hósdagur 12. januar 2017síða 6

FRÍGGJADAGUR 13. JANUAR 2017 SOSIALURIN 6 6 PERSÓNSSØGA inniber, at eg kann spæla við VÍF í seinni hálvu av landskappingini, og skal brúka hesa tíðina at koma fyri meg aftur, greiðir Áki Egilsnes frá. Avtalan staðfestir tó, at tað ikki bara er likamliga, at hond­bólts­ leikarin skal styrkjast. – Sjálvsálitið fór í botn meðan eg var í Danmark, so tað skal saman við fótinum styrkjast aftur, sigur Áki Egilsnes, ið hevur regluligt samband við danska felagið, ið fylgir gongdini hjá føroyinginum. Deiligt men tó Áki Egilsnes dylur ikki fyri, at tað ikki reiðiliga var ætlanin hjá honum at venda aftur til føroyska deildina, men kortini gleðir hann seg at spæla fyri barndómsfelagið aftur. – Tað er altíð deiligt at koma heimaftur at spæla við VÍF, men eg hevði kortini ynskt, at eg var frískur og vandi við danska felagnum í staðin. Eg vil vísa teimum hvat eg kann. Men sjálv­ sagt gleði eg meg at lata meg í gulu blusuna og spæla í høllini í Vest­ manna aftur, sigur Áki Egilsnes. At hondbóltur hevur eitt heilt serligt status í Vestmanna hevur hann veruliga merkt seinastu dagarnar. Eftir at hann og aðrir vestmenningar vóru við til at vinna føroysku tjóðini eitt pláss í HM-endaspælinum í Algeria, hevur tað verið heldur øðrvísi at ganga runt í bygdini. – Vestmanna er ein hond­bólt­ sbygd. Tað er tað, ið fólk ganga mest upp í. Sjálvt um vit eisini hava kappróður, talv og annað, so hevur einki sama status um hondbóltur, sigur Áki Egilsnes og heldur fram. – Tað havi vit vestmenningar, ið vóru við U-21 landsliðnum, merkt seinastu dagarnar. Tað er eingin túrur har bilar ikki steðgar og ynskja okkum til lukku. Vit verða eisini róstir upp um skýggja av øllum. Sjálvandi er tað stuttligt, men vit vistu eisini av hesum áðrenn kappingina. Vit vistu, at øll bygdin stuðlaði okkum, sigur Áki Egilsnes. Hóast VÍF og hondbóltsbygdin Vestmanna hava eitt serligt stað í hjartanum hjá Áka Egilsnes, so er hann avgjørdur um, at steðgurin í Føroyum ikki verður drúgvur. – Eg ætli mær at liva av hond­ bóltinum. Tað er tað, ið eg brenni fyri, og er nokk tað, ið allir hond­ bóltsleikarar veruliga vilja. Eg veit, at um eg gevi alt eg kann, so skal eg nokk klára tað. Hjá mær snýr tað seg um at fáa sjálvsálitið upp, og koma í bestu venjing, sigur Áki Egilsnes. Aftur við einum braki Eftir at havt trupulleikar við tveimum drúgvum skaðum seinasta hálva árið, umframt einum sjálvsáliti, ið var í botn, vóru útlitini ikki júst tey bestu fyri unga vestmenningin við ársbyrjan, men HM-undankappingin um vikuskiftið var júst tað, ið honum tørvaði at lyfta seg aftur. – Mítt sjálvsálit er í topp eftir, at vit skrivaðu søgu við føroyska U-21 landsliðnum. Men fóturin hjá mær er enn eitt sindur tungur og hevur tað ikki so væl, sigur Áki Egilsnes. Vestmenningurin spældi nevni­ liga kappingina hóast fóturin ikki er heilt frískur enn, men nú er ætlanin at taka ein steðg, so fóturin fær neyðuga hvíldina. – Seinastu vikurnar hava eg bara hugsað um at vinna undan­ kappingina. Nú er sjálvsálitið aftur, so næsta stigið er fóturin, sigur Áki Egilsnes, ið tó leggur afturat, at tað nokk tekur longri tíð. – Tá tað gekk so væl, sum tað gjørdi til undankappingina, so skuldi ikki so nógv til fyri at fáa sjálvsálitið í rættlag aftur, men tað skal nokk meira til fyri at fóturin fær tað gott aftur, sigur Áki Egilsnes. Danska felagið hevur eisini latið hoyrt frá sær eftir óvæntaðu úrslitini um vikuskiftið. – Tey hava ynskt mær hjartaliga til lukku við úrslitinum, og eru bilsin yvir, at tað