mánadagur 9. januar 2017síða 10

Mánadagur 9. januar 2017 · Nr. 4 10 Sosialurin Hugskot og viðmerkingar – send sms til 225000 SAMRØÐA OL ER IKKI Í HUGANUM Fyri fyrstu ferð í átta ár hevur Pál Vitalis Joensen ikki OL fremst í huganum. Ársskráin er ikki løgd eftir stóru summarkappingunum, men fokus er nú á útbúgving og at blíva pápi í summar. Hann hevur ongantíð endursæð OL svimjingarnar, men tað er ein møguleiki fyri, at OL verður ein partur av honum í farmtíðini, men tann avgerðin er ikki tikin. Pál Vitalis Joensen heldur fram at svimja, men nú við meira frælsi Tróndur Arge Hann er Føroya fremst ítróttarfólk. Tvær ferðir hevur hann svomið til OL, og hevur í fleiri ár verið millum heimsins bestu svimjarar á 1.500 metra teininum. Pál Vitalis Joensen hevur alla orsøk at verða hástórur, men longu tá hann stendur í hurð­ ini sært tú, at hann er ein eyð­mjúk­ ur maður, ið er sinnaður at geva av sær. Eftir OL í Rio í fjør ljóðaði, at før­oyski svimjarin fór at leggja svimju­brillurnar á hillina. Tað er ikki heilt rætt, tí steðgurin er bara í eina tíð. – Eg havi hildið eina løtt jól og ikki vant sum eg plagi. Tað er fyrstu ferð í langa tíð, sigur Pál Vitalis Joensen, tá hann setur seg við borðið. Hann er giftur Maluni Vitalis og tey hava tikið eftirnavnið hjá hvørj­um øðrum. Hendan dagin er svimj­arin á veg til Danmarkar, men hevur sett ein tíma av at hugleiða um lívið sum elitusvimjari og tað at mennast sum menniskja. Barn, útbúgving og avlýsing í Ungarn Tað er kalt í veðrinum og tíverri hev­ur tað eisini sett sín spor rund­ anum borðið. Hann er skjótur at taka av, tá tað stendur honum í boðið at fáa ein kopp av kaffi. Gomlu myndirnar av einum skinnaðaum vágbingi, ið verður heiðraður fyri síni trý gullheiðurs­ merki til EJM í Beogard í 2009, eru bara minnir. Pál Vitalis Joensen er í dag 26 ára gamal. Bæði krúlluta hárið og skeggið hava fingið tíð at veksa, og tað sæst aftur á eyðkenda andlitinum. – Eg hugsi ikki í dag, sum eg gjørdi eftir OL 2012. Tá visti eg, at eg skuldi til OL í 2016. Eg vil ikki siga at kenslan í dag er tóm, men eg havi meiri frælsi, sigur svimjarin og fær sær kaffi. Dagin eftir tað, sum hann kallar vónbrotið í London í 2012, boðaði hann frá, at hann ætlaði sær til OL í 2016. Vágbingurin var tá 21 ára gamal og hevði eitt greitt mál. Í dag er raðfestingin øðrvísi. – Komandi hálva árið fari eg at hugsavna meg um útbúgvingina og at blíva pápi, sigur hann og smílist. Konan, Malan Vitalis Joensen, er við barn og er sett til 29. juni. Tey búgva í Keypmannahavn, har bæði eru undir útbúgving. Pál tekur eina bachelor í vinnubúskapi og verkætlanarleiðslu. – Hatta orðið havi eg sjálvur funnið upp á, so eg veit ikki hvat almenna heitið er á føroyskum, sigur hann brosandi. Ein avleiðing av nýggja raðfest­ ingarlistanum er, at Pál Vitalis Joensen verður ikki at síggja til HM á langgeil í Budapest í summar. – Eg kann boða frá her, at eg ikki fari at taka lut í HM kappingini í Ungarn. Sjálvt um eg havi nógv góð vinfólk har og tað er stutt at ferðast, so havi eg fyribils sagt, at eg ikki farið, sigur Pál Vitalis Joensen, sum tó ikki hevur uppgivið alt svimji­árið. – Í átta ár havi eg havt okkurt at toppa til um summarið, men soleiðis verður ikki í ár. Eg havi ikki uppgivið alt svimjiðárið, tí eg ætli mær til EM í Keypmannahavn í vetur. So tað er eitt heilt ár, til eg skal toppa, greiðir Pál Vitalis Joen­ sen frá. Í svimjing verður nógv tosað um at ”toppa”. Tað er tá kroppurin er í best møguligum standi til at røkka bestu tíðirnar. Oftani verður eisini tosað um, at svimjarar eru í ”tungari venjing”. Tá er kroppurin í uppbygging og ikki eins kappingar­ klárur. Útbúgving heldur enn yrkissvimjari Hóast svimjing hevur havt hægstu raðfest øll árini, so hevur Pál Vitalis Joensen altíð verið sannførdur um, at hann skal hava eina útbúgving. Hetta hóast svimjingin krevur nógv av einum. Tað er ikki óvanligt í altjóða svimjiheiminum. – Tað er vanligt millum svimj­ ararnar, at teir fáa sær eina út­ búgving, meðan teir svimja, greiðir hann frá. Pál royndi í eitt ár eftir OL í London, at liva eitt lív sum yrkis­ svimjari. Tað ljóðar skilagott og sum ein dreymur, men fyri ein ungan vágbing við nógv tankum, so var tað ikki vegurin fram. – Tú hevur frítíð og frælsi, men tú fær ikki brúkt tað til so nógv. Mær dámar eisini betri at hava okkurt annað enn svimjing at hugsa um. Tað kendist sum eg stóð í stað sum menniskja. Tá bleiv eg meiri vitandi um, at eg hevði brúk fyri eini útbúgving, sigur vágbingurin. Pál veit ikki heilt hvar útbúgv­ ingin førir hann, men væntar at hann eins og við svimjingini fer at seta sær høg mál. Skúli og ítróttur mugu spæla saman Pál bleiv studentur í 2012, eftir at hava lokið prógv á studenta­skúl­ anum í Hovi. Talan var um serliga skúlagongd, sum vardi yvir fýra ár, heldur enn tey vanligu trý. Hann er sannførdur um, at skúli og ítróttur kunnu ganga hond í hond. Tá tú venur á heimselitustigi, so verður tú við vanligari skúlagongd antin noyddur at fara tíðliga upp, ella venja seint á kvøldi. Tað slapp Pál Vitalis Joensen undan við síni skúlagongd, tí hon bleiv tillagað venj­ingini. – Eg var lutfalsliga gamal, tá eg fekk mítt studentarprógv, tí tað tók eitt ár longi enn hjá hinum, men tað gav tað mær góðar møguleikar. Eg havi havt ágóðan av tí, sigur Pál Vitalis Joensen, sum hevur øll árini í studentarskúlanum vant á elitustigi. Tað eru tekin um, at føroyska skúlaverkið er sinnað at spæla við á ávísum økjum. Millum annað hevur Kommunuskúlin í Havn roynt seg við fótbóltsflokki. Vágbingurin er takksamur fyri hjálpina og væl­ vildina, hann fekk frá lærarum og skúlastjóra í Hovi. Eitt nú bleiv skemaðið lagt soleiðis, at hann bara hevði tímar mitt á degnum. Tað heldur hann er ein fyrimunur, men Eg havi hildið eina løtt jól og ikki vant sum eg plagi. Tað er fyrstu ferð í langa tíð