mánadagur 2. januar 2017síða 4

Mánadagur 2. januar 2017 · Nr. 1 4 Sosialurin Hugskot og viðmerkingar – send sms til 225000 BORGARSTJÓRI Hallur av Rana Tá Annika Olsen 1. januar tók við sum borgarstjóri í landsins størstu kommunu, setti hon eitt punktum fyri sekstan rokmiklar mánaðir, har hon fleiri ferðir var í miðdeplinum í politiskum ódnarveðri vegna held­ ur ivasamar politiskar avgerðir. Samstundis mótprógvaði hon eisini fleiri av landsins fremstu politisku viðmerkjarum, tá hon gjørdi teirra døpru politisku spádómar til skamm­ar. Tí eftir at hava skift Fólka­ flokk­in út við Framsókn, fyri síðan at rýma úr Framsókn aftur og melda seg uppí aftur Fólkaflokkin, alt innan fimm mánaðir, vóru lýsingarorðini um ein av Føroya fremstu kvinnuligu politikarum alt annað enn føgur, og spátt varð, at hennara politiska yrkisleið hevði fingið eitt álvarsamt skot fyri bógv­ in. Torført var at ímynda sær tá, at Annika Olsen nakrantíð fór at sleppa framat aftur einum av polit­isku oddasessunum hjá Fólka­ flokkinum eftir hennara floks­ skiftir, men tá hon í morgun hevði sín fyrsta arbeiðsdag sum borgar­ stjóri, er tað ein sannroynd, at hvørki Jørgen Niclasen, formaður í Fólkaflokkinum, ella nakar annar politikari hjá Fólkaflokkinum, lands- ella kommunualpolitikari, hevur størri politisk vald enn ný­valdi borgarstjórin hjá Fólka­ flokkinum. Er aftur har tað byrjaði Tað er kanska passandi, at stað­ setingin fyri politisku endur­nýggj­ anina hjá Anniku Olsen er á Vagl­ inum í Havn. Tað var hóast alt har, at hon av fyrstan tíð gjørdi vart við seg sum politikara, tá hon til kommunuvalið 9. november 2004 varð vald í býráðið sum nummar fýra á listanum hjá Fólkaflokkinum við 244 atkvøðum. Tíðin í kommunalpolitikki gjørd­ist ikki drúgv, tí longu fýra ár eftir vóru boð eftir Annika Olsen aðrastaðnis. Við 520 atkvøðum gjørdist hon nevniliga nummar fýra á listanum hjá Fólkaflokkinum til løgtingsvalið 19. januar 2008, og gjørdist harvið fyrsti kvinnu­ligi ting­limurin í søguni hjá Fólka­flokk­ inum. 32 ára gamla tingkvinnan hjá Fólkaflokkinum gjørdi tó greitt, at hon ongan áhuga hevði í at røkja bæði býráðssessin og løg­tings­ sessin samstundis, og segði harvið sessin í býráðnum frá sær. Síðan hevur sjáldan verið friður um politikaran Annika Olsen, ið hevur røkt fleiri landsstýrissessir og hevur enntá eina ferð roynt at koppa Jørgen Niclasen sum for­ mann í Fólkaflokkinum. Ikki langtíðar mál Men hóast talan er um eina kvinnu við royndum frá stórum polit­ iskum sessum, ið nú tekur við sum borgarstjóri, so er tað við eyð­ mjúkleika, at hon fer undir nýggju avbjóðingina. – Eg eri ómetalig spent. Tað er við størsta eyðmjúkleika, at eg taki við eini so stórari uppgávu, og geri eg tað við virðing fyri tí, ið er gjørt frammanundan. Eg fari við góðum treysti undir at gera eitt so gott arbeiði sum gjørligt fyri borg­ararnar í kommununi, greiðir Annika Olsen frá og leggur afturat. – Vit hava eina samgongu, ið hevur sett sær fyri, at í felag fremja fleiri mál. Skráin verður ikki al­ manna­kunngjørd fyrr enn týs­ dagin, men kann eg siga, at vit fara at føra ein so góðan og skilagóðan politikk sum til ber. Fremsta upp­ gávan hjá okkum verður at tæna borgarunum. Sjálvt um borgarstjórasessurin í Tórshavnar kommunu er tann størsti sessurin í føroyskum bý­ ráðs­politikki, so vil Annika Olsen vera við, at hon ikki hugsaði so nógv um sessin undir valstríðnum. – Tað var ikki eitt langtíðar mál at koppa Heðin ella gerast borgarstjóri, tá eg stillaði upp. Eg vænti ikki, at nakar droymdi um hesa støðuna, tá eg boðaði frá, at eg stillaði upp til býráðsvalið, sigur nývaldi borgarstjórin. Tendraði ein loga Tað