hósdagur 12. januar 2017síða 16

FRÍGGJADAGUR 13. JANUAR 2017 SOSIALURIN 6 16 TEMA Fiskivinnan ÁRNI GREGERSEN – So at siga allar skeivar avgerðir, sum verða tiknar í fiskivinnuni ella fyri fiskivinnuna, byggja á, at vitanin um fiskivinnuna er ov lítil. Eyðstein Poulsen er reiðari og hevur sjálvur fiskað nógv. Hann er reiðari á frystilínuskipinum Ågot, sum júst nú er á Flemish Cap og fiskar av føroysku kvotuni har. Hann og brøðurnir hava havt skip síðani 1993. Í 2001 keyptu teir sær skipið, sum teir hava í dag. – Vit sóu, at skuldu vit halda fram við línuveiðu, so máttu vit annaðhvørt byggja gamla Ågot um ella keypa okkum annað skip. Vit valdu seinnu loysnina og hava framvegis tað skipið, sigur Eyð­ stein Poulsen. Hann heldur, at gjøgnum árini er tað vorðið torførari at reka fiskivinnu, tí treytirnar eru mun­ andi versnaðar. Til dømis vísir hann á, at Ågot síðani 1993 hevur mist 132 fiskidagar undir Føroyum. Ågot hevur loyvi at royna við línu og við gørnum. Skipið er sum nevnt í løtuni á Flemish Cap, har fiskiskapurin higartil hevur verið góður. Skipið hevur eisini formliga loyvi at fiska av føroysku kvotuni undir Íslandi, men ikki meira enn eitt tons. – Vit keyptu tíðliga fiskidagar undir Føroyum fyri hálva aðru milljón krónur, men síðani er bert minkað burturav, sigur Eyðstein Poulsen. Fiskivinnan gongur upp og niður Eyðstein Poulsen hoyrir til teirra, sum ásanna, at fiskivinnan gongur upp og niður. Viðhvørt er nógvur fiskur og onnur ár er fiskaloysi, sigur hann. – Hetta vita øll, sum aktivt hava tikið lut í fiskivinnuni og tað hava vit eisini merkt hesi árini, vit hava havt skip, sigur hann. Hann sigur, at tað sum nú verður ført fram um, at fiskastovnarnir skulu goymast og ikki fiskast ov hart, er ein leið, sum ikki er gongd. – Veiðan av fiskastovnunum hevur sjálvandi nakað at siga, men tað eru so ómetaliga nógvir aðrir faktorar, sum gera av um fiska­ stovnarnir vaksa ella minka, sigur Eyðstein Poulsen. – Og at billa sær inn, at tað ber til at goyma fiskin til at fiska árið eftir, er ov bláoygt. Fíggingarstovnarnir Reiðarin í Klaksvík heldur eisini, MEIRA VITAN UM FISKIVINNUNA ER TREYTIN FYRI FRAMBURÐI Størsti trupulleikin í verandi fiskivinnuskipan er manglandi vitan um, hvussu fiskivinnan sum heild virkar – hetta er eisini galdandi fyri fíggingarstovnarnar Eyðstein Poulsen: Eyðstein Poulsen. reiðari á Ågot, heldur at manglandi vitan um fiskivinnuna er orsøk til nógvar skeivar avgerðir