mánadagur 2. januar 2017síða 8

8 Sosialurin Hugskot og viðmerkingar – send sms til 225000 Árni Gregersen Hendan samgongan hevur sett sær fyri at koma við ein­ um uppskoti um ný­skipan av føroysku fiskivinnuni. Lógin um vinnuligan fiskiskap fer úr gildi 31. de­ semb­er í ár. Hetta er ein vit­ an, sum øll hava havt í 10 ár. Hóast tað stendur greitt, so hevur politiska skipanin higartil ikki megna at koma við einum uppskoti, sum tryggjar vinnuni karmar at arbeiða undir. Gjøgnum øll hesi árini hava smærri royndir verið gjørdar at finna semjur um, hvussu vit skipa okkara fiski­vinnu í framtíðini. Undanfarna samgonga av Sambandsflokkinum, Fólka­ flokkinum og Miðflokkinum royndi fleiri ferðir at finna saman um eina loysn, men tað bar als ikki til at finna eitt politiskt áralag til at smíða eitt lógarverk. Nú er ein nýggj samgonga millm Javnaðarflokkin, Tjóð­ veldi og Framsókn og í sam­ gonguskjalinum verð­ur ein nýskipan raðfest ógvuliga frammarlaga. Nevndarupplegg Og lagt var eisini til brots rættuliga skjótt. Lands­stýr­ ismaðurin við fiski­vinnu­ málum, Høgni Hoy­dal, Tjóð­ veldi, boðaði beinan­vegin frá, at hann fór at seta ein nýskipanarbólk, sum skuldi koma við einum uppskoti til, hvussu fiskivinnan kann skipast frá 1.januar næsta ár. Landssstýrismaðurin gjørdi saman við sam­gong­ uni og um­sit­ingini í fiski­ mála­ráðnum ein ar­beiðs­ setn­ing og gjørdi greitt, hvat nýskipanar­bólk­urin skuldi viðgera. Hildið var av summ­ um, at arbeiðs­setn­ingurin var rættuliga trong­ur. Høvuðsmálini eru: – At øll føroyska fiski­vinn­ an verður skipað undir trygg­um og haldførum lógarkørmum, fyrisiting og skipanum. – At livandi tilfeingið í før­oyskum sjógvi og tey rættindi Føroyar eiga í altjóða sjógvi og hava samrátt seg til við onnur lond, eru ogn Føroya fólks og eru varandi grund­ arlag undir før­oyska bú­ skapinum og væl­ferðini hjá tjóðini. – At Føroyar skulu gerast undangonguland at um­sita allar fiskastovn­ ar burðardygt – bæði í egnum sjógvi og í al­tjóða samstarvi – og at hava fremstu vitan og gransk­ ing um fiska­stovnar og vist­frøðiligu skipanirnar í havinum. – At tilfeingið er tryggjað sum ogn hjá fólkinum, og at rættindini at troyta tað eru á føroyskum hondum. – At til ber at skapa mest møguligan virðisvøkstur og avkast í Føroyum av fiska­tilfeinginum til reiða­rí, manningar, virkir, fyri­tøkur, starvsfólk, tæn­astuveitarar og sam­felagið alt, og at vit støðugt menna nýskapan og føroyskar førleikar í øllum pørtum av virðis­ skapanini. – At tilfeingisrentan gerst so optimal sum gjør­ligt, og at størst møgu­ligur part­ur av til­feingis­rent­ uni fell­ur til landið. – At til ber at virka í eini markn­aðar­grundaðari fiski­vinnu við vinnuligum frælsi und­ir jøvnum kapp­ ingar­treytum. – At vinnumøguleikar ikki savnast á fáum hondum, men at somu rættindi eru at bjóða seg fram at reka vinnu, og grundarlag er fyri fjølbroyttum virk­ semi, nýskapan og menn­ ing kring landið. – At Føroyar støðugt menna sín leiklut