hósdagur 29. desember 2016síða 11

FRÍGGJADAGUR 30. DESEMBER 2016 SOSIALURIN 150 11 (minimumsnormering) verður ásett við lóg, fyri at tryggja góðskuna á dagstovnunum og at stimbra undir, at fyribyrgjandi trivnaðaramboð verða brúkt av heilsufrøðingum, dagstovnum og skúlum. Uppskotiðekk tríggjar atkvøður fyri og 27 ímóti. Seinna uppskotið frá Nýggjum Sjálvstýri mælti til at heita á lands­ stýrið um at fyrireika og leggja fram lógaruppskot um at seta á stovn ein familjudepil, sum mið­ savnar tænastur, sum hava við fyri­ byrging, ráðgeving og tilboð annars viðvíkjandi familju­viður­skiftum at gera, undir eina og somu eind. Heldur ikki hetta uppskotið fekk undirtøku í Løgtinginum. Eitt annnað uppskot frá and­ støðuni hevur fingið nógv umrøðu. Tað var eitt um at játta meia pening til saltsilona á Drelnesi. Uppskotið kom frá andstøðu­ flokkunum og endaði við, at tingið í eini eykajáttanarlóg játtaði eyka pening til saltsilona, men tá var talan um eina avtalu í sambandi við fíggjarlógarsamtyktina. Fólkaflokkurin Fólkaflokkurin legði eitt lógar­ uppskot fram um at lækka skatt og meirviðisgjald av heimavirki. Flokkurin mælti til at slíkt arb­ eiði verður bruttoskattað við 15 prosentum, men bert tann inn­ tøkan, sum fer uppum 50.000 krón­ur. Í viðmerkingunum til uppskotið skrivar Fólkaflokkurin: Heimavirki er eftir galdandi lógum vanliga skattskyldugt og meirvirðisgjaldskyldugt. Hetta merkir, at vinningur í sambandi við sølu av heimavirkaðum vørum er skattskyldugur. Selur ein persónur fyri meira enn 50.000 krónur í einum ári, er hann eisini skyldugur at lata seg meirvirðisgjaldskráseta og skal gjalda meirvirðisgjald av allari søluni. Tá talan er um heimavirki, er í flestu førum talan um ítriv og ikki vinnu. Sum kunnugt er skattliga viðgerðin nakað ymisk, um talan er um ítriv ella vinnu. Fólkaflokkurin hevði eisini eitt uppskot til samtyktar, har heitt verður á landsstýrið um at stovna ein lønargrunn til stórmeistara í talvi. Miðflokkurin og Sambandsflokkurin Mikðflokkurin legði eitt uppskot fram um, at øll sum verða send uttanlands í sjúkraviðgerð, fáa rætt til at hava fylgjara við sær. Hetta málið fall. Flokkurin hevur eisini lagt eitt uppskot fram til samtyktar um menningarsamstarv. Sambandsflokkurin hevur lagt eitt uppskot til samtyktar fram, um at allar skúlabøkur eisini skulu vera ljóðbøkur, umframt eitt lóg­ aruppskot um at byggja nýggj­an húsarhaldsskúla í Klaksvík. Í uppskotinum stendur, at skúlin ikki kann kosta meira enn 18 milljónir krónur. Fýra uppskot, sum eru viðgjørd síðani á ólavsøku eru av slíkum slag, sum skulu fyri tingingið og eru løgd fram av løgtings­grann­- skoðarunum. Møguleikarnir hjá tingfólki at spyrja landsstýrisfólkini um ávís mál, er nú ein stórur partur av tingarbeiðnum Spurningar og svar partur av tingarbeiðnum ÁRNI GREGERSEN T ingskipanin loyvir fleiri sløg av spurningum til landsstýrisfólkini. Hesum gera tingfólk sær eisini í stóran mun dælt av heldur enn at leggja uppskot fram til samtyktar, sum meira var vanligt