á Jobmatch og tosa við fleiri fyritøkur og stovnar. Við at skriva niður, hvat tit tosaðu um, kanst tú betur halda skil á, hvussu títt CV skal síggja út, og hvussu títt bræv skal orðast, tá tú setur teg í samband við ta einstøku fyritøkuna, kommununa ella stovnin aftur. Eitt gott hugskot er at senda ein teldupost til tey, tú tosaði við, og takka fyri prátið. Best er at gera skjótt av, meðan arbeiðsgevararnir framvegis minnast teg. Hevur tú fingið áhuga at søkja starv hjá onkrum av luttakarunum, er tað nú, tú skal senda eina umsókn. Minst til at nýta tað, tú skrivaði niður eftir prátið á Jobmatch. Fá sum mest burtur úr Jobmatch Tað eru fleiri hættir at gagnýta jobmatch til tín fyrimun. Endamálið við Jobmatch er at skapa samband millum virkir og stovnar og framtíðar starvsfólk. Her eru nøkur ráð til tín um, hvussu tú kanst fáa sum mest burtur úr Jobmatch í dag, og hvussu tú kanst brúka tína vitjan framyvir. Eitt CV skal altíð vera eitt ískoyti til sjálva umsóknina um starv, og CV-ið og umsóknin eiga at styðja hvørtannað. CV og umsókn um starv skulu sendast saman. Tað er týdningarmikið, at CV-ið er greitt skipað. Upplýsingar, sum skulu vera í einum CV: • Persónligar upplýsingar – navn, bústaður, teldupostur, telefon, fartelefon. • Útbúgving. Byrja við at skriva ta nýggjastu/seinastu útbúgvingina. Fak ella heiti á útbúgvingini skal vera við. Skriva, nær tú vart liðug/ur við útbúgvingina, og hvar tú vart undir útbúgving. • Starvsroyndir – byrja við at skriva ta nýggjastu/seinastu starvssetanina við starvsheiti. Upplýs eisini, nær tú arbeiddi har. Tú kanst eisini heilt stutt skriva, hvørjar arbeiðsuppgávur tú hevði. • Viðkomandi skeið – verða sett upp á sama hátt sum starvsroyndir. • Viðkomandi prógv. Upplýsingar, sum vanliga eru við í einum CV, men sum ikki altíð eru neyðugar: • Føðiár og føðiland • Hjúnastøða og børn • Týdningarmiklir førleikar og persónligir eginleikar – ein lýsing, sum skjótt skal geva arbeiðsgevaranum eina mynd av, hvør tú ert. Her nevnir tú í stuttum orðingum tínar mest viðkomandi royndir og persónligu eginleikar. • Frítíðarítriv – minst til, at móttakarin skal fáa ta fatan av tær sum persóni, at tú fert at rigga í arbeiðsumhvørvinum. • Málkunnleikar – hvørji mál dugir tú og hvussu væl? Bæði munnliga og skrivliga • Telduførleikar • Royndir við verkætlanum • Tilvísingar • Annað – sum kann vísa, at tú ert sinnað at taka ábyrgd. Upplýs um ymisk áitisstørv frá skúlanum, útbúgvingini, ítrótti, eigarafelagi osfr, sum tú heldur vera viðkomandi fyri starvið, tú søkir. Neyðugt er at meta um, hvørjar upplýsingar eiga at vera tiknar við í mun til hvørja einstøku starv­ sumsókn. Tað, ið er við­komandi fyri eitt starv, er ikki altíð eins viðkomandi fyri eitt annað starv. Kelda: als.fo Lívsrensl er tað, sum aðrastaðni verður nevnt CV. CV er ein stytting fyri Curriculum Vitae, sum merkir “ein stutt lýsing av egnari lívsgongd”, tað vil siga ein lýsing av, hvør tú ert, og hvat tú hevur gjørt. CV-ið skal vísa, hvørjar starvsroyndir og hvørja útbúgving tú hevur, og meira nágreiniliga hvat tú hevur gjørt og lært higartil. Ger eitt gott lívsrensl