og sína ábyrgd í altjóða samstarvi og av­ talum um fiskiskap og fiskivinnu – og tryggja sín rættvísa part av rætt­ indunum til felags og ferð­andi fiskastovnar, um­framt at samráða seg til skilagóðar avtalur við onnur lond um møgu­ leikar og atgongd at fiska hvør hjá øðrum. At arbeiðssetningurin var trongur kundi avlesast av, at tað gekk rættuliga drúgv tíð áðrenn tað eydnaðist lands­ stýrismanninum at manna nýskipanarbólkin. Tað endaði við einum bólki, sum taldi níggju fólk og Johnnyu í Gótinum, bú­ skaparfrøðingi og stjóra á Landssjúkrahúsinum, sum formanni. Politisk ósemja Arbeiðsbólkurin kom í heyst við einum áliti, men politiskt er lítið og onki hent á al­ menna pallinum síðani tá. Miðflokkurin hevur tikið seg úr samráðingunum um nýggja fiskivinnuskipan og hevur boðað samgonguni frá, at skal flokkurin inn aft­ ur í arbeiðið, so skal flokk­ urin eisini gerast partur av samgonguni. Møguleikarnir fyri at fáa Miðflokkin við í eiuna semju um fiskivinnuna vóru kanska teir ljósastu. Kanska fyrst og fremst tí flokkurin er sinnaður at ganga við til, at ein partur av tilfeinginum – helst nýggjum tilfeingi – kann seljast um eina upp­ boðssølu. Nýtt Sjálvsatýri tók seg eftir valið í 2015 úr sam­ gongu­samráðingunum, tí flokk­urin kundi ikki taka undir við tí, sum samgongan skrivaði í samgonguskjalið um fiskivinnuna. Onki endir á, at flokkurin hevur broytt støðu í málin­ um. Sambandsflokkurin og Fólkaflokkurin Sambandsflokkurin og Fólka­flokkurin vóru teir báðir stóru flokkarnir í und­ an­farnu samgongu. Tá ið tann samgongan arbeiddi við fiskivinnuni, vísti tað seg alla tíðina, at hesir flokkar ikki kundu semj­ast um at ganga sama veg. Sambandsflokkurin var sinnaður – partvís – at gera eina nýskipan, sum víkti rættu­liga nógv frá ver­andi skipan, meðani Fólka­flokk­ urin helt meira fast við ta skipan, sum vit longu hava. Men nú flokkarnir báðir eru í andstøðu, bendir meira og meira á, at flokkarnir nærk­ast hvørjum øðrum. Sambandsflokkurin er komin við egnum útspæli um, hvussu tey kunnnu hugsa sær, at fiskivinnan verð­ur skipað. Á fleiri økjum hevur Fólka­flokkurin sagt, at flokk­ urin kann taka undir við upp­skoti Sambandsfloksins, men leggjast skal afturat, at tað sama hevur lands­stýris­ mað­urin við fiski­vinnu­mál­ um sagt. Nýggjárskjakið Men í einari sending í Út­ Ársskifti staðfesti enn einaferð heilt greitt, at útlitini fyri einari breiðari semju um nýggja fiskivinnuskipan eru ógvuliga vánalig BREIÐ SEMJA BURTUR NÚ E Høgni Hoydal, landsstýrismaður, skal fáa nógv at broytast, skal hann fáa eina breiða semju Hóast Sambandsflokkurin hevur lagt sítt egna uppskot fram, so vísti tað seg, at Bjørn Kalsø samstundis gevur Høgna Hoydal krakk Jacob Vestergaard, Fólkaflokkurin, tekur á ongan hátt undir við hugsan landsstýrismansins Bill Justinussen og Jenis av Rana krevja at Miðflokkurin verður partur av samgonguni, skulu teir samráðast meira um fiskivinnupolitikkin Mánadagur 2. januar 2017 · Nr. 1 FISKIVINNUSKIPAN