fyrr. Síðani á ólavsøku hava tingfólk sett 18 skrivligar fyrispurningar til landsstýrisfólkini. Fólkaflokkurin hevur sett nógv teir flestu skrivligu fyri­ spurningarnar – 10 tilsamans. Hinir nátta koma frá Nýggjum Sjálvstýri, sum hevur set tveir skrivligar fyrispurningar, Tjóðveldi tríggjar, Javnaðarflokkurin, Framsókn og uttanflokkan tingkvinnan Sonja Jógvansdóttir hava sett hvør sín skrivligan fyrispurning. Munnligir og ófráboðaðir Løgtingsformaðurin setir reglu­ liga ófráboðaðar spur­ningar til løgmann og lands­stýrismenn á dagsskránna. Løgtingsmenn kunna tá uttan fráboðan seta løgmanni og landsstýrismonnum spur­ning, sum teir skulu svara beinanvegin. Løgmaður og lands­stýris­ maður kunnu boða frá, at teir ikki fáa svarað beinanvegin, men vísa spyrjaranum til at seta spurningin fram av nýggjum eftir stk. 2 og 3 ella § 53. Í hesum førum steðgar orðaskiftið beinanvegin. Stk. 6. Løgtingsmaður kann bert seta fram ein høvuðs­ spurning. Ófráboðaðir spur­ ningar kunnu í mesta lagi vara tilsamans 1 tíma og, hvør spurningur má í mesta lagi vara í 10 minuttir. Broytingarnar í tingskipanini gera, at tingarbeiðið er nógv broytt og spurningar fra´tingfólkum fáa munandi størri rúmd. Grein 52- spurningar Í Løgtinginum eru settir 35 grein 52-fyrispurningar. Teir eru meira javnt býttir millum flokkarnar. Nýtt Sjálv­ stýri hevur sett seks slíkar spurningar, Sam­bands­flokk­ urin níggju, Miðflokkurin og Javnaðarflokkurin hvør sínar seks og Fóllkaflokkurin átta grein 52 spurningar. Viðhvørt hevur tað víst seg, at tingfólk seta spurningar til egin landsstýrisfólk, men síðani á ólavsøku hevur hetta ikki veirð so nógv at sæð, tá ið talan er um skrivligar spur­ningar. Tað kemur meira fram, tá ið formaðurin setir munnligar ella ófráboðaðar fyrispur­n­ingar á skránna. Tá hendir tað oftari, at tingfólk spyurja teirras egnu landsstýrisfólk okkurt, so hesi fáa høvi at greiða frá onkrum máli. Men tingskipanin hevur við møguleikunum hjá tingfólkum at spyrja broytt tingarbeiðið nakað. Skrivligir fyrispurningar Vil tingmaður fáa ávíst al­ment mál til umrøðu og í hesum sambandi leggur skriv­liga nágreiniliga orðaðan spur­ning fyri løgmann ella lands­stýris­ mann, sbrt. reglunum í stýris­ skipanarlógini § 21, verður áheitan við grundgeving hand­að formanninum. Formaðurin sigur tinginum frá á sama ella næsta fundi. Stk. 2. Á næsta fundi eftir fráboðan formansins ger tingið av við atkvøðugreiðslu uttan umrøðu, um fyrispurningurin skal verða svaraður. Verður uppskotið ikki samtykt, telur tingformaðurin, um tveir fimtingar av tingmonnum á fundi hava atkvøtt fyri, og skal fyrispurningurin tá verða svaraður eftir reglunum í stýrisskipanarlógini § 21, hóast hann er fallin. Skal hann verða svaraður, sendir formaðurin løgmanni ella landstýris­mann­ inum fyrispurningin. Stk. 3. Fyrispurningurin skal verða svaraður skrivliga, og skal løgtingsformaðurin hava svarið í hendi í seinasta lagi 14 yrka­ dagar eftir, at spurningurin var góðkendur sbrt. stýris­skip­an­ arlógini § 21.