mikudagur 28. desember 2016síða 7

7 Mikudagur 28. desember 2016 · Nr. 149 Sosialurin Hugskot og viðmerkingar – send sms til 225000 Sólvit E. Nolsø Finn Hansen er sløkkiliðsleiðari í Klaksvík. Hann sigur, at eins og mestsum alla aðrastaðni hava teir havt óvanliga nógv at gjørt síðan tollaksmessudag. Tilsamans er talan um eini 150 fráboðarar skaðar norðanfyri, harav eini 125 fráboðanir komu inn í seinnu ódnini, ið rakti 1. jóladag. – Vit hava havt nógvar sokall­ aðar smáskaðar. Ryggásir, klædn­ ingar, tekjur og bilar, ið hava tikið skaða. Vit hava eisini havt nakrar størri skaðar. Tekjurnar á røktarheiminum, skúlanum og Look North fingu stóran skaða umframt eini sethús, sigur Finn Hansen. Finn Hansen sigur, at fyritøkur í býnum hava í stóran mun tikið sær av umvælingum av stórum skaðum. Nú er friður aftur og komandi tíðin verður brúkt uppá at samla træðrinar aftur og fáa útgerðina eftirhugda og uppá pláss. – Eg havi uppliva eina líknandi ódn í november 2011. Tá vórðu fleiri skaðar fráboðaðir, eini 300, um eg minnist rætt, men teir vórðu ikki so umfatandi sum hesuferð, sigur Finn Hansen. Tað stóðst tíbetur eingin fólka­ skaði í nógva vindinum, einans materiellur. Tað vórðu ógvusliga hvirvlur, ið kundi havt størri skaðar við sær, men Finn Hansen sigur, at fólk hava verið ansin í nógva vindinum og bilar hava heldur ikki verið úti og koyrt meðan alt stóð uppá. – Tað er heldur einki at fara út til í slíkum veðrið, tað vórðu ikki líkindir til nakað. Fólk tóku boðini til sín, um at halda seg innandura, sigur Finn Hansen, sløkkiliðsleiðari í Klaksvík. solvit@sosialurin.fo Tað vórðu nógvir skaðar í Klaksvík í óveðrinum. Tað stóðst tíbetur eingin fólkaskaði. Finn Hansen, sløkkiliðsleiðari í Klaksvík sigur, at fólk tóku boðini til sín um at halda seg inni. Klaksvík: Fólk tóku boðini um at halda seg inni IKKI ENDAÐI sum hesa. Ódnin í 1988 var í eina nátt, meðan tær báðar í ár vardu í tvey og eitt hálvt samdøgur. Tá vindurin var uppá tað mesta, máldi hann 78.7 m/s á Norðradalsskarði. Nógvi vindurin lat eisini eftir seg síni týðiligu spor. Millum annað fór ein goymslubygningur hjá KJ Hydraulik á Kambsdali allur sum hann var í luftina. Tekjan á Húsarhaldsskúlannum í Klaksvík kláraði heldur ikki at standa ímóti áhaldandi vindinum og mátti víkja. Nógvir bilar blivu tiknir av hvirvlum og endaðu við mala í luftini. Umframt teir størru skaðar­ nar, vórðu tað eisini ein rúgva av smærru skaðum kring landið. Nógvar tekjur loysnaðu og nógvir garðar brotnaðu. Vindeygu blivu knúst og leysir lutir av ymsum slag fuku runt um geilarnar. Av tí sama var eisini at kalla útigongubann lýst frá myndugleikunum, tí trygdin hjá fólki kundi ikki vissast. Tíbetur var at kalla eingin fólkaskaði, uttan ein beinbrot, tá ein kvinna í Eysturoy var tikin av vindi. Í summum førum var tó nær við. Ein familja kom illa fyri á Tjørnuvíkarvegnum, tá grót rullaði oman á bil teirra og tey máttu úr bilinum og renna undan grótinum. solvit@sosialurin.fo Mynd: Dávur Winther Mynd: Dávur Winther Mynd: Álvur Haraldsen Mynd: Álvur Haraldsen