hósdagur 5. januar 2017síða 29

FRÍGGJADAGUR 6. JANUAR 2017 SOSIALURIN 3 29 seg sum yrkisspælarar í styttri og longri tíðarskeið. Eitt tíðarskeið um aldarskiftið vóru nógvir spælarar í norskum fótbólti. Julian Johnsson mundi hava bestu royndirnar, tí hann endaði við at fara viðari til Hull City í lægru deildunum í Onglandi. Kurt Mørkøre bleiv eisini til ”Kong Kurt” í Sogndal, tá liðið spældi í næstbestu deildini. Rógvi Jacobsen hevur seinni roynt seg í Hødd IL. Í Íslandi var fyrst eitt rák undan aldarskiftinum, har menn sum Jens Martin Knudsen, Uni Arge og eitt styttri tíðarskeið Allan Mørk­øre gjørdu um seg. Síðani fylgdu spælarar sum Jens Erik Rasmussen, John Petersen og Sámal Joensen aftaná. Seinni aftur hevði Símun Samuelsen sína stórheitstíð í Keflavík. Fleiri aðrir spælarar hava síðani roynt seg í styttri og longri tíðarskeið. Føroyskir spælarar hava eisini sett sín dám á eitt nú hollenskan og rumenskan fótbólt. Súni Olsen skifti í 2001 til FC Zwolle í næst­ bestu deildini, har tað eydnaðist at flyta upp. Kaj Leo í Bartalsstovu spældi eisini eitt hálvt ár í fjør við rumenska Dinamo Bukarest. Raðfesta spælitíð Seinnu árini er rákið broytt. Spæl­ arar raðfesta spælitíð og eru ikki bangnir fyri at koma heima at venda, og so fara avstað aftur. Millum annað er Jóan Símun Edmundsson farin frá Newcastle til AB á Argjum – umvegis norskan og danskan fótbólt, fyri síðani at arbeiða seg upp til HB, Vejle og er nú millum ljóspunktini hjá OB. Hallur Hansson, Gilli R. Sør­en­ sen, René Shaki Joensen og Sonni Ragnar Nattestad eru millum spælararnar, ið hava verið heima og vent, fyri síðani at fara avstað aftur. Afturgangandi er eisini, at teir velja feløg, har spælitíð er sannlík. Tað hevur víst seg at verða rætta loysnin fyri teir flestu. Tað legst bara afturat við spæl­ arum, sum taka av møguleikanum at royna seg uttanlands. Feskasta dømi er Teit Jacobsen. Debut í vár 18 ára gamli Teit Jacobsen fór eftir kappingarenda í fjør, at venja við Sønderjyske. Hann spældi millum annað ein venjingardyst, har hann skoraði ikki færri enn tvey mál. Báðir partar dámdu tað teir upplivdu. Tí sendi Sønderjyske ein fyrispurning til HB, um at keypa framrættaða miðvallaran, sum eisini hevur spælt sum áleypari. Fyrst komu HB og Sønderjyske ásamt um eina avtalu, sum er í trimum pørtum. HB fær eitt útgjald við sølu. Síðani fær HB fíggjarligan vinning alt eftir hvussu nógv Teit Jacobsen spælir. Triði parturin av avtaluni er, at HB fær lut í søluni, um Teit Jacobsen verður seldur víðari. – Sum teir hava fortalt mær í Sønderjyske, so kann eg vænta debut í vár, men sjálvandi má eg eisini vísa meg til venjingar og prógva, at eg eri góður nokk til superliguna, sigur Teit Jacobsen. Sostatt er líkt til, at Sønderjyske hevur eina ætlan við unga havn­ armanninum, sum hevur gjørt ein trý og eitt hálvt ára sáttmála við felagið. At síggja til, so heldur góða gongdin fram. Tað er ikki givið, at Teit Jacobsen ella hinir føroysku spælararnir fara at klára seg og blíva betri, men umstøðurnar at røkka tindunum eru nú betri. TRONDUR@SOSIALURIN.FO Teit til Sønderjyske: ONGANTÍÐ Í IVA Teit Jacobsen hevur skrivað undir ein trý og eitt hálv ára sáttmála danska superligafelag­ ið, Sønderjyske. Talan er um eina sølu frá HB til danska felagið, tí U21 landsliðsspælarin hevði sáttmála við HB. Hann var tó ikki í iva, tá Sønderjyske vísti áhuga. – Eg havi droymt um hetta alt mítt lív. Nú fekk eg møguleikan og tað var ongantíð nakar ivi, um at eg for at svara ja, um teir vístu áhuga. Uttan stóra hjálp frá Jákupi í Stórustovu og HB, hevði hetta ikki borið til, sigur Teit Jacobsen, sum í gjár bleiv kunngjørdur sum spælari í Sønderjyske. Væntar spælitíð Hóast Teit Jacobsen bara er 18 ára gamal, so kann hann vænta sær at sleppa á vøllin í superliguni, um hann klárar seg væl til venjing. – Sum teir hava fortalt mær í Sønderjyske, so kann eg vænta debut í vár, men sjálvandi má eg eisini vísa meg til venjingar og prógva, at eg eri góður nokk til superliguna, sigur Teit Jacobsen. Hann hevur vunnið sær fast pláss á HB liðnum í ár. Tí kundi hann eisini valt tryggleikan í Føroyum og ásannar, at tað verður ein avbjóðing at flyta til Sønderjyske. Ja, tað er ikki bara lætt, men eisini ein spennandi avbjóðing. Eg havi havt tað øgiliga gott í HB. Nú skal eg standa á egnum beinum. Tað verður hart, men mennandi og spennandi, sigur Teit Jacobsen. Hann skal nú á saman­sjóð­ ing­artúr saman við nýggju lið­ feløgunum. Mánadagin byrjar harða arbeiði, tá er Teit Jacobsen yrkisfótbóltsspælari. TRONDUR@SOSIALURIN.FO SØNDERJYSKE FEGNAST UM KEYPIÐ Í Sønderjyske fegnast ítrótt­ar­ stjórin, Hans Jørgen Haysen, um keypið av unga havnar­manni­ num. – Vit høvdu Teit til venj­ing­ar í eina viku, har hann spældi ein venjingardyst við eyka­liðnum. Vit dámdu tað vit sóu. Hann er ein spælari, sum arbeiður hart og er søkjandi í álopsspælinum, sigur Hans Jørgen Haysen við heimasíðuna hjá feløgunum. Teit Jacobsen er annar før­ oyingurin, sum er í super­liga­ hópinum hjá Sønderjyske. Fyri beint yvir tíggju árum síðani, spældi Rógvi Jacobsen fimm landskappingardystir fyri fel­ag­ið. Tað er líkt til, at Teit Jacobsen møguliga fær sínar fyrstu min­ uttir innan alt ov leingi, tí hann skal beint inn í super­ligahópin. – Hann er framvegis ein U19 spælari, men er kropsliga sterkur og evnaríkur spælari, sum kemur at verða ein partur av super­liga­ hópinum. Tá tað er sagt, so er hann framvegis ein ungur spæl­ ari, sum skal byggjast upp og hava tíð at menna seg, sigur Hans Jørgen Haysen. Í løtuni er ein annar før­oy­ ingur í Sønderjyske. Talan er um unga Jóhan Waag Høgnesen, ið hevur spælt fleiri dystir við eykaliðnum. Todi Jónsson í dysti fyri FCK omanfyri. Jóan Símun Edmundsson í dysti fyri OB Teit Jacobsen kunngjørdur í Sønderjyske Gunnar Nielsen, Manchester City, sum fyrsti føroyingur í Premier League