hevur gingist mær so væl, tí eg havi ikki spælt hondbólt í hálvanannan mánað. At eg megnaði at spæla kappingina við skaðanum er eisini meira, enn kundi væntast, sigur Áki Egilsnes. Dreymurin er enn á lívi Hóast fyrst hálva árið í donskum hondbólti ikki hevur verið nakað at reypa av hjá Áka Egils­ nes, so er dreymurin um at liva av hondbóltinum ikki deyður. Tvørturímóti, so væntar ungi vestmenningurin, at HM-kapp­ ingini í summar kann vera eitt gott høvi at vísa síni evnir. – Ætlanin er at koma í toppform aftur til í summar, so eg kann spæla upp til mítt besta til HM. Tá vera nokk eisini fleiri talentleitarar har, so um man er heppin, so kann tað vera, at man fær eitt gott tilboð frá onkrum felagi, sigur Áki Egilsnes, ið vísir á, at hann hevur nógvum takka fyri, at tað higartil hevur gingist honum so mikið væl. – Vinalagið hjá okkum í VÍF og á U-21 landsliðnum hevur verið fyrimyndarliga gott, og so havi eg eisini nógv at takka venjarum og mínum foreldrum fyri, at tey hava stuðla tær ígjøgnum alt, sigur Áki Egilsnes. Dreymurin hjá unga vest­menn­ ­inginum er at sleppa at spæla í týsku ella fronsku hondbólts­ deildini. – Bundesligain er tann besta deildin í verðini, og er tað ein dreymur at spæla har, men PSG hevði eisini verið stórt, sigur Áki Egilsnes. Stórt at umboða Føroyar Hóast ein sterkan vilja til at vilja klára seg uttanlands og prógva sítt virði í eini HM-kapping, so er tað ikki tað, ið verður fremst í huga, tá Áki Egilsnes saman við føroyska liðnum luttekur í HM-kappingini í summar. – Tað verður teir síðstu dystirnir hjá mær á U-21 landsliðnum. At umboða sítt land er altíð tað størsta, ið man kann gera, men eftir eitt slíkt bragd, so verður tað eyka serligt at lata seg í lands­liðs­ troyggjuna, sigur Áki Egilsnes. Vónirnar hjá unga vestmenn­ inginum eru eisini góðar til sjálva kappingina. – Í løtuni hava allir nokk torført at trúgva, at vit skulu til eina HM- endakapping. At vit hava klárað tað, ið eingin hevur megnað fyrr. Tað er ótrúligt, men skjótt venda vit fokus móti HM-endaspælinum og at fáa nøkur góð úrslit har, sigur Áki Egilsnes, og leggur afturat. – Vit komu víðari úr evropeiska bólkinum, og vit vita, at londini aðrastaðni frá eru verri enn tey evropeisku. So um vit eru í toppvenjing, og allir spæla sum til hesa kappingina, so skulu vit nokk aftur megna at taka nøkur fólk á bóli, sigur Áki Egilsnes. . HALLUR@SOSIALURIN.FO Tá tað gekk so væl, sum tað gjørdi til undan­ kapp­ingina, so skuldi ikki so nógv til fyri at fáa sjálvs­álitið í rættlag aftur, men tað skal nokk meira til fyri at fóturin fær tað gott aftur. Tað er altíð deiligt at koma heimaftur at spæla við VÍF, men eg hevði kortini ynskt, at eg var frískur og vandi við danska felagnum í staðin. Eg vil vísa teimum hvat eg kann. – Áki hevur nógv power Áki Egilsnes er ein øgiliga góður bak spælari. Hann vísti sítt veruliga virði móti Sveis, har hann var ein støðug hóttan við sínum góða skot armi. Hansara skot armur er øgiliga góður. Hann hevur nógv power og so hevur hann eisini nógvar variantar. Tað sigur Julian Johansen, hondbóltsviðmerkjari, ið um vikuskiftið fylgdi HM-undankappingini sum viðmerkjari hjá Rás2. Eins og landsliðsvenjarin, so metir Julian Johansen, at Áki Egilsnes ikki bara góður frameftir, men eisini kann nýtast sum verjuleikari. – Áki er eisini ein góður verjuleikari, sjálvt um hann til hesa kappingina mest dekkaði sum vongur ella fór út í verjuni. Hettar er helst tí at hann hevur havt skaðar at dragast við í síðstuni og tí ikki er í sínum besta formi.