er eingin loyna, at tað er ein ser­ stakliga væl dámdur borgar­stjóri, Heðin Mortensen, ið Annika Olsen avloysir á Vaglinum. Hann hevur verið toppskorari trý tey síðstu valini, og umframt at hava sitið seinastu tólv árini sum borgar­stjóri, er við sínum 44 árum í býráðnum longst sit­andi býráðslimur nakrantíð í Tórs­havn­ar kommunu. Annika Olsen dylur heldur ikki fyri, at hon hevur stóra virðing fyri undanfarna borgarstjóranum. – Heðin hevur verið ein ótrúliga góður borgarstjóri, ið hevur verið ímyndin av Tórshavnar Kommunu síðstu tólv árini. Tað kann eingin taka frá honum. Hann megnaði at birta ein loga í hjørtunum hjá nógvum havnarfólkum, ið aldrin fer at sløkna, sigur Annika Olsen. Sjálv er hon tó talskvinna fyri, at eingin skal røkja tveir fólkavaldar sessir samstundis, og tí mælir hon fráfarna borgarstjóranum til at miðsavna seg um landspolitikkin komandi árini. – Hann trívist væl í løgtinginum og ger tað væl har. Men tað er týdn­ ingarmikið, at man hevur fokus á einum staði og ikki tveimum. Tað var meinbogin hjá honum til hetta valið, og hevði støðan nokk verið øðrvísi í dag, um hann helt seg til býráðið, sigur Annika Olsen og leggur afturat. – Nú hevur hann møguleikan at savna seg um tað landspolitiska og gera tað burturav. Eg meti hann hevur fleiri góð ár eftir í politikki og tykist at vera í góðum politiskum formi, sigur nýggi borgarstjórin. Tilvildin ráddi Sjálv vísir Annika Olsen á, at tað var ein avgerð hjá samgonguni í løg­tinginum, ið førdi til, at hon valdi at stilla upp til býráðið. – Tá Fólkaflokkurin ikki fekk loyvi at gera eina innanhýsis um­ skipan av nevndarsessinum í utt­ an­landsnevndini, mátti eg um­ hugsa mína støðu. Eg sat nevniliga uttan nakra veruliga ávirkan á parlamentariska arbeiðið, fyriuttan orðaskiftið og atkvøðugreiðsluna í tingsalinum, greiðir Annika Olsen og heldur fram. – Eg var ikki har avgerðir vórðu tiknar, har mál vórðu viðgjørd, har partar vórðu hoyrdir o.s.fr. So hóast eg hevði umleið 1.000 atkvøður frá valinum, so føldi eg, at eg ikki kundi røkja mítt starv eins og hinir løgtingslimirnir. Um sama mundi arbeiddu flestu politisku flokkarnir við upp­still­ ingin til býráðsvalið, og javnan varð kunngjørt í fjølmiðlunum, at ymisk tingfólk stillaðu upp. – Sum forkvinna í Havnar Fram­burðsfelag varnaðist eg, at hinir flokkarnir løgdu nógv fyri at vinna valið, og førdi tað við sær, at umleið ellivu tingfólk stillaðu upp til býráðsvalið. Tað fekk meg at hugsa, um tað ikki var best, um eg hjálpti flokkinum við sjálv at stilla upp, sigur borgarstjórin. At enda var tað samantvinningin av, at Annika Olsen ongan nevndar­ sess fekk í løgtinginum og sterku listarnir hjá hinum flokkunum, ið var avgerandi fyri, at Annika Olsen stillaði upp. Spurd um tað sostatt ikki kann hugsast, at Javnaðarflokkurin á løg­tingi sostatt var viðvirkandi til at koppa Heðin Mortensen sum borgarstjóra, tá tey noktaðu um­ skipanina hjá Fólkaflokkinum, hevur Annika Olsen bestan hug at bera seg undan, men svarar at enda. – Jú, tað er væl hugsandi, at støð­ an hevði verið heilt øðrvísi, um eg fekk sessin í uttanlandsnevndini, sigur borgarstjórin. Farvæl til løgtingið Hóast tað eru níggju ár síðan, at Annika Olsen seinast fekk valið at røkja bæði ein løgtings- og bý­ ráðssess samstundis, so er einki – Tað var ikki eitt langtíðar mál at koppa Heðin ella gerast borgarstjóri, tá eg stillaði upp. Eg vænti ikki, at nakar droymdi um hesa støðuna, tá eg boðaði frá, at eg stillaði upp til býráðsvalið. Tað sigur Annika Olsen, nývaldi borgarstjórin í Tórshavnar kommunu ANNIKA RÆÐUR NÚ YVIR HAVNINI Nýggi borgarstjórin etur morgunmat við starvsfólkunum í býráðshúsinum