hósdagur 22. desember 2016síða 22

FRÍGGJADAGUR 23. DESEMBER 2016 SOSIALURIN 148 22 ÁRNI GREGERSEN T að hevur verið tungt hjá Høvdavirkinum í Leirvík seinastu árini. Stóri marknaðurin fyri framleiðsluni hjá virkinum hevur verið í afrikanska landinum Nigeria. Støðan í Nigeria hevur verið ring búskaparliga í nøkur ár og tí hevur landið ikki megnað at keypa serliga nógv frá útheiminum. Forðingar hava eisini verið fyri, at fyritøkur í landinum kunnu brúka amerikanska dollarin at keypa fyri. Høvdavirkið í Leirvík hevur turkað høvd og ryggir, sum í stóran mun eru seld til stóra afrikanska landið. At marknaðurin meir ella minni lat aftur ávirkaði sjálvandi virkið í Leirvík, sum annars hevur arbeitt við virðisøkingini av føroyskum fiskatilfeingi síðani 2001. Trupulleikarnir á afrikanska marknaðinum noyddi virkið at finna nýggjar marknaðiur og serliga eisini at framleiða aðrar vørur, sum eftirspurningur er eftir. So í seinastuni hevur virkið framleitt hópin av mati til húsdjór og hetta er serliga selt til týska marknaðin. -Men veruleikin er tann, at alt tað sum vit framleiða er góðkent til mannaføði – eisini maturin, sum annars verður brúktur til djór, sigur Eirikur á Húsamørk, stjóri á Høvdavirkinum. Varðin uppí Høvdavirkið er í Leirvík, men nú hevur stóra fyritøkan í Gøtu, Varðin, eisini sett pening í fyri­ tøkuna á Hagaleitið. Varðin er ein stór fyritøka í føroysku fiskivinnuni, bæði í uppsjóvarvinnuni við fleiri nóta­ skip­um og tveimum virkjum á Tvøroyri. Fyritøkan er eisiini ein stórur partur av Faroe Origin, sum eigur fleiri trolarar umframt flakavirkið í Runavík. – Vit síggja hetta sum eina spennandi íløgu, men eg skal viðganga, at vit brúktur eitt sindur av tíð at viðgera spurningin um vit skuldu seta pengar í, sigur Jógvan Dávid Jacobsen, nevdarlimur í Høvdavirkinum fyri Varðan. 15 ára menning Høvdavirkið byrjaði virksemi í 2001 og hevur ment seg nógv síðani byrjanina. Í 2005 var virkið tilnevnt Ársins Virki og síðani hevur menningin hildið fram. Ein av orsøkunum til, at virkið liggur á Hagaleitið er, at gjøgnum nógv ár hevur virkið fingið avlopshita frá brennistøðini hjá IRF. Hetta hevur hjálpt væl til í sambandi við turkingina av høvdum og ryggjum, men tað er minni enn so, at hitin frá brennistøðin nøktar allan orkutørvin hjá Høvdavirkinum. Upprunaliga kundi virkið taka ímóti 6.000 tonsum til virkingar, men virkið er útbygt so mikið nógv, at tað í dag lættliga kann taka ímóti 15.000 tonsum. Trupulleikarnir á nigeriska marknaðinum hava gjørt, at virkið er farið undir at kanna aðrar møguleikar, millum annað at gera petfood – altso djóramat Í løtuni eru marknaðurin í Nigeria latin eitt sindur upp, so nú ber aftur til at selja nakað av turkaðum høvdum til landið. Tað sum verður frmaleitt nú eru toskarhøvd, meðan ryggir ikki enn verða sendir til Nigeria. Hetta er tann dýrari parturin av tí, sum verður selt til stóra afrikanska landið, har 180 milljónir fólk búgva. Forðinganar sum hava vedirð seinastu árini, eru í stóran mun av politisku slag, tí í Nigeria eru viðurskiftini so tung búskaparliga, at virkir har ikki sleppa at keypa úr útlandinum og brúka valuta til tað. Uppsjóvarvirkið Varðin í Gøtu hevur keypt seg inn í Høvdavirkið í Leirvík, sum er í ferð við at menna framleiðsluna FERÐ SETT Á MENNINGINA Á HØVDAVIRKINUM Í LEIRVÍK FISKIVINNA Eirikur á Húsamørk er framvegis stjóri ´Faroe Marine Products. Høvdavirkið í Leirvik hevur fingið eina innspræning, nú Varðin er komin uppí sum eigari.