hósdagur 22. desember 2016síða 35

FRÍGGJADAGUR 23. DESEMBER 2016 SOSIALURIN 148 35 ÍTRÓTTUR UM AT NNISKJAÐ hetta í donskum hondbólti. Tað haldi eg, at føroyingar kunnu loyva sær at vera ernir av, sigur Sonni Larsen. Stórar ætlanir við kvinnunum Sonni Larsen hevur fleiri ábyrgdarøki í H71 enn besta mansliðið. Hann er eisini venjari hjá 1. deild monnum og hjá besta kvinnuliðnum í felagnum. Søguliga hevur H71 verið eitt mansdominerað felag, men hetta er broytt í dag. Felagið hevur lið við í øllum gentudeildunum, og fyri skjótt hálvumøðrum ári síðani byrjaði besta kvinnuliðið hjá felagnum aftur í næstbestu deildini. Ætlanin er, at hetta liðið skal í Hvonn­ deildina at spæla longu í komandi kappingar­ ári. – Málið er ikki, at H71 skal hava eitt av fremstu kvinnuliðum her og nú, men vit royna at byggja liðið upp í ár og leggja enn meira afturat í komandi kappingarári, tá ið vit ætla okkum at spæla við í Hvonndeildini. Við tíðini verður málið tó, at vit eisini skulu blanda okkum ímillum tey fremstu í kvinnuhond­bólti, sigur Sonni Larsen. Tað er annað enn hond­ bólts­spælið, ið kvinnurnar hjá H71 skulu blíva betur til, heldur venj­arin. – Vit eru ávegis í til­gongd­ ini at menna kvinnu­liðið sálarliga. Sálarliga menn­ ingin snýr seg um at hava best møguligu fortreytirnar at spæla við, har tað er stuttligt. Um tú spyrt meg beint nú, so er kvinnuliðið ikki tilreiðar at spæla í Hvonn­deildini, men tað skulu tær verða í komandi kappingarári. Vit skulu blíva betur til at venja hart, og tað krevur ein serligan lívsstil og ein góðan mentalitet, sigur Sonni Larsen. Hann førir eisini fram tað áhugaverda sjónarmiðið, at hann heldur, at kvinnur í størri skulu tora at vísa veruligar kenslur, tá ið tær eru í leiki. Ofta hava kvinnurnar lyndi til at vera ov fittar. – Eg upplivi mun á at venja kvinnur og menn. Kvinnurnar skulu í størri mun tora at víkja frá mentanarligu normunum um, hvat kvinnur mugu, og hvat tær ikki kunnu. Tað at fara til stálið, kempa, fegnast um mál og vísa eldhuga er nakað, sum menninir gera nógv meira av enn kvinnurnar. Um hondbólturin skal flytast frameftir, so haldi eg, at tað er týdningarmikið at menna alt menniskjað í einari heild. Vit skulu at skapa eina mentan, har kvinnurnar skulu tora at stórfegnast, tá ið tað gongur væl. Tað snýr seg tó ikki um at traðka á onnur, men at gleðast um egið avrik, sigur Sonni Larsen avgjørdur. Higartil er kvinnuliðið hjá H71 ósigrað í hesum kappingarárinum, tí eftir sjey dystir í 1. deild hava bestu kvinnurnar hjá H71 fulla úrtøku - 14 stig. Framtíðin Samanumtikið stórfegnast Sonni Larsen um at vera í H71, har hann eisini hevur ávirkan á ungdóms­venj­ ingina afturat sínum nógvu venjarastørvum. Sáttmálin ímillum venjaran og H71, sum varð undirskrivaður í summar, er bert galdandi til hetta summarið, og tískil tykist tað at vera upplagt, at partarnir leing ja um samstarvið, havandi í huga góðu úrslitini í fyrru kappingarhálvu. Hetta er eisini ein møguleiki, men tó ikki nøkur fullvissa. – H71 og eg eru í samráðingum um at leingja samstarvið. Báðir partar eru áhugaðir í hesum, og viðurskiftini ímillum felagið og meg eru góð. At vera í H71 hevur verið ein jalig uppliving fyri meg, men fyri mítt viðkomandi eru tó enn nakrir leysir endar. Bæði viðvíkjandi familjulívi, og harafturat havi eg eisini onnur tilboð, sum eg má taka støðu til. Ætlanin er at tosa nærri um hetta í januar, sigur Sonni Larsen um framtíðina. At enda sigur danski venjarin, at nú er kropslig venjing á skránni hjá besta mansliðnum áðrenn hørðu dystarskránna, sum kemur í komandi kappingarári, tá ið millum annað steypakappingin, ið H71 vann í fjør, skal spælast. Fakta: Navn: Sonni Larsen Aldur: 30 Útbúgving: Hevur Diplom-venjaraprógv, sum er hægsta venjaraútbúgving í donskum hondbólti. Eisini er hann útbúgvin á Københavns Universitet innan Human Fysiologi. Hevur arbeitt við elituliðum í donskum ungdómshondbólti í teimum eldru deildunum. Teir fýra Garuda-litirnir: Við loyvi frá Sonni Larsen og niðanfyri nevndu leikarunum verður víst á, hvat eyðkennir teir fýra litirnar í Garuda. Týdningarmikið er at hava í huga, at ein leikari kann bólkast í meira enn einum liti, men allir hava teir ein høvuðslit. Tann reyða týpan: Berjist inn til hann er um at smella um og kann t.d. spæla við nógvari pínu. Tó eru hesir leikarar ikki góðir í mótgongd, tí tá kunnu teir finna upp á at fella í fátt og gerast ørkymlaðir. Er ein úrslitsskapari, sum stendur inn fyri at vera effektivur, at hava ávirkan, kapping, sjónlig úrslit og at vera sjálvstøðugur. Dømi um eina reyða týpu í H71: Peter Krogh Tann grøna týpan: Motiveraður til nýggjar og spennandi uppgávur, har loysnir skulu finnast. Góður eginleiki hjá spælskiparanum. Hesum leikaranum dámar fjølbroyttar uppgávur, abstrakta hugsan, nýggjar avbjóðingar, frælsi á vøllinum og óavmarkaðar møguleikar. Dømi um eina grøna týpu í H71: Dánjal Tórgarð Tann gráa týpan: Væl skipaður og leggur dent á, at alt er, sum tað eigur at vera. Millum annað viðvíkjandi reglum. Hann heldur avtalur, er neutralur, nýtir fakta og er stundisligur og væl skipaður. Dømi um eina gráa týpu í H71: Rúni Vest Højgaard Tann bláa týpan: Ein sosialur persónur, ið brennir fyri, at tað gongur væl í felagsskapinum. Sosiala samanhaldið hevur mest at siga fyri hendan leikaran. Hann ynskir gott samstarv, tillagar seg, er innlivandi og skilir øll. Dømi um eina bláa týpu í H71: Andor Sivertsen